Vijay Deverakonda Tweet : ராஷ்மிகாவுடன் காதலா?.... மனதில் உள்ளதை ஓப்பனாக போட்டுடைத்த விஜய் தேவரகொண்டா

நடிகர் விஜய் தேவரகொண்டா கைவசம் தற்போது லிகர் படம் உள்ளது. இப்படத்தில் பாக்ஸராக நடித்து வருகிறார் விஜய் தேவரகொண்டா. இப்படத்தை பூரி ஜெகன்நாத் இயக்குகிறார். 

2016 ஆம் ஆண்டு கன்னடத்தில் வெளியான ‘கிரிக் பார்ட்டி’ படத்தின் மூலம் அறிமுகமானவர் ராஷ்மிகா மந்தனா (Rashmika Mandanna). மிக குறுகிய நாட்களிலேயே முன்னணி நடிகை என்கிற இடத்தை பிடித்துவிட்டார். குறிப்பாக கடந்த 2018ம் ஆண்டு விஜய் தேவரகொண்டாவுடன் (Vijay Deverakonda) இணைந்து இவர் நடித்த தெலுங்கு திரைப்படமான 'கீதா கோவிந்தம்' திரைப்படம் தெலுங்கு ரசிகர்கள் மட்டும் இன்றி தமிழ் ரசிகர்களையும் அதிகமாகவே கவர்ந்து விட்டது.

அதனைத் தொடர்ந்து அவர் நடித்த டியர் காம்ரேட் படமும் நல்ல வரவேற்பை பெற்றது. இதில் விஜய் தேவரகொண்டாவுடன் லிப் லாக் காட்சிகளில் எல்லாம் நடித்து, இளசுகளின் கனவு கன்னியாக மாறிவிட்டார். இவர்கள் இருவருக்குள்ளும் காதல் துளிர் விட்டு பொங்கி வழிந்து கொண்டிருப்பதாக சில கிசுகிசுக்கள் எழுந்து வந்தாலும், இருவருமே தொடர்ந்து மௌனம் காத்து வந்தார்கள்.

சமீபத்தில் இருவரும் ஒரே நேரத்தில் பாரிஸுக்கு சுற்றுலா சென்ற விவகாரம் டோலிவுட் வட்டாரத்தில் மிகவும் பரபரப்பாக பேசப்பட்டது. கடந்த சில தினங்களாக டோலிவுட் வட்டாரத்தில் பரபரப்பாக பேசப்பட்ட விஷயம் என்றால் அது விஜய் தேவரகொண்டா - ராஷ்மிகா மந்தனா ஆகியோரின் காதல் விவகாரம் தான்.

இருவரும் விரைவில் திருமணம் செய்துகொள்ள உள்ளதாகவும், இதற்கான திருமண தேதியை அவர்கள் அறிவிக்க உள்ளதாகவும் சமூக வலைதளங்களில் தகவல் பரவி வந்தது. இந்நிலையில், இதற்கு நடிகர் விஜய் தேவரகொண்டா முற்றுப்புள்ளி வைத்துள்ளார். இதுபோன்ற செய்திகள் வழக்கம்போல முட்டாள்தனமானவை என அவர் டுவிட்டரில் பதிவிட்டுள்ளார். 

நடிகர் விஜய் தேவரகொண்டா கைவசம் தற்போது லிகர் படம் உள்ளது. இப்படத்தில் பாக்ஸராக நடித்து வருகிறார் விஜய் தேவரகொண்டா. இப்படத்தை பூரி ஜெகன்நாத் இயக்குகிறார். பாலிவுட் நடிகை அனன்யா பாண்டே இப்படத்தில் விஜய் தேவரகொண்டாவுக்கு ஜோடியாக நடித்துள்ளார். பிரபல குத்துச் சண்டை வீரர் மைக் டைசனும் இப்படத்தில் முக்கிய கதாபாத்திரத்தில் நடித்துள்ளார். இப்படத்தை கரண் ஜோகர், சார்மி கவுர், பூரி ஜெகன்நாத் ஆகியோர் இணைந்து தயாரித்துள்ளனர். இப்படம் வருகிற ஆகஸ்ட் மாதம் 25-ந் தேதி ரிலீசாக உள்ளது.

இதையும் படியுங்கள்... Arabic Kuthu Song : பீஸ்ட் படத்தில் ‘அரபிக் குத்து’க்கு ஆப்பு வச்ச நெல்சன்! லீக்கான தகவலால் ஷாக்கான ரசிகர்கள்