ரகசிய திருமணம்; ஊருக்கே தெரியாமல் குழந்தையை பெற்ற ரஜினி - விஜய் பட ஹீரோயினா இது?

தமிழ் சினிமாவில், சூப்பர் ஸ்டார் ரஜினிகாந்த், விக்ரம், விஜய், தனுஷ், போன்ற முன்னணி நடிகர்களுக்கு ஜோடியாக நடித்து ரகசியமாக திருமணம் செய்து கொண்டு, குழந்தை பெற்றெடுத்த நடிகை தான் இந்த புகைப்படத்தில் இருக்கும் குழந்தை. அவர் யார்? என்பதன் முழு தகவல்களை இந்த பதிவில் பார்ப்போம். 

Shriya Saran viral pics

 42 வயதிலும், தன்னுடைய அழகாலும், இளமையான லுக்காலும், ரசிகர்களை கவர்ந்து வருபவர் நடிகை ஸ்ரேயா சரண். இவருடைய சிறிய வயது புகைப்படங்கள் தான், தற்போது வைரலாக பார்க்கப்பட்டு வருகிறது.

நடிகை ஸ்ரேயா ஹரிதுவார், உத்தரகாண்டில் பிறந்தவர். அங்கேயே தன்னுடைய கல்லூரி படிப்பை முடித்த இவர், சினிமா மீது கொண்ட ஆர்வத்தால் திரைப்பட வாய்ப்புகளை தேட துவங்கினார். இவருடைய ஆசைக்கு ஸ்ரேயாவின் பெற்றோரும் உறுதுணையாக இருந்தனர். 

தீவிரமாக ஸ்ரேயா பட வாய்ப்பு தேடி கொண்டிருந்த போது, இவருடைய புகைப்படம் இயக்குனர் விக்ரம் குமார் கையில் கிடைக்க, தான் இயக்கிய 'இஷ்டம்' திரைப்படத்தில் ஸ்ரேயாவை கதாநாயகியாக நடிக்க வைத்தார். இந்த திரைப்படம் 2001-ஆம் ஆண்டு வெளியாகி நல்ல வரவேற்பை பெற்றதை தொடர்ந்து அடுத்தடுத்து, தெலுங்கு திரையுலகில் உள்ள முன்னணி நடிகர்களுக்கு ஜோடி போட துவங்கினார்.

Baby Shriya Saran

அந்த வகையில் நாகார்ஜுனாவுக்கு ஜோடியாக 2002 ஆம் ஆண்டு வெளியான சந்தோஷம் படத்தில் நடித்தார். பின்னர் பாலையாவுக்கு ஜோடியாக 'சின்னகேசாவா ரெட்டி', தருணுக்கு ஜோடியாக 'நூவு நூவு' போன்ற பல படங்களில் நடித்தார்.

ஹிந்திலும் ரித்தீஷ் தேஷ் முக்குக்கு ஜோடியாக, ஜெனிலியா ஹீரோயினாக அறிமுகமான தூஜ்கே மேரி கசம்' என்கிற படத்தில் நடித்திருந்தார். அறிமுகமான இரண்டே வருடத்தில் கை நிறைய படங்களோடு வலம் வந்த ஸ்ரேயா சரண், தமிழில் 'எனக்கு 20 உனக்கு 18' என்கிற திரைப்படத்தில் ஹீரோவின் தோழி கதாபாத்திரத்தில் நடித்திருந்தார்.

Shriya Saran With Mother

இந்த படத்தின் வெற்றி, ஸ்ரேயா சரணுக்கு தமிழில் கதாநாயகி வாய்ப்பு கிடைக்க காரணமாக அமைந்தது. தெலுங்கில் பிஸியாக இருக்கும் போதே நடிகர் ஜெயம் ரவிக்கு ஜோடியாக 'மழை' படத்தில் நடித்தார். இதைத்தொடர்ந்து தனுஷுக்கு ஜோடியாக 'திருவிளையாடல் ஆரம்பம்', சூப்பர் ஸ்டார் ரஜினிகாந்த் ஜோடியாக 'சிவாஜி தி பாஸ்', விஜய்க்கு ஜோடியாக 'அழகிய தமிழ் மகன்', விஷாலுக்கு ஜோடியாக 'தோரணை' விக்ரமுக்கு ஜோடியாக 'கந்தசாமி' என அடுத்தடுத்து தமிழில் ஸ்டார் நடிகர்களுக்கு ஜோடி போட்டோர்.

Shriya Saran Childhood

தமிழ், தெலுங்கு, ஹிந்தி, இங்கிலீஷ், கன்னடம், என பல மொழிகளில் இதுவரை சுமார் 70-க்கும் மேற்பட்ட படங்களில் ஹீரோயினாக நடித்துள்ள ஸ்ரேயாவுக்கு... திருமணத்திற்கு பின்னர் கதாநாயகி வாய்ப்பு கிடைக்கவில்லை என்றாலும், தொடர்ந்து கதாபாத்திரத்துக்கு முக்கியத்தும் கொண்ட படங்களில் நடித்து வருகிறார்.

கடந்தாண்டு இவர் நடிப்பில் ஷோடைம் என்கிற சீரிஸ் வெளியான நிலையில், இந்த ஆண்டு தமிழில் சூர்யாவின் 44 வது படத்தில் ஸ்ரேயா சரண் முக்கிய கதாபாத்திரத்தில் நடித்து வருகிறார்.

Shriya Saran Pregnancy

ஸ்ரேயா முன்னணி நடிகையாக இருந்த போதும், தன்னுடைய திருமணம், குழந்தை பிறப்பு போன்றவற்றை மிகவும் ரகசியமாக வைத்திருந்து சில மாதங்களுக்கு பின்னரே வெளிப்படுத்தினார்.

ஸ்ரேயா, கடந்த 2018-ஆம் ஆண்டு ரஷ்யாவை சேர்ந்த டென்னிஸ் வீரர் மற்றும் தொழிலதிபர் ஆண்ட்ரீ என்பவரை காதலித்து ரகசியமாக திருமணம் செய்து கொண்டார். இவருக்கு திருமணமான தகவல் 2 மாதங்களுக்கு பின்னரே வெளியானது. பின்னர் ஸ்ரேயாவும் இந்த தகவலை ஒப்புக்கொண்டார். 

Shriya Saran Family

அதே போல் கொரோனா காலகட்டத்தில், ஸ்ரேயா கர்ப்பமான நிலையில்... ஊர் உலகத்துக்கே தெரியாமல் ரகசியமாக பெண் குழந்தையை பெற்றெடுத்தார். தன்னுடைய குழந்தைக்கு 9 மாதங்கள் ஆன பின்னரே, தனக்கு குழந்தை இருக்கும் தகவலையும், குழந்தையின் பெயர் ராதா என்பதையும் தெரிவித்தார் என்பது குறிப்பிடத்தக்கது.