- Home
- Cinema
- இனிமே வாடிவாசலுக்காக காத்திருக்க முடியாது... வெற்றிமாறனால் பொறுமை இழந்து நடிகர் சூர்யா எடுத்த அதிரடி முடிவு
இனிமே வாடிவாசலுக்காக காத்திருக்க முடியாது... வெற்றிமாறனால் பொறுமை இழந்து நடிகர் சூர்யா எடுத்த அதிரடி முடிவு
வெற்றிமாறன் இயக்க உள்ள வாடிவாசல் படத்தின் ஷூட்டிங் மேலும் தாமதம் ஆவதால், நடிகர் சூர்யா அதிரடி முடிவு ஒன்றை எடுத்துள்ளதாக தகவல் வெளியாகி உள்ளது.
சூர்யா நடிப்பில் தற்போது கங்குவா திரைப்படம் உருவாகி வருகிறது. சிறுத்தை சிவா இயக்கத்தில் பிரம்மாண்டமாக உருவாகி வரும் இப்படத்தை ஞானவேல் ராஜா தயாரிக்கிறார். கங்குவா படத்தின் ஷூட்டிங் விறுவிறுப்பாக நடைபெற்று வருகிறது. இப்படத்திற்காக உடல் எடையை அதிகரித்து நடித்து வருகிறார் சூர்யா. கங்குவா படத்தின் படப்பிடிப்பு இன்னும் ஓரிரு மாதத்தில் நிறைவடைந்துவிடும் என கூறப்படுவதால், சூர்யா அடுத்ததாக யார் இயக்கத்தில் நடிப்பார் என்பது கேள்விக்குறியாக இருந்தது.
இதனிடையே வெற்றிமாறனின் வாடிவாசல் படத்தில் தான் சூர்யா நடிப்பார் என கூறப்பட்டு வந்த நிலையில், தற்போது அதில் ஒரு டுவிஸ்ட் ஏற்பட்டுள்ளது. வெற்றிமாறன் கைவசம் விடுதலை படத்தின் இரண்டாம் பாகம் உள்ளது. அப்படத்தின் பணிகளை முடிக்கவே அடுத்த ஆண்டு ஆகிவிடும் என வெற்றிமாறன் கூறிவிட்டாராம். அதனை முடித்த பின்னர் தான் வாடிவாசல் படத்தின் படப்பிடிப்பு தொடங்க முடியும் என்கிற நிலை உள்ளது.
இதையும் படியுங்கள்... கதை கேட்டதும் படம் பிளாப் ஆகும்னு சொன்னாரு.. ஆனாலும் நடிச்சாரு - அஜித் பற்றி பிரபல இயக்குனர் சொன்ன பகீர் தகவல்
வெற்றிமாறனுக்காக அடுத்த ஆண்டு வரை காத்திருக்க முடியாது என முடிவெடுத்த சூர்யா, வாடிவாசல் படத்தை தள்ளிவைத்துவிட்டு, அதற்கு முன்னதாக ஒரு படத்தில் நடித்து முடிக்க பிளான் போட்டு உள்ளாராம். சூர்யா குறுகிய காலத்தில் நடித்து முடிக்க திட்டமிட்டுள்ள இந்த படத்தை சுதா கொங்கரா தான் இயக்குவார் என கூறப்படுகிறது. ஏற்கனவே இவர்கள் கூட்டணியில் வெளிவந்த சூரரைப் போற்று திரைப்படம் பிளாக்பஸ்டர் ஹிட் ஆனது குறிப்பிடத்தக்கது.
இயக்குனர் சுதா கொங்கரா தற்போது சூரரைப் போற்று திரைப்படத்தின் இந்தி ரீமேக் பணிகளில் பிசியாக உள்ளார். இதில் அக்ஷய் குமார் நாயகனாக நடித்துள்ளார். இப்படத்தின் ஷூட்டிங் முடிந்து ரிலீசுக்கு தயாராக உள்ளது. இப்படத்தில் நடிகர் சூர்யாவும் முக்கியமான கேமியோ ரோலில் நடித்துள்ளதோடு, இப்படத்தை தனது 2டி நிறுவனம் மூலம் தயாரித்தும் உள்ளார். சூரரைப்போற்று இந்தி ரீமேக் பணிகள் முடிவடைந்ததும், சூர்யா, சுதா கொங்கரா இணையும் புதிய படத்திற்கான பணிகள் தொடங்கும் என எதிர்பார்க்கப்படுகிறது.
இதையும் படியுங்கள்... பிறந்தநாளுக்கு கவர்ச்சி விருந்து... முதன்முறையாக பிகினி உடையில் போட்டோஷூட் நடத்தி அதகளப்படுத்திய தர்ஷா குப்தா
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.