சிலம்ப‘அரசன்’ ஆட்டம் ஆரம்பம்... அதகளமாக தொடங்கிய அரசன் ஷூட்டிங் - எங்கு தெரியுமா?
வெற்றிமாறன் இயக்கத்தில் சிம்பு நடிக்கும் 'அரசன்' படத்தின் படப்பிடிப்பு தொடங்கியது. வடசென்னை யுனிவர்ஸின் ஒரு பகுதியான இப்படத்தில் விஜய் சேதுபதியும் முக்கிய வேடத்தில் நடிக்கிறார்.
Arasan movie shooting update
வெற்றிமாறன்-சிம்பு கூட்டணியில் உருவாகும் புதிய படம்தான் 'அரசன்'. வடசென்னை யுனிவர்ஸில் உருவாகும் இந்தப் படத்தின் படப்பிடிப்பு தொடங்கியுள்ளது. விஜய் சேதுபதியும் இப்படத்தில் முக்கிய வேடத்தில் நடிக்கிறார். இப்படத்திற்கு அனிருத் இசையமைக்கிறார். சிம்பு படத்திற்கு அனிருத் இசையமைப்பது இதுவே முதன்முறை ஆகும். அதேபோல் வெற்றிமாறனுடனும் முதல்முறையாக அனிருத் இணைந்துள்ளதால் இப்படத்தின் பாடல்கள் மீதும் மிகப்பெரிய அளவில் எதிர்பார்ப்பு உள்ளது. இப்படம் அடுத்த ஆண்டு திரைக்கு வர உள்ளது.
அரசன் படப்பிடிப்பு தொடக்கம்
தென்னிந்திய சினிமாவில் அதிக ரசிகர்களைக் கொண்ட இயக்குநர்களில் வெற்றிமாறனும் ஒருவர். ஆடுகளம், வடசென்னை, அசுரன், விசாரணை, விடுதலை போன்ற சிறந்த படங்களை இந்திய சினிமாவுக்கு வழங்கிய வெற்றிமாறன், சிம்புவை நாயகனாக வைத்து படம் எடுப்பதால், தென்னிந்திய ரசிகர்கள் இப்படத்தை பெரும் எதிர்பார்ப்புடன் பார்க்கின்றனர். படத்தின் டைட்டில் போஸ்டருக்கு பெரும் வரவேற்பு கிடைத்துள்ளது. இந்த நிலையில், கோவில்பட்டியில் அரசன் படத்தின் முதற்கட்ட படப்பிடிப்பு நடக்கிறது. அங்கு 20 நாட்கள் ஷூட்டிங் நடைபெற உள்ளதாம்.
வட சென்னை யூனிவர்ஸில் உருவாகும் அரசன்
வடசென்னை இரண்டாம் பாகத்திற்காக ஆவலுடன் காத்திருக்கும் ரசிகர்களுக்கு 'அரசன்' ஒரு நம்பிக்கையை அளிக்கிறது. வி கிரியேஷன்ஸ் சார்பில் கலைப்புலி எஸ். தாணு இப்படத்தை தயாரிக்கிறார். சிம்புவுக்கு ஜோடியாக சாய் பல்லவி நடிப்பதாக தகவல்கள் வெளியாகியுள்ளன. மீண்டும் வட சென்னையின் நிழல் உலக கதையுடன் வெற்றிமாறன் வரும்போது, தமிழ் சினிமாவில் மற்றுமொரு ஃபிலிம் ஃபிரான்சைஸ் தொடங்குகிறது. யதார்த்தமான கதை சொல்லும் பாணியில், மிக பெரிய பட்ஜெட்டில் இப்படம் உருவாகும் என்றும் கூறப்படுகிறது.
கம்பேக் கொடுப்பாரா சிம்பு?
கௌதம் மேனன் இயக்கிய 'வெந்து தணிந்தது காடு' (2022) படத்தின் வெற்றிக்குப் பிறகு, வெற்றிமாறனின் யதார்த்தமான கதை சொல்லும் பாணியில் STR-இன் வருகையை அவரது ரசிகர்கள் ஆவலுடன் எதிர்பார்க்கின்றனர். இதற்கிடையில், விஜய் சேதுபதி நாயகனாக நடித்த 'விடுதலை பார்ட் 2' தான் வெற்றிமாறனின் கடைசியாக வெளிவந்த படம். ரசிகர்கள் ஆவலுடன் எதிர்பார்க்கும் சூர்யாவின் 'வாடிவாசல்' படத்தின் முன் தயாரிப்பு பணிகள் நடைபெற்று வருகின்றன. வெற்றிமாறன் - சிம்பு கூட்டணியில் உருவாகும் முதல் படம் அரசன் என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
