- Home
- Cinema
- கமல் படத்தில் ஹீரோவாக நடிக்க கமிட்டான உதயநிதி - அட... இது நம்ம லிஸ்ட்லயே இல்லையே...! ஆச்சர்யத்தில் ரசிகர்கள்
கமல் படத்தில் ஹீரோவாக நடிக்க கமிட்டான உதயநிதி - அட... இது நம்ம லிஸ்ட்லயே இல்லையே...! ஆச்சர்யத்தில் ரசிகர்கள்
Udhayanidhi Stalin : நடிகராகவும், அரசியல்வாதியாகவும், தயாரிப்பாளராகவும் பிசியாக இயங்கி வரும் உதயநிதி ஸ்டாலின் அடுத்ததாக கமல் தயாரிக்கும் படத்தில் நடிக்க உள்ளார்.
தமிழக முதல்வர் மு.க.ஸ்டாலினின் மகனான உதயநிதி ஸ்டாலின், தமிழ் சினிமாவில் ஒரு தயாரிப்பாளராக கடந்த 2008-ம் ஆண்டு அறிமுகமானார். அவர் தனது ரெட் ஜெயண்ட் மூவிஸ் நிறுவனம் மூலம் விஜய்யின் குருவி, சூர்யாவின் ஆதவன், கமலின் மன்மதன் அம்பு என அறிமுகமான சில வருடங்களிலேயே முன்னணி நடிகர்களின் படங்களை தயாரித்து பாப்புலர் ஆனார்.
இதன்பின்னர் ஒரு கல் ஒரு கண்ணாடி படம் மூலம் நடிகராக அவதாரம் எடுத்த உதயநிதி, இப்படம் பிளாக்பஸ்டர் ஹிட் ஆனதால், தயாரிப்பதை குறைத்துக்கொண்டு படங்களில் நடிப்பதில் கவனம் செலுத்தி வந்தார். தொடர்ந்து வித்தியாசமான கதையம்சம் கொண்ட படங்களில் நடித்த உதயநிதி, கடந்த ஆண்டு திமுக ஆட்சிக்கு வந்த பின் மீண்டும் பட தயாரிப்பில் இறங்கினார்.
கடந்த ஓராண்டுகளாக வெளியான பெரிய நடிகர்களின் படங்கள் பெரும்பாலானவற்றை உதயநிதியின் ரெட் ஜெயண்ட் மூவிஸ் நிறுவனம் தான் வெளியிட்டு வந்தது. இவ்வாறு சினிமாவில் சக்சஸ்புல் தயாரிப்பு நிறுவனமாக வலம் வரும் உதயநிதியின் ரெட் ஜெயண்ட் மூவிஸ் நிறுவனம் நேற்று தங்களது 15-வது ஆண்டு விழாவை கொண்டாடியது.
இதையும் படியுங்கள்... ஓவர் டைட் உடையில்... ஸ்ட்ரக்சரை நச்சுனு காட்டி கவர்ச்சி ததும்ப ஹாட் போஸ் கொடுத்த மாளவிகா மோகனன்
இதில் பாலிவுட் நடிகர் ஆமிர் கான் மற்றும் நடிகர் கமல்ஹாசன் ஆகியோர் சிறப்பு விருந்தினர்களாக கலந்துகொண்டனர். இந்த விழாவில் நடிகர் கமல்ஹாசன், தனது அடுத்த படத்தில் உதயநிதி நாயகனாக நடிக்க உள்ளதாக சர்ப்ரைஸ் அறிவிப்பு ஒன்றை வெளியிட்டார். கமல்ஹாசனின் ராஜ்கமல் பிலிம்ஸ் நிறுவனம் தயாரிக்க உள்ள 54-வது படத்தில் உதயநிதி நாயகனாக நடிக்க உள்ளதாக அறிவிக்கப்பட்டது. இது பலருக்கும் ஆச்சர்யத்தை ஏற்படுத்தியது. இருப்பினும் இந்த படத்தை இயக்கப்போவது யார் என்பதை அவர்கள் அறிவிக்கவில்லை.
இதுகுறித்து உதயநிதி டுவிட்டரில் பதிவிட்டுள்ளதாவது : “ ரெட் ஜெயண்ட்ஸின் 15 வருட சினிமா பயணத்தை கொண்டாடும் விதமாக உடன் பங்காற்றியவர்களை நேற்று சென்னையில் நடைபெற்ற நிகழ்ச்சியில் கௌரவித்தோம். ராஜ்கமல் நிறுவனம் தயாரிக்கும் அடுத்த படத்தின் கதை நாயகனாகும் பெருமைமிகு வாய்ப்பை எனக்கு வழங்கி, அதற்கான அறிவிப்பை வெளியிட்ட கமல் சாருக்கு நன்றி” என குறிப்பிட்டுள்ளார்.
இதையும் படியுங்கள்... தம்பி எடுத்த அல்டிமேட் போட்டோஷூட்... ஹாலிவுட் ஹீரோயின் ரேஞ்சுக்கு செம்ம மாஸாக போஸ் கொடுத்த ரம்யா பாண்டியன்
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.