இறப்புக்கு பின் வெளியான 20 படங்கள்; கோலிவுட்டில் 69 வயது வரை கலக்கிய நடிகர் யார் தெரியுமா?

Kollywood Actor : பிரபல தமிழ் நடிகர் ஒருவரின், 20 படங்கள் அவரது மறைவுக்கு பிறகு வெளியாகியுள்ளது என்றால் அதை உங்களால் நம்ப முடியுமா?

Kollywood Actor

தமிழ் சினிமாவை பொருத்தவரை டாப் நடிகர்கள் என்கின்ற இடத்திற்கு செல்லாவிட்டாலும் கூட, குணச்சித்திரம் மற்றும் காமெடி என்று இந்த இரண்டு கதாபாத்திரங்களில் நடித்து தமிழ் ரசிகர்கள் மத்தியில் மிகப்பெரிய வரவேற்போடு வலம் வந்த நடிகர்கள் பலர் உண்டு. உண்மையில் அதில் பலர் தற்பொழுது நம்மிடையே இல்லை என்பது தான் அதீத வருத்தம் அளிக்கும் செய்தியாக இருக்கிறது. அண்மையில் மறைந்த நடிகர் டெல்லி கணேஷ் தொடங்கி விவேக், மயில்சாமி, மனோபாலா போன்ற பல சிறப்பான நடிகர்கள் இந்த தமிழ் திரை உலகில் இனி இல்லை என்கின்ற அந்த ஒரு விஷயம் பல சினிமா ரசிகர்களுக்கு மிகப்பெரிய வருத்தத்தை தருகிறது என்றே கூறலாம்.

Actor Manobala

அந்த வகையில் பிரபல நடிகர் ஒருவருடைய 20க்கும் மேற்பட்ட திரைப்படங்கள் அவருடைய மறைவுக்கு பிறகு வெளியாகி உள்ளது என்பது பலர் அறியாத விஷயம். அந்த நடிகர் வேறு யாரும் அல்ல இயக்குனர், தயாரிப்பாளர் மற்றும் நடிகர் என்று பன்முகத்தன்மையோடு தமிழ் சினிமாவில் வலம்வந்த மனோபாலா தான். கடந்த 1982 ஆம் ஆண்டு வெளியான "ஆகாய கங்கை" என்கின்ற திரைப்படத்தின் மூலம் தான் இவர் இயக்குனராக தமிழ் திரை உலகில் களமிறங்கினார். அதற்கு முன்னதாக இயக்குனர் இமயம் பாரதிராஜாவின் "புதிய வார்ப்புகள்" என்கின்ற திரைப்படத்தின் மூலம் தான் இவர் நடிகராக தமிழ் திரை உலகில் களமிறங்கினார்.

Manobala

தமிழ் மொழியில் மட்டுமல்லாமல் தெலுங்கு, மலையாளம் உள்ளிட்ட மொழிகளிலும் பல படங்களில் நடித்து வந்த மனோபாலா கடந்த 2014 ஆம் ஆண்டு வெளியாகி மிகப்பெரிய அளவில் வரவேற்பை பெற்ற "சதுரங்க வேட்டை" என்கின்ற திரைப்படத்தின் மூலம் தயாரிப்பாளராக தமிழ் திரை உலகில் களமிறங்கினார். அந்த திரைப்படத்தை எச் வினோத் இயக்கியிருந்தது குறிப்பிடத்தக்கது. அதுவும் அந்த திரைப்படம் தான் அவருடைய முதல் திரைப்படமாகும். அதன் பிறகு கடந்த 2017 ஆம் ஆண்டு தமிழில் பிரபல நடிகர் பாபி சிம்ஹா மற்றும் கீர்த்தி சுரேஷ் நடிப்பில் வெளியான "பாம்பு சட்டை" என்கின்ற திரைப்படத்தையும் மனோபாலா தயாரித்து வழங்கி இருந்தார். 

தமிழ் திரையுலகை பொருத்தவரை இணை இயக்குனராக, நடிகறாக, தயாரிப்பாளராக, டப்பிங் கலைஞராக இப்படி பல திறமைகளோடு வளம் வந்த மனோபாலா கடந்த 2023 ஆம் ஆண்டு மே மாதம் மூன்றாம் தேதி சென்னையில் உடல் நலக்குறைவு காரணமாக காலமானார். இந்நிலையில் அவருடைய மறைவுக்கு பிறகு தமிழில் மட்டும் "தீரா காதல்", "காசேதான் கடவுளடா", "ராயர் பரம்பரை" தொடங்கி இந்த ஆண்டு வெளியான "இந்தியன் 2" மற்றும் "அந்தகன்" வரை 20 திரைப்படங்கள் வெளியாகி உள்ளது குறிப்பிடத்தக்கது. 

Late Actor Manobala

தமிழ் சினிமாவில் ஏறத்தாழ அனைத்து நடிகர்களுடனும் இணைந்து நடித்த பெருமை மனோ பாலாவிற்கு உண்டு. தமிழ் திரை உலகை பொருத்தவரை பிரசாந்த் நடிப்பில் வெளியான "அந்தகன்" என்கின்ற திரைப்படம் தான் அவர் இறுதியாக தமிழில் நடித்த திரைப்படம். தெலுங்கு மற்றும் மலையாள மொழிகளிலும் படங்களில் நடித்துள்ள மனோபாலா பிரபல விஜய் தொலைக்காட்சியில் ஒளிபரப்பாகி வந்த குக் வித் கோமாளி நிகழ்ச்சியின் மூன்றாவது சீசனில் குக்காக பங்கேற்று ஒரு சில எபிசோடுகளில் அசத்தி வந்தது குறிப்பிடத்தக்கது.