'டூரிஸ்ட் ஃபேமிலி' இயக்குனருக்கு கல்யாணப்பரிசாக BMW கார் கொடுத்த தயாரிப்பாளர்!
Tourist Family Director Receives BMW car: 'டூரிஸ்ட் ஃபேமிலி' திரைப்படத்தின் மூலம் பிரபலமான இயக்குநர் அபிஷன் ஜீவிந்த்திற்கு தயாரிப்பாளர் மகேஷ் ராஜ் பசிலியான் கார் பரிசாக வழங்கியுள்ளார்.
டூரிஸ்ட் ஃபேமிலி படத்தின் வெற்றி:
இந்த ஆண்டு, பெரிய பட்ஜெட் படங்களுக்கு கிடைக்காத வரவேற்பும், ஆதரவும் சிறிய பட்ஜெட் படங்களுக்கு கிடைத்தன. அந்த வகையில் அபிஷன் ஜீவிந் இயக்கத்தில், சசிகுமார், சிம்ரன் நடிப்பில் சுமார் 7 கோடி பட்ஜெட்டில் எடுக்கப்பட்டு, ரூ. 80 கோடிக்கும் மேல் கல்லா கட்டிய திரைப்படம் தான் 'டூரிஸ்ட் ஃபேமிலி'.
அபிஷன் புரபோசல்:
ஓடிடியிலும் வெளியாகி நல்ல வரவேற்பை பெற்றது. இந்த படத்தின் சக்ஸஸ் மீட்டில்... தன்னுடைய பள்ளி தோழியும், காதலியான அகிலா இளங்கோவனுக்கு திருமண புரோபோசலை கூறியதோடு, அக்டோபர் 31-ஆம் தேதி என்னை திருமணம் செய்து கொள்வாயா என்றும் கேட்டார். திரைப்படத்தை மிஞ்சும் விதத்தில் இவரது அணுகுமுறை இருந்ததாக பலரும் தங்களின் வாழ்த்துக்களை தெரிவித்து வந்தனர்.
அபிஷன் திருமணம்:
இதை தொடர்ந்து, 'டூரிஸ்ட் ஃபேமிலி' பட இயக்குநர் அபிஷன் ஜீவிந்த்திற்கு வரும் அக்டோபர் 31 ஆம் தேதி திருமணம் நடக்க உள்ளது. இதற்கான ஏற்பாடுகளும் துரிதமாக நடந்து வருகின்றனர். தற்போது இவருக்கு திருமணப் பரிசாக ரூபாய் 1 கோடி விலையுயர்ந்த கார் ஒன்றை பரிசளித்துள்ளார் MRP Entertainment தயாரிப்பாளர் மகேஷ் ராஜ் பசிலியான்.
10 மடங்கு லாபம்:
இலங்கை வாழ் மக்களின் கதைக்களத்தில், எளிமையான திரைக்கதையில், மனித உணர்வுகளின் வெளிப்பாடாக எடுக்கப்பட்ட, ஃபேமிலி எண்டர்டெயினரான, இந்த படத்தை MRP Entertainment நிறுவனம் தான் தயாரித்திருந்தது. அதே போல் தயாரிப்பாளர் மகேஷ் ராஜ் பசிலியனுக்கு இந்த படம் 10 மடங்கு லாபத்தையும் பெற்று தந்தது குறிப்பிடத்தக்கது.
ஹீரோவாக மாறிய அபிஷன்:
பெரிய நடிகர்களை வைத்து இயக்கும் படங்கள் தான் மக்கள் மத்தியில் வரவேற்பை பெரும் என்கிற எண்ணத்தை தவிடுபொடி ஆக்கும் விதமாக, MRP Entertainment தொடர்ந்து வளர்ந்து வரும் நடிகர்களை வைத்து குட் நைட், டூரிஸ்ட் ஃபேமிலி போன்ற எளிமையான கதைகள் மூலம் ஹிட் கொடுத்து வருகிறது. அபிஷன், தற்போது பிரதீப் ரங்கநாதன் பாணியில் ஒரு படத்தை இயக்கி அதில் ஹீரோவாகவும் நடித்து வருகிறார் என்பது குறிப்பிடத்தக்கது.