எத்தனை கோடி கொடுத்தாலும்; என்னால் இந்த மாதிரி படங்களை எடுக்க முடியாது - மணிரத்னம் ஓபன் டாக்

தக் லைஃப் படத்தின் இயக்குனர் மணிரத்னம், தன்னால் குறிப்பிட்ட ஜானர் படங்களை இயக்க முடியாது என சமீபத்திய பேட்டியில் கூறி இருக்கிறார்.

Image Credit : Google

Maniratnam Never Make This Genre Films

மணிரத்னம் - கமல்ஹாசன் கூட்டணியில் உருவாகி உள்ள திரைப்படம் தக் லைஃப். இப்படத்தை மெட்ராஸ் டாக்கீஸ், ராஜ்கமல் பிலிம்ஸ் மற்றும் ரெட் ஜெயண்ட் மூவீஸ் ஆகிய நிறுவனங்கள் இணைந்து தயாரித்துள்ளன. டெல்லியில் நடைபெற்ற 'தக் லைஃப்' படத்தின் புரமோஷன் நிகழ்வின் போது, இயக்குனர் மணிரத்னம், தனக்குப் பிடித்த ஜானர் படங்களைப் பற்றி மனம் திறந்து பேசினார், மேலும் தான் நகைச்சுவைப் படங்களை விரும்பினாலும், அவற்றை இயக்க முடியாது என்றும் கூறினார்.

Image Credit : Google

காமெடிக்கு நோ சொல்லும் மணிரத்னம்

அவர் கூறியதாவது : "எனக்கு மிகவும் பிடித்தது நகைச்சுவை படங்கள் ஆனால், நான் அவற்றில் சிறந்தவன் அல்ல, அதனால் நான் அவற்றை உருவாக்குவதில்லை. நான் அதைப் பார்க்கிறேன். கமல்ஹாசன் நகைச்சுவை செய்கிறார், அவர் செய்யும் நகைச்சுவைப் படங்கள் நம்பமுடியாதவை, நான் அவற்றை ஒருபோதும் உருவாக்க முடியாது. அதனால், நான் அதை பார்ப்பதோடு நிறுத்திக் கொள்கிறேன்," என்று மணிரத்னம் கூறினார்.

Image Credit : X

காமெடி பக்கம் தலைகாட்டாத மணிரத்னம்

இதற்கு பதிலளித்த நடிகர் கமல்ஹாசன், மணிரத்னத்தால் நகைச்சுவைப் படங்களை இயக்க முடியாது என்பது அல்ல, ஆனால் அவர் அதைத் தேர்வு செய்யவில்லை என்று கூறினார். இயக்குனர் மணிரத்னம் கடந்த 40 ஆண்டுகளுக்கு மேலாக பல்வேறு மாஸ்டர் பீஸ் படங்களைக் கொடுத்திருக்கிறார். அவர் ரொமான்ஸ் படங்களைக் கூட அதிகளவில் இயக்கி இருக்கிறார். ஆனால் காமெடி படங்கள் பக்கம் தலைகாட்டியதே இல்லை. அவர் படங்களிலும் பெரியளவில் காமெடி காட்சிகள் இருக்காது.

Image Credit : Google

மணிரத்னம் இயக்கிய தக் லைஃப்

மணிரத்னம் இந்திய திரையுலகின் மூத்த இயக்குனர்களில் ஒருவர், ஒவ்வொரு நடிகரும் அவர்களுடன் இணைந்து பணியாற்ற வேண்டும் என்று கனவு காண்கிறார்கள். கமல்ஹாசன் மற்றும் மணிரத்னம் 37 ஆண்டுகளுக்கு பின் இணைந்துள்ள 'தக் லைஃப்' திரைப்படம் வருகிற ஜூன் 5 ஆம் தேதி திரையரங்குகளில் வெளியாகவுள்ளது. இந்தப் படத்தில் திரிஷா கிருஷ்ணன், சன்யா மல்ஹோத்ரா, அபிராமி, அசோக் செல்வன், ஐஸ்வர்யா லட்சுமி, ஜோஜு ஜார்ஜ், நாசர், அலி ஃபசல் மற்றும் ரோஹித் சரஃப் ஆகியோரும் நடித்துள்ளனர்.