இனி குக் வித் கோமாளி நிகழ்ச்சிக்கு வர மாட்டேன்! ரசிகர் கேள்விக்கு ஷிவாங்கி ஷாக்கிங் பதில்..!

ரசிகர் ஒருவர் எழுப்பிய கேள்விக்கு, இனி குக் வித் கோமாளி நிகழ்ச்சிக்கு வரமாட்டேன் என  கூறி அதிர்ச்சியை கொடுத்துள்ளார் ஷிவாங்கி. 

சூப்பர் சிங்கர் நிகழ்ச்சி மூலம் ஒரு பாடகியாக மிகவும் பிரபலமானவர் சிவாங்கி. இவருடைய அம்மா ஒரு பாடகி என்பதால், சிவாங்கியும், சிறுவயதில் இருந்தே கர்நாடக சங்கீதம் பயின்று வந்த நிலையில், பின்னணி பாடகியாக மாற முயற்சி செய்தார். இதன் துவக்கமாகவே அவர் சூப்பர் சிங்கர் சீசன் 7 நிகழ்ச்சியில் பங்கேற்றார்.

ஷிவாங்கி பேசுவது குழந்தை தனமாக இருந்தாலும், சிவாங்கியின் குரல் ரசிகர்களை வெகுவாக கவர்ந்தது. சூப்பர் சிங்கர் நிகழ்ச்சிக்கு பின்னர், திடீரென குக் வித் கோமாளி நிகழ்ச்சியில், கோமாளிகளின் ஒருவராக உள்ளே வந்தார். கடந்த மூன்று சீசங்களில் கோமாளியாக இருந்த சிவாங்கி, தற்போது நடந்து வரும் நான்காவது சீசனில், சமையல் பயிற்சி எல்லாம் பெற்று... குக்காக களமிறங்கி அசத்தி வருகிறார்.

அன்று கோமாளியாக இருந்த சிவாங்கியா இப்படி? என ரசிகர்கள் கேட்கும் அளவிற்கு, சமையலில் அசத்தி வருகிறார். இவரைப் பார்த்து ஒவ்வொரு எபிசோடிலும் ரசிகர்கள் மெய் சிலிர்த்து வருகின்றனர். அந்த அளவுக்கு சமையலில் அனைவருக்கும் டஃப் கொடுத்து வருகிறார் சிவாங்கி.

இந்நிலையில் ரசிகர் ஒருவர், சிவாங்கியிடம் 'குக் வித் கோமாளி' நிகழ்ச்சியில், தற்போது குக்காக நீங்கள் உள்ளதால், அடுத்த அடுத்த சீசன்களில் கலந்து கொள்வீர்களா? என கேள்வி எழுப்பினார். அதற்கு சிவாங்கி இதுதான் என்னுடைய கடைசி குக் வித் கோமாளி நிகழ்ச்சி என்றும், இதற்கு மேல் இந்த நிகழ்ச்சி எத்தனை  சீசன்கள் தொடர்ந்தாலும், நான் கலந்து கொள்ள வாய்ப்பில்லை என தெரிவித்துள்ளார்.

Sivaangi

சிவாங்கி தற்போது பாடகி என்பதை தாண்டி சில படங்களில் நடித்தும் வருகிறார். அந்த வகையில் சிவகார்த்திகேயனுடன் டான், வடிவேலுடன் 'நாய் சேகர் ரிட்டன்ஸ்' போன்ற படங்களில் நடித்திருந்தார் என்பது குறிப்பிடத்தக்கது.