ஒரே நாளில் 2 ஓடிடி தளங்களில் ரிலீசாகும் வாரிசு... அதிகாரப்பூர்வ அறிவிப்பை வெளியிட்ட படக்குழு

தெலுங்கு இயக்குனர் வம்சி இயக்கத்தில் விஜய் நடித்த திரைப்படம் வாரிசு. கடந்த மாதம் பொங்கல் விருந்தாக திரைக்கு வந்த இப்படம் கலவையான விமர்சனங்களைப் பெற்றாலும் பேமிலி ஆடியன்ஸை கவரும் வகையில் இப்படம் அமைந்து இருந்ததால் வசூலையும் வாரிக்குவித்தது. இப்படம் தமிழ் மட்டுமின்றி தெலுங்கிலும் வாரசுடு என்கிற பெயரில் ரிலீஸ் ஆனது. இருமொழிகளிலும் அமோக வரவேற்பை பெற்ற இப்படம் பாக்ஸ் ஆபிஸிலும் வசூல் சாதனை நிகழ்த்தியது.

அதன்படி வாரிசு திரைப்படம் மொத்தமாக ரூ.310 கோடிக்கு மேல் வசூலித்து உள்ளது. நடிகர் விஜய்யின் கெரியரில் அதிக வசூல் செய்த திரைப்படம் என்கிற சாதனையையும் இப்படம் நிகழ்த்தியது. இதற்கு பிகில் படம் ரூ.306 கோடி வசூலித்ததே சாதனையாக இருந்த நிலையில் வாரிசு திரைப்படம் அதனை முறியடித்து நம்பர் 1 இடத்தை பிடித்துள்ளது. வாரிசு படத்தின் பிரம்மாண்ட வெற்றியை நடிகர் விஜய்யும் படக்குழுவினரோடு சேர்ந்து கொண்டாடினார்.

இதையும் படியுங்கள்... யாருக்கும் தெரியாமல் சிவகார்த்திகேயன் செய்த உதவிகள்... லிஸ்ட் போட்டு சொல்லி பிறந்தநாள் வாழ்த்து சொன்ன பிரபலம்

இந்நிலையில், வாரிசு திரைப்படம் ஓடிடி ரிலீசுக்கு தயாராகி உள்ளது. வழக்கமாக படம் ரிலீசாகி 28 நாட்களிலேயே படம் ஓடிடியில் ரிலீஸ் ஆகிவிடும். ஆனால் வாரிசு படத்துக்கு மக்களின் ஆதரவு தொடர்ந்து கிடைத்து வந்ததால், அப்படத்தின் ஓடிடி ரிலீஸ் தேதியை வெளியிடாமல் இருந்து வந்தனர். இந்நிலையில், அப்படம் வருகிற பிப்ரவரி 22-ந் தேதி ஓடிடியில் ரிலீஸ் ஆகும் என அதிகாரப்பூர்வமாக அறிவித்துள்ளனர்.

அதுவும் இப்படம் இரண்டு ஓடிடி தளங்களில் ரிலீஸாகும் என அறிவிக்கப்பட்டு உள்ளது. அதன்படி வருகிற பிப்ரவரி 22-ந் தேதி அமேசான் பிரைம் ஓடிடி தளத்தில் தமிழ், தெலுங்கு, இந்தி ஆகிய மொழிகளில் ரிலீசாகும் என்றும். இந்தியா தவிர்த்து வெளிநாடுகளில் சன் நெக்ஸ்ட் ஓடிடி தளத்தில் இப்படம் ரிலீசாகும் என அறிவித்துள்ளனர். இப்படம் ஓடிடியில் என்னென்ன சாதனைகளை நிகழ்த்தப் போகிறது என்பதை பொறுத்திருந்து பார்க்கலாம்.

இதையும் படியுங்கள்...  சூப்பர் சிங்கர் அஜய் கிருஷ்ணா - ஜெசி தம்பதிக்கு குழந்தை பிறந்தாச்சு! என்ன குழந்தை தெரியுமா? குவியும் வாழ்த்து!