விஜய்க்கு 'அந்த' நடிகையுடன் தொடர்பு.. வெளிப்படையாக போட்டுடைத்த மனைவி சங்கீதா.. மனுவில் பரபரப்பு தகவல்!

நடிகரும், தவெக தலைவருமான விஜய்யுடன் விவாகரத்து கேட்டு அவரது மனைவி சங்கீதா நீதிமன்றத்தில் மனு தாக்கல் செய்துள்ளார். நடிகையுடன் விஜய்க்கு தொடர்பு என பரபரப்பு குற்றம்சாட்டியுள்ளார். 

Image Credit : x

விஜய்யிடம் விவாகரத்து கேட்கும் மனைவி சங்கீதா

நடிகரும், தவெக தலைவருமான விஜய்யிடம் இருந்து விவாகரத்து கேட்டு அவரது மனைவி சங்கீதா செங்கல்பட்டு குடும்ப நல நீதிமன்றத்தில் வழக்கு தாக்கல் செய்துள்ளார். விஜய்யும் அவரது மனைவி சங்கீதாவும் பிரிந்து வாழ்வதாக கூறப்பட்டு வந்த நிலையில், விஜய்யிடம் இருந்து விவாகரத்து கேட்டு சங்கீதா நீதிமன்றம் சென்றுள்ளது பெரும் பரபரப்பை ஏற்படுத்தியுள்ளது.

Image Credit : Asianet News

விஜய்க்கு அந்த நடிகையுடன் தொடர்பு

சங்கீதா நீதிமன்றத்தில் தாக்கல் செய்த மனுவில், ''விஜய்க்கும் ஒரு நடிகைக்கும் தொடர்பு உள்ளது. அந்த நடிகையுடன் இருந்த தொடர்பு 2021ம் ஆண்டு ஏப்ரலில் எனக்கு தெரியவந்தது. அந்த நடிகையுடன் விஜய் வெளிநாடுகளில் சுற்றினார். அந்த புகைப்படங்களை நடிகையே பகிர்ந்தார். அந்த நடிகையால் நானும், எனது குழந்தைகளும் அவமானத்தை சந்திக்க நேரிட்டது. ஆனால் சிறிதும் மன வருத்தமும் இல்லாமல் விஜய் அந்த நடிகையுடன் தொடர்பில் இருந்து வந்தார்'' என கூறப்பட்டுள்ளதாக தகவல் வெளியாகி உள்ளது.

Image Credit : Asianet News

என்னை வீட்டில் முடக்கினார்

மேலும், ''இந்த விஷயம் தெரிந்தவுடன் விஜய்யுடன் பேசியபோது நடிகையுடன் தொடர்பை முறித்து விடுவதாக தெரிவித்தார். ஆனாலும் அவர் சொன்னதை செய்யாமல் நடிகையுடன் தொடர்ந்து தொடர்பில் இருந்தார். நடிகையுடனான தொடர்பு குறித்து கேட்டதால் என்னை வீட்டிலேயே முடக்கி எனது சுதந்திரத்தை தடுத்தார். என்னுடன் தாம்பத்ய உறவும் மேற்கொள்ள அவர் விரும்பவில்லை

Image Credit : X/TVKVijayHQ

சேர்ந்து வாழ எடுத்த முயற்சிகள் வீணானாது

விஜய் திருமணத்துக்கு மீறிய உறவில் இருந்ததால் நான் மனதளவில் மிகவும் பாதிக்கப்பட்டேன். விஜய்யுடன் சேர்ந்து வாழ எடுத்த அனைத்து முயற்சிகளும் வீணானது. இதனால் இனிமேல் அவருடன் சேர்ந்து வாழ முடியாது''என்று சங்கீதா தாக்கல் செய்த மனுவில் கூறப்பட்டுள்ளது. விஜய்யின் மனைவி சங்கீதா விஜய்யுடன் தொடர்பில் இருந்த அந்த நடிகையின் பெயரை மனுவின் எந்த இடத்திலும் குறிப்பிடவில்லை என்பது குறிப்பிடத்தக்கது.