யோகிபாபு வீட்ல விசேஷம்!! பீஸ்ட் முதல் பிக்பாஸ் வரை... பிரபலங்கள் புடைசூழ நடந்த விழா - வைரலாகும் போட்டோஸ்

தமிழ் சினிமாவை பொறுத்தவரை தற்போது முன்னணி காமெடி நடிகராக வலம் வருபவர் யோகிபாபு. ரஜினி, அஜித், விஜய் என தமிழ் சினிமாவின் டாப் ஹீரோக்கள் அனைவருடனும் காமெடியனாக ஒரு ரவுண்ட் வந்து கலக்கிவிட்டார். 

கைவசம் எக்கச்சக்க படங்களை வைத்துக் கொண்டு பிசியாக வலம் வரும் யோகிபாபு கடந்த ஆண்டு பிப்ரவரி மாதம் தனது திருமணத்தை மிகவும் எளிமையாக நடத்தி முடித்தார். 

பின்னர் பிரமாண்டமாக வரவேற்பு நிகழ்ச்சிக்கு ஏற்பாடு செய்திருந்தார். திடீர் என கொரோனா பிரச்சனை தீவிரமாக தலை தூக்கியதால், ஊரடங்கு உத்தரவு பிறப்பிக்கபட்டது. இதனால் வரவேற்பு நிகழ்ச்சி நடத்த முடியாமல் போனது.

இதையடுத்து யோகி பாபுவின் மனைவி மஞ்சு பார்கவி கர்ப்பமானார். இவரது வளைகாப்பு நிகழ்வை திரைப்பிரபலங்கள் முன்னிலையில் பிரமாண்டமாக நடத்த திட்டமிட்டிருந்தார் யோகிபாபு.

ஆனால் எதிர்பாராத விதமாக, மஞ்சு பார்கவி வளைகாப்பு நடைபெற இருந்த ஒரு நாளுக்கு முன்னதாகவே பிரசவவலி ஏற்பட்டு கடந்தாண்டு டிசம்பர் மாதம் அழகிய ஆண் குழந்தை பிறந்தது. 

நண்பர்களுக்கு கல்யாண சாப்பாடு தான் போடமுடியவில்லை, சீமந்தத்துக்காவது விருந்து கொடுக்கலாம் என நினைத்த யோகி பாபுவால் அதுவும் முடியாமல் போனது.

இந்நிலையில், தற்போது தனது மகன் விசாகனின் முதலாவது பிறந்தநாளை, தான் ஆசைப்பட்டபடி பிரம்மாண்டமாக நடத்தி முடித்துள்ளார் யோகிபாபு. இதில் தமிழ் திரையுலகை சேர்ந்த பிரபலங்கள் ஏராளமானோர் கலந்துகொண்டனர்.

பீஸ்ட் பட இயக்குனர் நெல்சன், பிக்பாஸ் பிரபலம் வருண், நடிகர்கள் சிவகார்த்திகேயன், உதயநிதி, இயக்குனர் கே.எஸ்.ரவிகுமார் என ஏராளமான பிரபலங்கள் கலந்துகொண்டு தங்களது வாழ்த்துக்களை தெரிவித்துள்ளனர். இந்த பிறந்தநாள் விழாவில் எடுத்த புகைப்படங்கள் வைரலாகி வருகின்றன.