T.R in Vijayakanth Movie: டி.ஆரின் ராசியால் புரட்சி கலைஞர் ஆன விஜயகாந்த்..! ரஜினியால் விஜயகாந்த் நடித்து ஹிட்டான மாஸ் மூவி..!

'கூலிக்காரன்' திரைப்படம் விஜயகாந்தின் திரைப்பயணத்தில் ஒரு திருப்புமுனையாக அமைந்தது. , விஜயகாந்திற்கு 'புரட்சி கலைஞர்' என்ற பட்டத்தைப் பெற்றுத் தந்த இந்த படம் குறித்த சுவாரஸ்யங்களை பார்ப்போம்.

Image Credit : Google

விஜயகாந்த் படத்தில் டிராஜேந்தர்.!

எப்போதுமே டி.ராஜேந்தர் மாஸ்தான். அவரை விரும்பாதவர்கள் இருக்கவே முடியாது. தமிழ் சினிமா வரலாற்றில் சில வெற்றிகளும் சாதனைகளும் தற்செயலாக அமைபவை. ஆனால் சில வெற்றிகள் திட்டமிட்டு செதுக்கப்படுபவை. ஆனால், 'கூலிக்காரன்' திரைப்படத்தின் வெற்றி என்பது ஒரு மாபெரும் ‘மேஜிக்’. சூப்பர் ஸ்டார் ரஜினிகாந்த் கொடுத்த சிபாரிசும், இசைப் புயல் டி.ராஜேந்தரின் உழைப்பும், கலைப்புலி எஸ்.தாணுவின் துணிச்சலும் ஒன்றிணைந்து விஜயகாந்தை ஒரு உச்ச நட்சத்திரமாக மாற்றிய அந்த சுவாரஸ்யமான பின்னணியைப் பார்ப்போம்.

Image Credit : Asianet News

ரஜினி கொடுத்த 'கேப்டன்' வாய்ப்பு!

1980-களின் இறுதியில் ரஜினிகாந்த் உச்சத்தில் இருந்த சமயம். தயாரிப்பாளர் கலைப்புலி எஸ்.தாணு, அமிதாப் பச்சன் நடித்த இந்திப் படமான 'காலியா' திரைப்படத்தின் உரிமையை வாங்கி வைத்திருந்தார். இந்தக் கதையை ரஜினியிடம் சொல்லி நடிக்க கால்ஷீட் கேட்டார். ஆனால், கதையைக் கேட்ட ரஜினி, "தாணு சார், இந்த ஆக்ஷன் ரோலுக்கு என்னைக் காட்டிலும் விஜயகாந்த் பொருத்தமாக இருப்பார் என்றும் அவருக்கு இது பெரிய திருப்புமுனையாக அமையும் என்றும் பெருந்தன்மையுடன் பரிந்துரைத்தார். அப்படி சூப்பர் ஸ்டாரால் கைமாறிய அந்த வாய்ப்புதான், விஜயகாந்திற்கு சூப்பவர் ஹிட் கொடுத்த  'கூலிக்காரன்'.

Image Credit : Asianet News

புரட்சி கலைஞர் பட்டம் பிறந்த கதை

விஜயகாந்திற்கு இந்த படத்திற்காக அவர் எப்போதும் வாங்குவதை விட  மூடங்கு சம்பளம் கொடுக்கப்பட்டதாம். தாணுவுக்கு விஜயகாந்தின் மீதிருந்த நம்பிக்கையே அதற்கு காரணம் என்று கூறப்படுகிறது. அதுமட்டுமல்லாமல், அந்தப் படத்தின் விளம்பரங்களுக்காக ஒரு அதிரடிப் பெயரைத் தேடிய தாணு, முதன்முதலாக விஜயகாந்திற்கு 'புரட்சி கலைஞர்' என்ற பட்டத்தைச் சூட்டினார். டி.ஆரின் ராசியான இசையும், தாணுவின் பிரம்மாண்ட விளம்பரமும் இணைந்து 'கேப்டன்' என்ற பிம்பத்தை நோக்கி விஜயகாந்தை நகர்த்தியது.

Image Credit : Facebook

டி.ஆரின் உழைப்பை பார்த்து மெய்சிலிர்த்த விஜயகாந்த்!

பொதுவாக டி.ராஜேந்தர் (டி.ஆர்.) தனது சொந்தப் படங்களுக்குத் தவிர மற்றவர் படங்களுக்கு இசையமைக்க மாட்டார். ஆனால், தாணுவின் நட்பிற்காக 'கூலிக்காரன்' படத்திற்கு இசையமைக்க ஒப்புக்கொண்டார். ஸ்டூடியோவில் டி.ஆர். காட்டிய அர்ப்பணிப்பு அனைவரையும் மிரள வைத்தது. ஒரு சிறிய இசைத் துணுக்கு சரியாக வரும் வரை அவர் தூங்கவே மாட்டார். ஒருமுறை, பாடலின் ரிதம் சரியாக அமையாததால், அவரே நேரடியாக இசைக்கலைஞர்களுடன் அமர்ந்து தாளம் போட்டு ஆவேசமாக விளக்கிக் காட்டினார். அவரது அந்த 'மியூசிக் வெறியை' நேரில் பார்த்த விஜயகாந்த், "தன் படத்திற்கே இவ்வளவு மெனக்கெட மாட்டார்கள், அடுத்தவர் படத்திற்காக இவர் சிந்தும் வேர்வை அசாத்தியமானது" என்று மெய்சிலிர்த்துப் பாராட்டினார்.

Image Credit : our own

பட்டிதொட்டியெங்கும் டி.ஆர். மேஜிக்

டி.ஆரின் இசையில் வெளியான பாடல்கள் அந்த ஆண்டின் மிகப்பெரிய 'சார்பஸ்டர்' ஹிட்டாக அமைந்தன.

• “குத்து விளக்காக” - தமிழகத்தின் பட்டிதொட்டியெங்கும் திருமண வீடுகளில் இன்றும் ஒலிக்கும் கிளாசிக் பாடல்.
• “வெச்ச குறி தப்பாது” - விஜயகாந்தின் ஆக்ஷன் ஹீரோ அந்தஸ்தை உறுதிப்படுத்திய மாஸ் சாங்.
• “வாழ்க்கை ஒரு” மற்றும் “தொட்டதும்” போன்ற பாடல்கள் மெல்லிசை ரசிகர்களைக் கட்டிப்போட்டன.

எஸ்பிபி, எஸ்.ஜானகி, மலேசியா வாசுதேவன் ஆகியோரின் குரல்களில் டி.ஆரின் இசை ஒரு புதுயுகத்தையே படைத்தது. ஆடியோ கேஸெட்டுகள் விற்பனையில் இந்தப் படம் அப்போது ஒரு இமாலய சாதனை படைத்தது.

Image Credit : our own

வெற்றிக் கூட்டணி: ஒரு பார்வை

இயக்குநர் ராஜசேகரின் விறுவிறுப்பான இயக்கம், விஜயகாந்தின் ஆக்ஷன், ரூபினியின் அறிமுகம், மற்றும் ஜெய்சங்கர், நாகேஷ் போன்ற ஜாம்பவான்களின் நடிப்பு என படம் முழுமையான பொழுதுபோக்கு விருந்தாக அமைந்தது. மொத்தத்தில், 'கூலிக்காரன்' திரைப்படம் என்பது ரஜினி காட்டிய வழி, டி.ஆர். சேர்த்த இசை வலிமை, தாணுவின் தயாரிப்பு நேர்த்தி என அனைத்தும் சேர்ந்து விஜயகாந்தை 'புரட்சி கலைஞராக' சிம்மாசனத்தில் அமர வைத்த ஒரு வெற்றி காவியம்!