கெத்தா... ஸ்டைலா... தனி விமானத்தில் ஐதராபாத் புறப்பட்ட ரஜினிகாந்த்... வைரல் போட்டோஸ்...!

First Published Dec 13, 2020, 3:46 PM IST

ரஜினிகாந்த் தனி விமானம் மூலமாக அண்ணாத்த படப்பிடிப்பில் பங்கேற்க ஐதராபாத் கிளம்பினார்.

'தர்பார்' படத்திற்கு பிறகு சிறுத்தை சிவா இயக்கத்தில் சூப்பர் ஸ்டார் ரஜினிகாந்த் நடித்து வரும் படம் ''அண்ணாத்த''. இதில் குஷ்பு, மீனா, நயன்தாரா, கீர்த்தி சுரேஷ், பிரகாஷ் ராஜ், சூரி உள்ளிட்டோர் நடித்து வருகின்றனர்.

இந்த படத்தை சன் பிக்சர்ஸ் நிறுவனம் தயாரித்து வருகிறது. இந்த படத்தின் முதல் இரண்டு கட்ட ஷூட்டிங் ஐதராபாத்தில் உள்ள ராமோஜிராவ் பிலிம் சிட்டியில் நடைபெற்று வந்த நிலையில், உலகம் முழுவதையும் உச்சகட்ட அச்சத்தில் வைத்துள்ள கொரோனா பீதியால் படப்பிடிப்பு நிறுத்தப்பட்டது.

கடந்த மார்ச் மாதம் முதலே படப்பிடிப்பிற்கு தடை விதிக்கப்பட்டிருந்த நிலையில், சமீபத்தில் திரைப்பட ஷூட்டிங்கிற்கு தமிழக அரசு அனுமதி அளித்தது. எனினும், கொரோனா அச்சுறுத்தல் காரணமாக சூப்பர் ஸ்டார் ரஜினிகாந்த் ஷூட்டிங்கில் பங்கேற்க வேண்டாம் என ரசிகர்கள் பலரும் கோரிக்கை விடுத்து வந்தனர்.

ஆனால் ஜனவரியில் கட்சி குறித்த அறிவிப்பை வெளியிட்டு, சட்டமன்ற தேர்தலிலும் பங்கேற்க திட்டமிட்டுள்ள சூப்பர் ஸ்டார் ரஜினிகாந்திடம் அண்ணாத்த படத்தின் 40 சதவீத படப்பிடிப்பு வேலைகள் முடிக்க வேண்டியுள்ளன. வரும் டிசம்பர் 15ம் தேதி முதல் சூப்பர் ஸ்டார் ரஜினிகாந்த் "அண்ணாத்த" படப்பிடிப்பில் பங்கேற்க உள்ளார்.

நேற்று சூப்பர் ஸ்டார் ரஜினிகாந்தின் 70வது பிறந்த நாளை தமிழகம் முழுவதும் உள்ள அவருடைய ரசிகர்களும், ரஜினி மக்கள் மன்ற நிர்வாகிகளும் தடபுடலாக கொண்டாடினர்.

சூப்பர் ஸ்டார் ரஜினிகாந்தும் பிரத்யேகமாக வடிவமைக்கப்பட்ட “இப்ப இல்லைன்னா எப்பவும் இல்லை” என்பதை குறிக்கும் விதமான Now or never என்று எழுதப்பட்ட கேக்கை வெட்டி குடும்பத்தினருடன் பிறந்தநாளை கொண்டாடியுள்ளார். அதுமட்டுமின்றி பிரதமர் முதல் கடைக்கோடி ரசிகர்கள் வரை தனக்கு வாழ்த்து கூறிய அனைவருக்கும் நன்றி தெரிவித்தார்.

தற்போது பிறந்தநாள் கொண்டாட்டங்கள் அனைத்தும் நிறைவடைந்த நிலையில், ரஜினிகாந்த் தனி விமானம் மூலமாக அண்ணாத்த படப்பிடிப்பில் பங்கேற்க ஐதராபாத் கிளம்பினார். இந்த புகைப்படங்கள் தற்போது சோசியல் மீடியாவில் வெளியாகி தாறுமாறு வைரலாகி வருகிறது.

தனி விமானம் மூலம் ஐதராபாத் ராமோஜி ராவ் ஸ்டியோவில் நடைபெற உள்ள ஷூட்டிங்கில் டிசம்பர் 15ம் தேதி முதல் பங்கேற்க உள்ள ரஜினிகாந்த், அங்கு 20 முதல் 25 நாட்கள் வரை தொடர் படப்பிடிப்பில் பங்கேற்பார் என்று தகவல்கள் வெளியாகியுள்ளன.