ரஜினிகாந்துக்கு என்ன சிகிச்சை அளிக்கப்பட்டது? எப்போது வீடு திரும்புவார்? - மருத்துவமனை வெளியிட்ட ரிப்போர்ட்!

Super Star Rajinikanth : பிரபல நடிகை ரஜினிகாந்த் நேற்று இரவு திடீர் உடல்நலக்குறைவால் மருத்துவமனையில் அனுமதிக்கப்பட்டார். அவரது உடை நிலை இப்பொது சீராக உள்ளது.

Super Star Rajinikanth

நேற்று செப்டம்பர் 30ம் தேதி திடீர் உடல்நல குறைவால் பாதிக்கப்பட்ட சூப்பர் ஸ்டார் ரஜினிகாந்த், சென்னையில் உள்ள அப்போலோ மருத்துவமனையில் உடனடியாக அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு வரும் நிலையில், அவர் இப்போது பூரண நலத்துடன் "உள்ளேயும் வெளியேயும்" அதே சூப்பர் ஸ்டாராக திகழ்ந்து வருவதாக மருத்துவமனை நிர்வாகம் தெரிவித்திருக்கிறது. மேலும் அவர் உடல் நலம் குறித்த ஒரு அறிக்கையையும் அப்போலோ மருத்துவமனை தற்பொழுது வெளியிட்டுள்ளது, அவரது ரசிகர்களுக்கு மிகப்பெரிய நிம்மதியை ஏற்படுத்தியிருக்கிறது.

Coolie Movie

தமிழ் திரை உலகில் பொருத்தவரை கடந்த 45 ஆண்டுகளுக்கும் மேலாக டாப் நடிகராக வலம் வந்து கொண்டிருப்பவர் சூப்பர் ஸ்டார் ரஜினிகாந்த் என்பது அனைவரும் அறிந்ததே. கடந்த 2023 ஆம் ஆண்டு பிரபல இயக்குனர் நெல்சன் திலீப் குமார் இயக்கத்தில் வெளியான அவருடைய "ஜெயிலர்" திரைப்படம் உலக அளவில் சுமார் 640 கோடி ரூபாய் வசூல் செய்து சாதனை படைத்தது. அன்று தொடங்கி இந்த ஓராண்டில் அந்த சாதனையை எந்த தமிழ் திரைப்படமும் இன்னும் முறியடிக்க வில்லை என்பதும் குறிப்பிடத்தக்கது. இந்த சூழலில் தான் தனது "வேட்டையன்" திரைப்பட பணிகளை அவர் துவங்கினார். 

இப்போது அந்த திரைப்பட பணிகளையும் முடித்துள்ள அவர், தொடர்ச்சியாக லோகேஷ் கனகராஜின் இயக்கத்தில் உருவாகி வரும் "கூலி" என்கின்ற திரைப்படத்திலும் தனது பணிகளை மேற்கொண்டு வருகிறார். இந்த சூழலில் தான் அவருக்கு உடல்நலக்குறைவு ஏற்பட்டுள்ளது. இப்போது மருத்துவமனையில் அனுமதிக்கப்பட்டு இருக்கும் சூப்பர் ஸ்டார் ரஜினிகாந்த், இதற்கு முன்னதாகவே பலமுறை, பல்வேறு காரணங்களுக்காக அறுவை சிகிச்சைகளை மேற்கொண்டுள்ளது குறிப்பிடத்தக்கது.

Rajinikanth

குறிப்பாக கடந்த 2016 ஆம் ஆண்டு அவருக்கு மிகப்பெரிய அளவில் உடல் நல குறைபாடு ஏற்பட்டது. அமெரிக்கா சென்று சிறுநீரகம் சம்பந்தமான சில அறிவை சிகிச்சைகளையும் அவர் மேற்கொண்டு பூரண சுகத்தோடு இந்தியா திரும்பினார். கடந்த 2011ம் ஆண்டு கூட ஒரு சிறிய அளவிலான உடல்நல கோளாறு அவருக்கு ஏற்பட்ட நிலையில் அவர் மருத்துவமனை சென்று திரும்பினார். அண்மையில் பிரபல இயக்குனர் சிறுத்தை சிவா இயக்கத்தில் வெளியான "அண்ணாத்த" திரைப்படத்தின் வெளியிட்டு சமயத்திலும் சூப்பர் ஸ்டார் ரஜினிகாந்துக்கு உடல் நல குறைபாடு ஏற்பட்டது குறிப்பிடத்தக்கது. 

இப்போது 74 வயதாகும் சூப்பர் ஸ்டார் ரஜினிகாந்த் இந்தியாவின் மிக மூத்த மற்றும் பிரபலமான நடிகர்களில் ஒருவராக திகழ்ந்து வருகிறார். இளம் வயதிலிருந்து அவருக்கு குடிப்பழக்கமும், புகைப்பழக்கமும் இருந்து வந்த நிலையில் கடந்த பல ஆண்டுகளாகவே அதை முற்றிலும் தவிர்த்து விட்டு தற்பொழுது ஆரோக்கியமான வாழ்க்கையை அவர் வாழ்ந்து வருவது அனைவரும் அறிந்ததே. இந்த சூழலில் தான் லோகேஷ் கனகராஜின் "கூலி" திரைப்பட பணிகளில் இருக்கும் அவருக்கு திடீரென உடல் நலக்குறைவு ஏற்பட்டது. 

Apollo Hospital

தற்போது சென்னையில் மருத்துவமனையில் அனுமதிக்கப்பட்டுள்ள அவருடைய உடல்நிலை குறித்து அறிக்கை ஒன்றை வெளியிட்டு இருக்கும் அப்போலோ நிறுவனம் தெரிவித்திருப்பதாவது.. "நேற்று செப்டம்பர் 30-ஆம் தேதி ரஜினிகாந்த் அப்போலோ மருத்துவமனையில் அனுமதிக்கப்பட்டார். அவருக்கு இதயத்திற்கு செல்லும் ரத்த குழாயில் ஒரு வீக்கம் ஏற்பட்டு இருந்தது. ஆனால் அதை சர்ஜரி இல்லாமல் Transcatheter என்று முறைப்படி அந்த வீக்கங்கள் முற்றிலுமாக சரி செய்யப்பட்டுள்ளது". 

"நாங்கள் எண்ணியதை போலவே அவருடைய உடல்நிலை தற்பொழுது மிகவும் சீராக இருக்கிறது. அவர் பூரண உடல் சுகத்துடன் தன்னுடைய பணிகளை விரைவில் மேற்கொள்வார். இன்னும் இரண்டு நாட்களில் அவர் டிஸ்சார்ஜ் செய்ய அதிக வாய்ப்புகள் இருக்கிறது" என்றும் அப்போலோ மருத்துவமனை நிர்வாகம் தெரிவித்திருக்கிறது.