புது சீரியல் வரவால்; சூப்பர் ஹிட் சீரியலின் நேரத்தை அதிரடியாக மாற்றிய சன் டிவி!

சன் டிவியில் புதிதாக ஒளிபரப்பாக உள்ள சீரியலால், இரவு 9.30 மணிக்கு ஒளிபரப்பாகி வந்த சூப்பர் ஹிட் சீரியலின் நேரம் அதிரடியாக மாற்றப்பட்டு உள்ளது.

Sun TV Serial

சீரியல்கள் என்றாலே சன் டிவி தான் என சொல்லும் அளவுக்கு தொடர்ந்து பல்வேறு சூப்பர் ஹிட் மெகா தொடர்களை சன் டிவி ஒளிபரப்பி வருகிறது. அந்த வகையில் சன் டிவியில் ஒளிபரப்பாகி வந்த சூப்பர் ஹிட் தொடர்களில் இனியா தொடரும் ஒன்று. அந்த தொடரில் ஆலியா மானசா ஹீரோயினாக நடித்து வந்தார். இந்த தொடர் ஆரம்பத்தில் இரவு 9 மணிக்கு ஒளிபரப்பாகி வந்தது. பின்னர் இரவு 10 மணி ஸ்லாட்டுக்கு மாற்றப்பட்டது.

Iniya serial

ஸ்லாட் மாற்றத்துக்கு பின்னர் இனியா சீரியலின் டிஆர்பி மளமளவென குறையத் தொடங்கியது. இதனால் வேறு வழியின்றி இனியா சீரியலுக்கு எண்ட் கார்டு போட்டுள்ளது சன் டிவி. இனியா சீரியல் இந்த வாரத்துடன் முடிவுக்கு வர உள்ளது. இதனால் இனியா சீரியலுக்கு பதில் வேறொரு புது சீரியலை சன் டிவி களமிறக்கி உள்ளது. அந்த சீரியல் பெயர் ரஞ்சனி. இந்த சீரியல் பெரும்பாலும் புதுமுகங்களை வைத்து எடுக்கப்பட்டு உள்ளது. சுந்தரி, சிங்கப்பெண்ணே சீரியலை தயாரித்த நிறுவனம் தான் இந்த சீரியலையும் தயாரிக்கிறது.

இதையும் படியுங்கள்... அதிக நாட்கள் ஓடிய சூப்பர் ஹிட் சீரியலை திடீரென முடிவுக்கு கொண்டு வரும் சன் டிவி!

Ranjani Serial

ரஞ்சனி சீரியல் வருகிற நவம்பர் 4ந் தேதி முதல் வாரத்தின் 7 நாட்களும் இரவு 9.30 மணிக்கு ஒளிபரப்பாகும் என அறிவிக்கப்பட்டு உள்ளது. விஜய் டிவியின் பிக்பாஸ் நிகழ்ச்சிக்கு போட்டியாக சன் டிவி இந்த புது சீரியலை களமிறக்கி உள்ளது. இதற்கு முன்னர் 9.30 மணி ஸ்லாட்டில் ஒளிபரப்பான எதிர்நீச்சல், மல்லி போன்ற தொடர்களுக்கு மக்கள் மத்தியில் அமோக வரவேற்பு கிடைத்ததால் ரஞ்சனி சீரியலும் அதே போல் கொண்டாடப்படும் என எதிர்பார்க்கப்படுகிறது.

Malli serial

ரஞ்சனி சீரியல் 9.30 மணிக்கு ஒளிபரப்பாக உள்ளதால் வருகிற திங்கள் கிழமை முதல் ஏற்கனவே அந்த டைம் ஸ்லாட்டில் ஒளிபரப்பாகி வந்த மல்லி சீரியலின் நேரம் அதிரடியாக மாற்றப்பட்டு உள்ளது. அதன்படி மல்லி சீரியல் இனி இரவு 10 மணிக்கு ஒளிபரப்பாகும் என அறிவிக்கப்பட்டு உள்ளது. டிஆர்பி-யில் நல்ல வரவேற்பை பெற்று வந்த மல்லி சீரியல் தற்போது நேரம் மாற்றப்பட்டுள்ளதால் எந்த அளவுக்கு வரவேற்பை பெறுகிறது என்பதை பொறுத்திருந்து பார்க்கலாம்.

இதையும் படியுங்கள்... நடிகர் விஜய்யை விட படு பிரம்மாண்டமாக திருமண மண்டபம் கட்டிய எதிர்நீச்சல் சீரியல் நடிகை!!