மாமன்னன் தந்த மவுசு... சம்பளத்தை சட்டென உயர்த்திய கீர்த்தி சுரேஷ் - அதுக்குன்னு இவ்வளவா?

மாமன்னன் படத்தில் நாயகியாக நடித்த கீர்த்தி சுரேஷ், அப்படத்தின் பிளாக்பஸ்டர் வெற்றிக்கு பின்னர் தன் சம்பளத்தை உயர்த்தி உள்ளாராம்.

keerthy suresh

நயன்தாரா போல் மலையாளத்தில் இருந்து தமிழுக்கு வந்த பேமஸ் ஆனவர் கீர்த்தி சுரேஷ். இவர் இது என்ன மாயம் படத்தின் மூலம் அறிமுகமானார். அப்படம் பெரியளவில் வெற்றியடையாவிட்டாலும், அதன்பின் வெளிவந்த ரஜினி முருகன் திரைப்படம் கீர்த்தி சுரேஷுக்கு நல்ல பெயரை பெற்றுத்தந்தது. இதையடுத்து விஜய்யுடன் பைரவா, சர்கார், விக்ரம் ஜோடியாக சாமி 2, சூர்யாவுடன் தானா சேர்ந்த கூட்டம் போன்ற படங்களில் நடித்து முன்னணி நடிகையானார்.

அதுவரை கமர்ஷியல் படங்களில் மட்டும் நடித்து வந்த கீர்த்தி சுரேஷ், மகாநடி என்கிற பயோபிக் படத்தில் தன்னுள் இருக்கும் நடிப்புத்திறமையை வெளிப்படுத்தி அனைவரையும் அசர வைத்தார். அவரது சிறந்த நடிப்புக்காக தேசிய விருதும் கிடைத்தது. இதையடுத்து தெலுங்கிலும் மகேஷ் பாபு, நானி, சிரஞ்சீவி என முன்னணி நடிகர்களுடன் நடித்து டோலிவுட்டிலும் தன்க்கென ஒரு தனி மார்க்கெட்டை உருவாக்கினார் கீர்த்தி சுரேஷ்.

இதையும் படியுங்கள்... ரஜினியை வைத்து வேறமாரி சம்பவம் செய்துள்ள நெல்சன்... இணையத்தில் லீக் ஆனது ஜெயிலர் படக் கதை?

கீர்த்தி சுரேஷ் நடிப்பில் தமிழில் கடந்த சில ஆண்டுகளாக வெளிவந்த படங்கள் அனைத்தும் தோல்வியை தழுவின. வெற்றிக்காக ஏங்கி வந்த கீர்த்திக்கு மாமன்னன் திரைப்படம் மிகப்பெரிய திருப்புமுனையாக அமைந்தது. மாரி செல்வராஜ் இயக்கிய இப்படத்தில் லீலா என்கிற ஸ்ட்ராங்கான கதாபாத்திரத்தில் நடித்து பாராட்டுக்களை பெற்றார் கீர்த்தி. மாமன்னன் படமும் பாக்ஸ் ஆபிஸில் பட்டைய கிளப்பி ரூ.50 கோடிக்கு மேல் வசூலையும் வாரிக்குவித்தது.

மாமன்னன் படத்தின் வெற்றியால் செம்ம குஷியான கீர்த்தி தற்போது தன் சம்பளத்தை மளமளவென உயர்த்தி உள்ளாராம். இதுவரை ஒரு படத்துக்கு ரூ.2 கோடி வரை சம்பளமாக வாங்கி வந்த கீர்த்தி, தற்போது அதனை டபுள் மடங்காக உயர்த்தி உள்ளாராம். தற்போது நடிகை கீர்த்தி சுரேஷ் கைவசம் தமிழில் கண்ணிவெடி, சைரன், ரகுதாதா, ரிவால்வர் ரீட்டா போன்ற படங்கள் உள்ளன. இதேபோல் தெலுங்கில் போலா சங்கர் படத்தில் நடித்து முடித்துள்ளார்.

இதையும் படியுங்கள்... தியேட்டர்களை ஆக்கிரமித்த மாவீரன்... வேறுவழியின்றி ஓடிடிக்கு சென்ற மாமன்னன் - ரிலீஸ் தேதி அறிவிப்பு