கங்குவாவிற்கு விழுந்த அடி; உஷாரான இயக்குனர்கள் - புஷ்பா 2 படத்திற்காக செய்யப்படும் மாற்றம்!

இந்த ஆண்டின் மிகவும் எதிர்பார்க்கப்பட்ட ஒரு திரைப்படமாக திகழ்ந்து வந்தது பிரபல நடிகர் சூர்யாவின் கங்குவா திரைப்படம். கிட்டத்தட்ட இரண்டு ஆண்டுகளுக்கும் மேலாக இந்த ஒரே ஒரு திரைப்படத்திற்காக தான் நடிகர் சூர்யா தன்னுடைய மொத்த கால்ஷீட்டையும் செலவிட்டது குறிப்பிடத்தக்கது. இந்த திரைப்படத்திற்காக பல திரைப்படங்களை அவர் நிராகரித்ததும் அனைவரும் அறிந்ததே. இரண்டு முறை ரிலீஸ் தேதி ஒத்திவைக்கப்பட்டு கடந்த நவம்பர் மாதம் 14ஆம் தேதி குழந்தைகள் தினத்தன்று உலக அளவில் சுமார் 38 மொழிகளில் 11,500 திரையரங்குகளில் வெளியானது கங்குவா திரைப்படம்.

"அரசியல் பற்றி தான் பேசினோம்" ரஜினியுடன் திடீர் சந்திப்பில் ஈடுபட்ட சீமான்!

ஆனால் இந்த திரைப்படத்தின் முதல் காட்சி ஒளிபரப்பப்பட்ட நேரத்திலிருந்து, இப்போது வரை தொடர்ச்சியாக இந்த திரைப்படத்தின் திரைக்கதையின் மீதும், இசையின் மீதும் பெரிய அளவிலான விமர்சனங்கள் முன்வைக்கப்பட்டு வருகிறது. குறிப்பாக இந்த திரைப்படத்தை முதல் ஷோவை பார்த்த பலர், காதுகள் வலிக்கும் அளவிற்கு இந்த திரைப்படத்தின் இசை இருந்ததாகவும், தேவிஸ்ரீ பிரசாத் தான் இதற்கு காரணம் என்னும் கூறிய நிலையில், உடனடியாக அப்படத்தின் தயாரிப்பு நிறுவனத்தின் தரப்பில் இருந்து சவுண்ட் மிக்சிங்கில் தான் பிரச்சனை ஏற்பட்டிருக்கிறது. இதற்கும் தேவி ஸ்ரீ பிரசாத்திற்கும் எந்த சம்பந்தமும் இல்லை என்று விளக்கம் அளிக்கப்பட்டது. அதேபோல சிறுத்தை சிவாவின் திரைக்கதையும் பெரும் தொய்வை ஏற்படுத்தியதாக கூறப்பட்டது.

கிட்டத்தட்ட 2000 கோடி ரூபாய் வரை கங்குவா திரைப்படம் வசூல் செய்யும் என்று அப்படத்தின் தயாரிப்பாளர் ஞானவேல் ராஜா நம்பிக்கை தெரிவித்து இருந்த நிலையில், இன்னும் 250 கோடியை கூட தாண்ட முடியாமல் கங்குவா திரைப்படம் திணறி வருவது குறிப்பிடத்தக்கது. இந்த சூழலில் வருகின்ற டிசம்பர் மாதம் 5ஆம் தேதி பிரபல தெலுங்கு திரை உலகை நடிகர் அல்லு அர்ஜுனுடைய நடிப்பில், சுகுமார் இயக்கத்தில் புஷ்பா படத்தின் இரண்டாம் பாகம் உலக அளவில் வெளியாக உள்ளது. தமிழிலும் இந்த திரைப்படத்தின் முதல் பாகம் மிகப்பெரிய வரவேற்பை பெற்றது குறிப்பிடத்தக்கது. அல்லு அர்ஜுன் நேரடியாக இன்னும் தமிழ் திரைப்படங்களில் நடிக்கவில்லை என்றாலும், அவருக்கும் தமிழ் ரசிகர்கள் மத்தியில் மிகப்பெரிய வரவேற்பு இருந்து வருகிறது. 

இந்த சூழலில் ஏற்கனவே கங்குவா திரைப்படத்தின் இசை குறித்து விமர்சனம் செய்திருந்த ஆஸ்கர் விருது வென்ற சவுண்ட் இன்ஜினியர் ரசூல் பூக்குட்டி தற்போது ஒரு விஷயத்தை வெளியிட்டு இருக்கிறார். அவர் புஷ்பா 1 படத்திற்கு சவுண்டு இன்ஜினியராக பணியாற்றியிருந்தார். இருப்பினும் புஷ்பா 2 திரைப்படத்தில் அவர் பணியாற்றவில்லை என்றாலும் கங்குவா திரைப்படத்திலிருந்து பெற்ற பாடத்தை பயன்படுத்தி புஷ்பா 2 திரைப்படம் வெளியாகும் பொழுது திரையரங்குகளில் உள்ள ஒலிபெருக்கிகளில் மாற்றம் செய்யப்பட்டு அதற்கு ஏற்றார் போல இசையை சரியான முறையில் அமைத்து வெளியிட ஆவணம் செய்ய வேண்டும் என்று தற்பொழுது தகவல் ஒன்றை வெளியிட்டு இருக்கிறார்.

சல்மானின் படத்தை கையில் எடுத்த அட்லீ; கோலிவுட்டின் இரு பெரும் தலைகளிடம் பேச்சுவார்த்தை!