சல்மானின் படத்தை கையில் எடுத்த அட்லீ; கோலிவுட்டின் இரு பெரும் தலைகளிடம் பேச்சுவார்த்தை!

Salman Khan : பிரபல நடிகர் சல்மான் கானை வைத்து தன்னுடைய அடுத்த திரைப்பட பணிகளை விரைவில் பிரபல இயக்குனர் அட்லீ தொடங்க உள்ளதாக தகவல்கள் வெளியாகி உள்ளது.

Salman Khan

தமிழ் சினிமா வரலாற்றிலேயே இதுவரை ஒரு பிளாப் படம் கூட கொடுக்காத இயக்குனர்களின் வரிசையில் டாப் 3 இடங்களில் நிச்சயம் அட்லீ இருப்பார் என்றால் அது மிகையல்ல. ராஜா ராணி திரைப்படம் தொடங்கி தமிழில் அவர் இயக்கிய அனைத்து திரைப்படங்களும் மெகா ஹிட் திரைப்படங்களாக மாறியது. இந்த சூழலில் தான் பிரபல இயக்குனர் அட்லீ பாலிவுட் உலகிற்கு சென்றார். அங்கும் அவருடைய முதல் திரைப்படமே ஆயிரம் கோடி வசூலோடு மெகா ஹிட் பிளாக் பஸ்டராக மாறியது.

Mersal

தமிழ் மொழியை பொறுத்தவரை கடந்த 2013 ஆம் ஆண்டு வெளியான ஆர்யாவின் ராஜா ராணி திரைப்படத்தின் மூலம் இயக்குனராக களம் இறங்கிய கட்லி தொடர்ச்சியாக "தெறி", "மெர்சல்" மற்றும் "பிகில்" என்று மூன்று திரைப்படங்களை விஜயை வைத்து இயக்கி அதை மெகா ஹிட் திரைப்படங்களாக மாற்றினார். இந்த சூழலில் சுமார் நான்கு ஆண்டு இடைவெளிக்கு பிறகு கடந்த 2023 ஆம் ஆண்டு பாலிவுட் உலகின் உச்ச நடிகர் சாருக் கானை வைத்து "ஜவான்" என்ற படத்தை இயக்கி இருந்தார். இந்த திரைப்படம் உலக அளவில் சுமார் 1,148 கோடி ரூபாய் வசூல் செய்து மெகா ஹிட் திரைப்படமாக மாறியது.

Shah Ruk Khan

திரைப்படத்தை இயக்குவது மட்டுமல்லாமல் ஏற்கனவே தமிழில் "சங்கிலி புங்கிலி கதவ தொற" மற்றும் "அந்தகாரம்" ஆகிய இரு திரைப்படங்களை தயாரித்து வழங்கிய அட்லீ, அட்லி இப்போது ஹிந்தி மொழியில் உருவாகி வரும் "தெறி" திரைப்படத்தின் ரீமேக் படமான "பேபி ஜான்" படத்தையும் தயாரித்து வருவது குறிப்பிடத்தக்கது. நடிகராகவும் சில திரைப்படங்களில் நடித்துள்ள அவர் தற்பொழுது மீண்டும் பாலிவுட் உலகில் ஒரு திரைப்படத்தை இயக்கவிருக்கிறார். இந்த முறை பிரபல நடிகர் சல்மான் கானை வைத்து அவர் ஒரு திரைப்படத்தை இயக்க உள்ளது குறிப்பிடத்தக்கது.

Kamal and Rajini

இந்த நிலையில் அட்லீ விரைவில் சல்மான் கான் திரைப்படத்தை தொடங்க உள்ளதாக கூறப்படுகிறது. இது ஒரு பேண்டஸி மற்றும் பீரியட் திரைப்படமாக இருக்கும் என்றும், ஹிஸ்டரிகள் படமாகவும் இருக்கும் என்றும் கூறப்படுகிறது. இந்த திரைப்படத்தை சன் பிக்சர்ஸ் நிறுவனம் தயாரிக்கின்ற நிலையில், இது டூயல் ஹீரோ சப்ஜெக்ட் ஆக இருக்கும் என்றும் கூறப்படுகிறது. சல்மான் கான் ஒரு நடிகராக கிளம்பிறக்க, மற்றொரு ஹீரோவாக கமலஹாசன் அல்லது சூப்பர் ஸ்டார் ரஜினிகாந்தை நடிக்க வைக்கலாம் என்று அவர்கள் இருவரிடமும் தற்போது பேச்சுவார்த்தை நடந்து வருவதாக கூறப்படுகிறது.