பிதாமகன் ஸ்டைலில் சூரரை போற்று..நம்ம நாயகனே நல்லாத்தான் இருந்தாரு..

சூரரை போற்று இந்தி ரீமேக்கில் அக்ஷய் குமாரை ஹீரோவாக வைத்து படத்தை இயக்கி வருகிறார்கள். இந்த படத்தின் ஃபர்ஸ்ட்லுக் போஸ்டர் சமீபத்தில் வெளியிடப்பட்டது.

soorarai pottru

கொங்கரா இயக்கத்தில் சூர்யா (Suriya), அபர்ணா முரளி, ஊர்வசி உள்ளிட்டோர் நடித்திருந்த  சூரரை போற்று கடந்தாண்டு நேரடியாக ஓடிடி-யில் வெளியாகி ரசிகர்களிடையே அமோக வரவேற்பை பெற்றது.ஏர் டெக்கான் நிறுவனர் ஜி.ஆர்.கோபிநாத்தின் வாழ்க்கை வரலாறாக உருவான இந்த படம் ரசிகர்களின் அமோக வரவேற்பை ஏற்படுத்தியது. தமிழ், தெலுங்கு ஆகிய இரு மொழிகளில் உருவாகிய இப்படத்தை 2டி என்டர்டெய்ன்மெண்ட் நிறுவனம் தயாரித்திருந்தது. தீபாவளி பண்டிகையை முன்னிட்டு அமேசான் பிரைம் வீடியோ மூலம் படம் டிஜிட்டல் முறையில் வெளியிடப்பட்டது . 

இந்தி மொழி உட்பட்ட பன்மொழிகளில் உருவாகியுள்ள இந்த படம்  78வது கோல்டன் குளோப் விருதுகளில் சிறந்த வெளிநாட்டுத் திரைப்படப் பிரிவின் கீழ் திரையிடப்படும் பத்து இந்தியத் திரைப்படங்களில் ஒன்றாக இது தேர்ந்தெடுக்கப்பட்டது . மேலும் இந்தத் திரைப்படம் 93வது அகாடமி விருதுகளில் திரையிடப்பட்டது. ஆனால் பரிந்துரைக்கப்படவில்லை. இந்தத் திரைப்படம் ஷாங்காய் சர்வதேச திரைப்பட விழாவின் பனோரமா பிரிவிலும் நுழைந்துள்ளது. 

சூர்யா நடிப்பில் வெளியான சூரரை போற்று படம் தற்போது இந்தியில் ரீமேக்காகி உள்ளது.. அக்ஷய் குமார் நாயகனாக நடிக்கும் இந்த படத்தின் பூஜைக்காக இந்த படத்தை தறிக்கும் 2டி இன்டர்நெஷனல் சார்பாக சூர்யா சென்றிருந்தார் அந்த புகைப்படம் வைரலானது.  சுதா கொங்கரா பிரசாத்  தான் இந்த படத்தையும் இயக்குகிறார்.

2டி என்டர்டைன்மென்ட் நிறுவனம் தான் தயாரிக்கிறது. இந்த படத்தின் ஃபர்ஸ்ட்லுக் போஸ்டர் சமீபத்தில் வெளியிடப்பட்டது. இந்த ஃபர்ஸ்ட்லுக்கில், குடிசை வீடு ஒன்றின் சிறுமி ஒருவருக்கு அருகில் அக்ஷய் குமார் பரட்டை தலை, அழுக்கான உடையுடன் அமர்ந்திருப்பதை போல் காட்டப்பட்டுள்ளது. இதை பார்த்த நெட்டிசன்கள் பிதாமகன் ஸ்டைலில் நாயகனை சித்தரித்து உள்ளதால் நெட்டிசன்கள் வருவதாக  கலாய்த்து வருகின்றனர்.