உலகநாயகன் தலைமையில் நடிகை கன்னிகாவை கரம் பிடித்த கவிஞர் சினேகன்..! திருமண புகைப்படங்கள் இதோ..!

தமிழ் திரையுலகில் இதுவரை 700க்கும் மேற்பட்ட படங்களில் 2 ஆயிரத்து 500க்கும் அதிகமான பாடல்களை எழுதியவர் கவிஞர் சினேகன். நடிப்பின் மீதான ஆர்வம் காரணமாக உயர்திரு 420, ராஜராஜ சோழனின் போர்வாள், பூமி வீரன் என சில படங்களில் முக்கிய கதாபாத்திரங்களில் நடித்துள்ளார். 

பிக்பாஸ் நிகழ்ச்சியில் பங்கேற்ற தன் மூலமாக பட்டி, தொட்டி எல்லாம் பிரபலமான சினேகன், அதன் பின்னர் அந்நிகழ்ச்சியை தொகுத்து வழங்கிய உலக நாயகன் கமல் ஹாசனின் மக்கள் நீதி மய்யம் கட்சியில் தன்னை இணைத்துக்கொண்டார். 

தற்போது தீவிர அரசியலில் இறங்கியுள்ள சினேகனுக்கும், பிரபல நடிகையான கன்னிகா ரவியுடன் இன்று சென்னை கிரீன் பார்க் ஓட்டலில் நடிகர் கமலஹாசன் தலைமையில் மிக பிரமாண்டமாக திருமணம் நடந்தது. 

இவரது திருமணத்தில், இயக்குனர் பாரதி ராஜா, இயக்குனர் அமீர், பழ கருப்பையா, உள்ளிட்ட திரைபிரபலங்கள் மற்றும் அரசியல் பிரபலங்கள் பலர் கலந்து கொண்டனர்.

பாடலாசிரியர் சினேகனும், வெள்ளித்திரை, சின்னத்திரையில் கலக்கி வரும் நடிகை கன்னிகா ரவியும் கடந்த 8 ஆண்டுகளாக காதலித்து வந்த நிலையில் இன்று திருமண வாழ்க்கையில் இணைந்துள்ளனர்.

இவர்களது திருமணத்தில் குடும்பத்தினர், மற்றும் பிரபலங்கள் பலர் கொரோனா பாதுகாப்பு வழிமுறைகளை பின்பற்றி கலந்து கொண்டதாக கூறப்படுகிறது.
 

மணமக்களை வாழ்த்தி பேசிய பாரதி ராஜா 

கமல்ஹாசன் காலில் விழுந்து ஆசீர்வாதம் பெரும் மணமக்கள் 

மணமகன் சினேகன் மற்றும் கன்னிகாவுக்கு வாழ்த்து கூறிய கமல் 

திருமணத்திற்கு பரிசாக வந்த புத்தகங்கள் 

பிரபலங்கள் அனைவருடனும் சேர்ந்து மகிழ்ச்சியான தருணத்தை கொண்டாடிய சினேகன் - கன்னிகா தம்பதி 

பூரித்த புன்னகையோடு திருமணத்திற்கு வந்த கமல் 

மணமகள் கழுத்தில் தாலி கட்டிய சினேகன் 

நெற்றியில் திலகமிட்ட ஆனந்தமான தருணம் 

அனைவரின் ஆசீர்வாதத்தோடு நடந்து முடிந்த திருமணம் 

மனமக்களுடன் கமல், பாரதி ராஜா, அமீர் உள்ளிட்டோர் அமர்ந்திருப்பதை பார்க்கலாம் 

சினேகன் - கன்னிகா ஜோடி.. கண்ணே பட்டுடும்