பிரசன்னாவை விட 3 மடங்கு அதிக சொத்துக்கு சொந்தக்காரியாக இருக்கும் சினேகாவின் Net worth இதோ

புன்னகை அரசி சினேகா

மலையாள படம் மூலம் அறிமுகமான சினேகாவுக்கு அடையாளம் கொடுத்தது தமிழ் சினிமா தான். இவர் தமிழில் கடந்த 2000-ம் ஆண்டு வெளிவந்த என்னவளே படம் மூலம் அறிமுகமானாலும் இவருக்கு பெயரையும் புகழையும் பெற்றுத்தந்த படம் ஆனந்தம் தான். லிங்குசாமி இயக்கிய இப்படத்தில் நடிகர் அப்பாஸுக்கு ஜோடியாக நடித்திருந்தார் சினேகா. இப்படத்தில் ‘பல்லாங்குழியில் வட்டம் பார்த்தேன்’ என்கிற ஒற்றை பாடல் மூலம் பட்டிதொட்டியெங்கும் பேமஸ் ஆனார் சினேகா.

டாப் ஹீரோயின்

ஆனந்தம் படத்தின் வெற்றியை தொடர்ந்து விஜய்யுடன் வசீகரா, சூர்யா ஜோடியாக உன்னை நினைத்து, கமலுடன் பம்மல் கே சம்மந்தம் மற்றும் வசூல் ராஜா எம்பிபிஎஸ், என அடுத்தடுத்து டாப் ஹீரோக்களுக்கு ஜோடியாக நடித்து குறுகிய காலத்திலேயே நட்சத்திர நாயகியாக வலம் வந்தார் சினேகா. அந்த காலகட்டத்தில் தமிழ் சினிமாவில் அதிக சம்பளம் வாங்கும் நடிகையாகவும் சினேகா திகழ்ந்து வந்தார்.

பிரசன்னா உடன் காதல்

கடந்த 2008-ம் ஆண்டு அச்சமுண்டு அச்சமுண்டு என்கிற படத்தில் நடிக்க கமிட் ஆனார் சினேகா. இப்படத்தில் பிரசன்னா ஹீரோவாக நடித்தார். இப்படத்தின் ஷூட்டிங்கின் போது சினேகா - பிரசன்னா இடையே காதல் மலர்ந்தது. இப்படம் 2009-ம் ஆண்டு ரிலீஸ் ஆன பின்னர் சுமார் மூன்று ஆண்டுகள் உருகி உருகி காதலித்த இந்த ஜோடி 2012-ம் ஆண்டு திருமண பந்தத்தில் இணைந்தது.

இதையும் படியுங்கள்... 'கோட் ' படத்தில் சினேகா கதாபாத்திரத்தில் முதலில் நடிக்க இருந்தது யார் தெரியுமா? வெங்கட் பிரபு கூறிய தகவல்!

சினிமாவுக்கு முழுக்கு

திருமணத்துக்கு பின்னர் சினிமாவுக்கு முழுக்கு போட்டார் சினேகா. இந்த ஜோடிக்கு கடந்த 2015-ம் ஆண்டு விஹான் என்கிற ஆண் குழந்தை பிறந்தது. மகன் பிறந்த சில ஆண்டுகளில் மீண்டும் சினிமாவில் ரீ-எண்ட்ரி கொடுத்து சிவகார்த்திகேயனின் வேலைக்காரன், தனுஷ் ஜோடியாக பட்டாசு ஆகிய படங்களில் நடித்த சினேகா பின்னர் மீண்டும் கர்ப்பமாகி 2020-ம் ஆண்டு ஆத்யந்தா என்கிற பெண் குழந்தையை பெற்றெடுத்தார்.

சினேகா - பிரசன்னா சம்பளம்

நடிகை சினேகா அண்மையில் நடிகர் விஜய்க்கு ஜோடியாக கோட் படத்தில் நடித்திருந்தார். இப்படத்திற்காக அவருக்கு ரூ.1 கோடி சம்பளமாக வழங்கப்பட்டு இருந்தது. அதேபோல் பிரசன்னா சமீப காலமாக ஹீரோவாக நடிக்காவிட்டாலும் அவருக்கு வில்லனாக நடிக்க வாய்ப்புகள் குவிகிறது. தற்போது அஜித்துக்கு வில்லனாக குட் பேட் அக்லி படத்தில் நடிக்கிறார். இவரும் ஒரு கோடி வரை சம்பளம் வாங்கி வருவதாக கூறப்படுகிறது.

சினேகா - பிரசன்னா சொத்து மதிப்பு

சக்சஸ்புல் காதல் ஜோடியாக வலம் வரும் சினேகா - பிரசன்னாவின் ஒட்டுமொத்த சொத்து மதிப்பு ரூ.60 கோடி இருக்கும். இதில் பிரசன்னாவின் சொத்து மதிப்பு 15 கோடி தானாம். ஆனால் அவரை விட அவரது மனைவி சினேகா ரூ.45 கோடி சொத்துக்கு சொந்தக்காரியாக இருக்கிறாராம். இவர் தன் பெயரில் துணிக்கடை ஒன்றையும் நடத்தி வருகிறார் என்பது குறிப்பிடத்தக்கது.

இதையும் படியுங்கள்... பெற்றோர் ஆசை ஆசையாய் வைத்த பெயரை சினிமாவுக்காக தூக்கியெறிந்த நடிகைகளும்... அவர்களின் ஒரிஜினல் பெயர்களும்!!