- Home
- Cinema
- முதன்முறையாக மகனின் கியூட்டான போட்டோவை வெளியிட்டு... மகிழ்ச்சி பொங்க பொங்கல் வாழ்த்து சொன்ன சிவகார்த்திகேயன்
முதன்முறையாக மகனின் கியூட்டான போட்டோவை வெளியிட்டு... மகிழ்ச்சி பொங்க பொங்கல் வாழ்த்து சொன்ன சிவகார்த்திகேயன்
பொங்கல் பண்டிகையை தனது குடும்பத்தினருடன் கொண்டாடி உள்ள நடிகர் சிவகார்த்திகேயன், தனது மகனின் புகைப்படத்தையும் முதன்முறையாக வெளியிட்டுள்ளார்.
சின்னத்திரையில் இருந்து சின்னத்திரைக்கு வந்து பல்வேறு வெற்றிப்படங்களில் நடித்து முன்னணி நடிகராக வலம் வருபவர் சிவகார்த்திகேயன். இவர் நடிகராக மட்டுமின்றி பாடகராகவும், பாடலாசிரியராகவும், தயாரிப்பாளராகவும் தமிழ் சினிமாவில் பல்வேறு பரிணாமங்களுடன் வலம் வந்துகொண்டிருக்கிறார். இவரது நடிப்பில் கடந்தாண்டு டான் மற்றும் பிரின்ஸ் ஆகிய இரு படங்கள் ரிலீஸ் ஆனது.
அதில் டான் திரைப்படம் பிளாக்பஸ்டர் ஹிட் ஆகி ரூ.100 கோடிக்கு மேல் கலெக்ஷனையும் அள்ளியது. இதையடுத்து கடந்தாண்டு தீபாவளிக்கு ரிலீஸ் ஆன பிரின்ஸ் திரைப்படம் படு தோல்வி அடைந்தது. அந்த தோல்விக்கு பொறுப்பேற்று விநியோகஸ்தர்களுக்கு ரூ.6 கோடி நஷ்ட ஈடும் வழங்கி இருந்தார் சிவகார்த்திகேயன்.
தற்போது அவர் நடிப்பில் மாவீரன் என்கிற திரைப்படம் தயாராகி வருகிறது. அப்படத்தில் அவருக்கு ஜோடியாக விருமன் பட நாயகி அதிதி ஷங்கர் நடிக்கிறார். அதேபோல் வில்லனாக இயக்குனர் மிஷ்கின் நடித்து வருகிறார். இப்படத்தை மண்டேலா படத்துக்காக இரண்டு தேசிய விருதுகளை வென்ற இயக்குனர் மடோன் அஸ்வின் தான் இயக்குகிறார். இப்படத்தின் ஷூட்டிங் விறுவிறுப்பாக நடந்து வருகிறது.
இதையும் படியுங்கள்... ஷூட்டிங் ஸ்பாட்டில் ஜாலியாக பொங்கல் பண்டிகையை கொண்டாடிய மாவீரன் படக்குழு - வைரல் வீடியோ
இந்நிலையில், நடிகர் சிவகார்த்திகேயன், இன்று பொங்கல் பண்டிகையை தனது குடும்பத்தினருடன் கொண்டாடி உள்ளார். பொங்கல் கொண்டாட்டத்தின் போது மகன் குகன் தாஸ், மகள் ஆராதனா மற்றும் மனைவி ஆரத்தி ஆகியோருடன் எடுத்த புகைப்படத்தை தனது டுவிட்டர் பக்கத்தில் பகிர்ந்துள்ள சிவகார்த்திகேயன், “உங்கள் உள்ளங்களிலும், இல்லங்களிலும் மகிழ்ச்சி பொங்கட்டும். பொங்கலோ! பொங்கல்!! அனைவருக்கும் இனிய தமிழர் திருநாள் நல்வாழ்த்துகள்” என குறிப்பிட்டுள்ளார்.
நடிகர் சிவகார்த்திகேயனின் மகன் குகன் தாஸ் கடந்த 2021-ம் ஆண்டு பிறந்தார். அவரின் முகம் தெரியும் புகைப்படத்தை தற்போது தான் முதன்முறையாக பதிவிட்டுள்ளார் சிவகார்த்திகேயன். தந்தையைப் போல் கியூட்டான ஸ்மைல் உடன் போஸ் கொடுத்துள்ள குகன் தாஸின் லேட்டஸ்ட் புகைப்படம் வைரலாகி வருகிறது.
இதையும் படியுங்கள்... ஸ்பெஷல் போட்டோஸ் உடன் பொங்கல் வாழ்த்து சொன்ன கோலிவுட் ஸ்டார்ஸ் - வைரல் புகைப்படங்கள் இதோ
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.