மாவீரன் படத்துக்காக கம்மி சம்பளம் வாங்கிய சிவகார்த்திகேயன்... என்ன காரணம் தெரியுமா?

மடோன் அஸ்வின் இயக்கியுள்ள மாவீரன் படத்தில் ஹீரோவாக நடித்துள்ள சிவகார்த்திகேயன், அப்படத்திற்காக மிகவும் கம்மியான சம்பளம் வாங்கி உள்ளதாக கூறப்படுகிறது.

Maaveeran

சின்னத்திரையில் இருந்து சினிமாவுக்கு வந்து தற்போது தனக்கென ஒரு தனி ரசிகர் பட்டாளத்தையே உருவாக்கி இருப்பவர் சிவகார்த்திகேயன். இவர் தற்போது தமிழ் சினிமாவின் முன்னணி நடிகர்கள் பட்டியலில் இணைந்துவிட்டார். ரஜினி, விஜய், அஜித்துக்கு அடுத்தபடியாக இவரது படங்களுக்கு மிகப்பெரிய அளவில் பிசினஸ் உள்ளதால், ரிலீசுக்கு முன்பே இவர் நடிக்கும் படங்கள் பெரும் தொகைக்கு விற்கப்பட்டு வருகின்றன.

அந்த வகையில் அவர் நடிப்பில் தற்போது உருவாகி இருக்கும் மாவீரன் திரைப்படமும் ரிலீசுக்கு முன்பே ரூ.80 கோடி வரை வசூல் ஈட்டி உள்ளது. இப்படத்தை மடோன் அஸ்வின் இயக்கி உள்ளார். இதில் சிவகார்த்திகேயனுக்கு ஜோடியாக அதிதி ஷங்கர் நடித்துள்ளார். இப்படம் வருகிற ஜூலை 14-ந் தேதி திரைக்கு வர உள்ளது. தற்போது அப்படத்திற்கான புரமோஷன் பணிகள் முழுவீச்சில் நடைபெற்று வருகின்றன.

இதையும் படியுங்கள்... திடீரென ஆன்மீக சுற்றுலா சென்ற சாய் பல்லவி... பாத யாத்திரை சென்றபோது ரசிகர்களுடன் எடுத்த போட்டோஸ் இதோ

மாவீரன் படம் தமிழ் மட்டுமின்றி தெலுங்கு, கன்னடம், மலையாளம் ஆகிய மொழிகளிலும் ரிலீஸ் ஆக உள்ளதால், அங்கும் இப்படத்தை புரமோட் செய்ய தயாராகி வருகிறார் சிவகார்த்திகேயன். அதன்படி இன்று ஐதராபாத்திலும், நாளை கேரளா மற்றும் பெங்களூருவிலும் இப்படத்தின் புரமோஷன் நிகழ்ச்சிகள் நடைபெற உள்ளன. அடுத்தபடியா வருகிற ஜூலை 10-ந் தேதி சென்னையில் இப்படத்தின் பிரஸ்மீட் நடைபெற இருக்கிறது.

இந்நிலையில், மாவீரன் படத்திற்காக நடிகர் சிவகார்த்திகேயன் வாங்கிய சம்பளம் குறித்த தகவல் வெளியாகி உள்ளது. அதன்படி இப்படத்திற்காக அவர் ரூ.25 கோடி சம்பளமாக வாங்கி உள்ளதாக கூறப்படுகிறது. அவர் இதற்கு முன் நடித்த பிரின்ஸ் படத்திற்காக ரூ.30 கோடி சம்பளமாக வாங்கி இருந்தார். அப்படம் படுதோல்வி அடைந்ததன் காரணமாக மாவீரன் படத்துக்காக அவர் ரூ.5 கோடி சம்பளத்தை குறைத்துக்கொண்டதாக தகவல்கள் தெரிவிக்கின்றன.

இதையும் படியுங்கள்... ஜஸ்ட் மிஸ்... தற்கொலை செய்யப்போன ரசிகரை கடவுள் போல் வந்து காப்பாற்றிய ஏ.ஆர்.ரகுமான்- கண்கலங்க வைக்கும் சம்பவம்