VTK 50th Day Celebration: 'வெந்து தணிந்தது காடு' 50ஆவது நாள் வெற்றி விழாவை கொண்டாடிய படக்குழு! புகைப்படங்கள்!
இயக்குனர் கெளதம் மேனன் இயக்கத்தில் சமீபத்தில் வெளியான வென்று தணிந்தது காடு திரைப்படம் ரசிகர்கள் மத்தியில் நல்ல வரவேற்பை பெற்றுவரும் நிலையில், இந்த படத்தின் 50-ஆவது நாள் வெற்றி விழா இன்று நடந்து முடிந்துள்ளது. இது குறித்த புகைப்படங்கள் இதோ...
Follow'மாநாடு' படத்தின் வெற்றிக்கு பின்னர், நடிகர் சிம்பு நடிப்பில் வெளியாகி சூப்பர் ஹிட் வெற்றி பெற்ற திரைப்படம் 'வெந்து தணிந்தது காடு'. இந்த படத்தை இயக்குனர் கௌதம் மேனன் இயக்கியிருந்தார்.
ஏற்கனவே சிம்புவை வைத்து இயக்குனர் கௌதம் மேனன் இயக்கத்தில் வெளியான, 'விண்ணைத்தாண்டி வருவாயா', 'அச்சம் என்பது மடமையடா' ஆகிய இரண்டு படங்கள் நல்ல வரவேற்பை பெற்ற நிலையில், 'வெந்து தணிந்தது காடு' படத்திற்கும் வேற லெவல் ரெஸ்பான்ஸ் கிடைத்தது.
பிரபல தயாரிப்பாளர் ஐசரி கணேஷ், வேல்ஸ் இன்டர்நேஷனல் ஃபிலிம் சார்பில் தயாரித்திருந்த இந்த படத்தில் நடிகர் சிம்புவுக்கு ஜோடியாக சுத்தி இத்னானி நடித்திருந்தார்.
வழக்கமாக காதல் கதைகளையே மிகவும் சுவாரஸ்யமாக இயக்கும் கௌதம் மேனன், சிம்புவை வைத்து இந்த முறை மிகவும் வித்தியாசமான கதைக்களத்தை கையாண்டிருந்தார்.
முத்து என்கிற கிராமத்து இளைஞன் மும்பைக்கு சென்று எப்படி ஒரு கேங்ஸ்டர் ஆக உருவாகிறார் என்பதை மிகவும் ஆழமான கதையுடன் இந்த படம் கூறியது.
இந்த படத்திற்காக சிம்பு சுமார் 15 கிலோ வரை உடல் எடையை குறைத்து யங் லுக்கில் நடித்திருந்தார். மேலும் இந்த படத்திற்கு மிகப்பெரிய பலமாக அமைந்திருந்தது என்றால் அது ஏ.ஆர்.ரகுமானின் இசை என கூறலாம்.
குறிப்பாக இந்தப் படத்தில் இடம்பெற்ற மல்லிப்பூ பாடல், தற்போது வரை ரசிகர்கள் பலரது காலர் டியூன் ஆக மாறி உள்ளது. இந்நிலையில் இன்று படக்குழு ஐம்பதாவது நாள் வெற்றி விழாவை மிகவும் கோலாகலமாக கொண்டாடி உள்ளனர்.
செப்டம்பர் 15ஆம் தேதி திரையரங்குகளில் வெளியான இந்த படம் சில விமர்சனங்களுக்கு மத்தியில் மத்தியிலும், நல்ல வரவேற்பை கிடைத்ததை தொடர்ந்து படத்தின் தயாரிப்பாளர் ஐசரி கணேஷ் இந்த படத்தின் இயக்குனர் கௌதம் மேனனுக்கு பைக் ஒன்றையும், நடிகர் சிம்புவுக்கு ஒரு கோடி மதிப்பிலான கார் ஒன்றையும் பரிசாக கொடுத்து அசத்தினார்.
ஆன்ட்டி ஆனாலும் கவர்ச்சி குறையாத மீரா ஜாஸ்மின்..! இளம் நடிகைகளுக்கு டஃப் கொடுக்கும் தரமான ஹாட் போஸ்!
சிம்புவின் வெந்து தணிந்தது காடு படம் ஓடிடி யில் அக்டோபர் 13ஆம் தேதி வெளியாக உள்ளதாக ஏற்கனவே தகவல்கள் வெளியான நிலையில், விரைவில் இரண்டாம் பாகம் உருவாக உள்ளது குறித்த தகவல் வெளியாகும் என எதிர்பார்த்து காத்திருக்கின்றனர் சிம்புவின் ரசிகர்கள்.
சேனலை கிளிக் செய்து பின்தொடரவும்
