பிக்பாஸ் வீட்டுக்குள் வெடித்த சண்டை - முதல் நாளே வெளியேற்றப்படும் போட்டியாளர் இவரா?
Bigg Boss Tamil Season 9: பிக்பாஸ் வீட்டுக்குள் முதல் நாளே 2 போட்டியாளர்கள் முட்டி மோதிய நிலையில், இன்று வெளியேற்றப்படும் போட்டியாளர் யாராக இருக்கும் என்கிற தகவலையும் பார்ப்போம்.
விஜய் சேதுபதி துவங்கி வைத்த பிக்பாஸ்:
பிக்பாஸ் ரசிகர்கள் ஆவலோடு எதிர்பார்த்த, 'பிக்பாஸ் தமிழ் சீசன் 9' நிகழ்ச்சி நேற்று பிரமாண்டமாக துவங்கியது. கடந்த சீசனை நேர்த்தியாக தொகுத்து வழங்கிய விஜய் சேதுபதி தான் இந்த முறையும், பிக்பாஸ் சீசன் 9 நிகழ்ச்சியை தொகுத்து வழங்கி வருகிறார். மேலும் பிக்பாஸ் வீடு இந்த முறை கலைநயத்துடன் உருவாக்கப்பட்டுள்ளது. இதுகுறித்த சில புரோமோக்களையும் விஜய் டிவி தரப்பு வெளியிட்டது.
20 போட்டியாளர்கள் யார் யார்?
முதல் போட்டியாளராக பிக்பாஸ் ரசிகர்களுக்கே ஷாக் கொடுக்கும் விதத்தில் வாட்டர் மிலன் திவாகர் வீட்டுக்குள் நுழைந்த நிலையில், இவரை தொடர்ந்து பலூன் அக்கா அரோரா, FJ , விக்கல்ஸ் விக்ரம், கனி, ரம்யா ஜோ, சபரி நாதன், கெமி, ஆதிரை, கானா வினோத், பிரவீன் காந்தி, கம்ருதீன், விஜே பார்வதி, பிரவீன் தேவசகாயம், அப்சரா, சுபிக்ஷனா, துஹார், நந்தினி, அகோரி கலையரசன் உள்ளிட்ட 20 போட்டியாளர்கள் உள்ளே வந்தனர்.
நெட்டிசன்கள் விமர்சனம்:
குறிப்பாக பல திறமையானவர்கள் இருக்கும் போது , திவாகர் மற்றும் கலையரசன் போன்றவர்கள் பிக்பாஸ் நிகழ்ச்சிக்கு தேவையா என்கிற விமர்சனங்களையும் நெட்டிசன்கள் சிலர் வெளிப்படையாக கூறி விமர்சிக்க துவங்கினார்கள் என்பது குறிப்பிடத்தக்கது.
முதல் நாளே வெளியேற்றம்:
இப்படி ஆரவாரத்தோடு துவங்கிய பிக்பாஸ் நிகழ்ச்சியில், முதல் நாளே ஒருவர் வெளியேற்றப்படுவதை உறுதி செய்யும் விதமாக முதல் புரோமோ அமைந்தது. அதாவது பிக்பாஸ் வீட்டில் உள்ள போட்டியாளர்கள் அனைவரும், யாரேனும் ஒருவரை (இவர் ஒரு நாள் உள்ளே இருந்தால் மட்டும் போதும்) இதற்க்கு மேல் இவரிடம் சரக்கு இல்லை என நினைப்பவர்களை வெளிப்படையாக ஓபன் நாமினேஷன் செய்ய வேண்டும். இதில் அதிக பட்சமாக திவாகர் மற்றும் கலையரசன் தான் ஓட்டு வாங்கி உள்ளதால். இவர்கள் இருவரில் ஒருவர் இன்று அல்லது நாளை வெளியேற்றப்படலாம் என கூறப்படுகிறது.
முட்டி மோதிய சண்டை:
இதை தொடர்ந்து வெளியாகியுள்ள இரண்டாவது புரோமோவில், கெமி மற்றும் கம்ரூதினுக்கு சண்டை முட்டிக்கொண்டுள்ளது. "கெமி ஏதோ சொல்ல அதற்க்கு கம்ரூதின், இங்க தண்ணீர் எங்கே இருக்கு என கேள்வி எழுப்ப அது விவாதமாக மாறுகிறது. கெமி... கம்ரூத்தினை பார்த்து குரலை உயர்த்தாதீங்க என்று சொல்ல அதற்க்கு அவர் அப்படிதான் பேசுவேன் என ஆவேசமாக பேசுகிறார். பின்னர் நல்லது செய்தாலும் கெட்டவனாக தான் பார்ப்பார்கள் என கூறியபடி அங்கிருந்து செல்கிறார். கெமியும் நீங்கள் பேசுவதால் நேரம் தான் வீணாகிறது என கூறுகிறார். இப்படியான நிலையில் அடுத்தடுத்து என்ன நடக்கும் என்கிற ஆர்வம் அதிகரித்துள்ளது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
