ஒருவேளை சாப்பாடு 46 ஆயிரம் ரூபாயா? பில்லை பார்த்து ஷாக்கான பிரபலம்!
ஹாலிவுட் பிரபலமும், சூப்பர் மாடலுமான கிம் கர்தாஷி 46 ஆயிரம் ரூபாய்க்கு சாப்பிட்ட தன்னுடைய பில்லை சமூக வலைத்தளத்தில் பதிவிட அது வைரலாகி வருகிறது.
இன்ஸ்டாகிராமில் தனக்கென சுமார் 30 கோடிக்கும் அதிகமான ரசிகர்களை கொண்டவர் கிம் கர்தாஷி. உலக அளவில் பிரபல சூப்பர் மாடலாக இருந்து வரும் இவர், அமெரிக்காவின் பில்லியனர் பட்டியலில் இடம் பிடித்துள்ளவர். மாடலிங் துறையை தாண்டி, அழகு சாதன நிறுவனம் ஒன்றையும், உள்ளாடை நிறுவனம் ஒன்றையும் நிர்வகித்து வரும் தொழிலதிபராகவும் உள்ளார்.
ஏற்கனவே Damon Thomas, Kris Humphries மற்றும் Kanye West ஆகிய மூன்று பேரை திருமணம் செய்து விவாகரத்து பெற்ற இவர், தன்னுடைய 4 குழந்தைகளுடன் வசித்து வருகிறார். மேலும் நான்காவதாக ராப் பாடகர் ஒருவருடன் டேட் செய்து வருவதாக கூறப்பட்ட நிலையில், அவருக்கு இன்ஸ்டாகிராமில் முத்த மழை பொழிந்து அந்த தகவலையும் உறுதி செய்தார்.
இந்நிலையில் இவர் சுமார் 576$ அமெரிக்க டாலருக்கு சாப்பிட்ட பில் தொகையை அவரே சமூக வலைதளத்தில் வெளியிட அது வைரலாக பார்க்கப்பட்டு வருகிறது.
பொதுவாக மாடலிங் துறையில் இருப்பவர்கள் அதிகம் சாப்பிட மாட்டார்கள், டயட் கடைபிடிப்பார்கள் என கேள்வி பட்டிருப்போம். ஆனால் கிம் கர்தாஷி, தன்னுடைய நண்பரை பார்க்க அமெரிக்கா சென்ற போது, நட்சத்திர ஹோட்டல் ஒன்றில் தங்கி உள்ளார்.
அப்போது பல வகை சாப்பாடுகளை காலை உணவாக உட்கொண்டுள்ளார். இதற்க்கு 576$ அமெரிக்க டாலர் பில் தொகையாக வந்துள்ளது. இந்திய மதிப்பின் படி 46000 ரூபாய் ஆகும். இவருக்கு கொடுக்கப்பட்ட பில் தொகையை பார்த்து இவரே அதிர்ச்சி அடைந்து, சமூக வலைத்தளத்தில் அதனை பதிவிட்டுள்ளார் என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.