உன் மூஞ்சிய பார்த்தாலே காண்டாகுது... அசிங்கப்படுத்திட்ட... ஷிவானியை வெளுத்து வாங்கிய அவரது அம்மா!

பிக்பாஸ் வீட்டில் தற்போது பிரீஸ் டாஸ்க் நடந்து வருகிறது. அந்த வகையில் நேற்றய தினம் ஆராரோ ஆரிரரோ பாடல் ஒளிபரப்ப... ஷிவானியின் அம்மா பிக்பாஸ் வீட்டிற்குள் நுழைந்தார். அம்மாவை பார்த்ததுமே கண்கலங்கி பாத்ரூமில் இருந்து ஓடி வந்த கட்டி பிடித்து தன்னுடைய பாசத்தை கொட்டினார் ஷிவானி. உள்ளே வந்ததும் பாசத்தை காட்டிய ஷிவானியின் அம்மா அகிலா பின்பு தான் மகளை தனியாக பேச வேண்டும் என அழைத்து வெளுத்து வாங்கினார்.
 

எடுத்ததுமே எதுக்கு நீ இந்த ஷோவுக்கு வந்த... நீ இந்த வீட்டுக்குள்ள பண்ணிக்கிட்டு இருக்குறதெல்லாம் யாருக்கும் தெரியாதுன்னு நினைச்சிட்டு இருக்கியா? என கேட்டதுமே ஷிவானி ஆடி போய்விட்டார். ஒருத்தன் பின்னாடியே சுத்திக்கிட்டே இருக்க தான் பிக்பாஸ் நிகழ்ச்சிக்கு வந்தியா? என காரசாரமாக பேச துவங்கினார்.

என்ன சொல்லிட்டு வந்த, அவ முன்மொழியிறதை வழி மொழிஞ்சிட்டு இருக்க. அப்பா இந்த ஷோ பாப்பாங்க, சொந்தகாரவங்க எல்லாம் பாப்பாங்கனு நினைச்சி பார்த்தியா? ஒரு கேம் கூட தனியா விளையாடுறியா என மனதில் உள்ள கோவத்தை எல்லாம் கொட்டி தீர்த்தார்.

கிறிஸ்துமஸ் கிபிட் கூட ஏன் பாலாஜிக்கு தான் கொடுக்குமா? ஆரி எத்தனை முறை தனித்துவமான விளையாடுக என்று ஆனால் நீ யாருக்கோ கப் வாங்கி கொடுக்க ஆயா வேல பார்த்துட்டு இருக்க. ஒரு நாளாவது பிக்பாஸ் கிட்ட, என் உடல் நிலை இப்படி இருக்குனு கேட்டுருப்பியா? உன் மேல வெறுப்பா இருக்கு, சீ அழுது அழுது நடிக்காதே... 

இது ஜோடி நம்பர் ஒன் ஷோ இல்ல பிக்பாஸ். உன் மூஞ்சியா பார்த்தாலே இன்னும் காண்டாகுது. ஃபேக்கா அழுதுகிட்டு இருக்காதா என ஷிவானியுடன் பேசுவதை கூட தவிர்த்து விட்டு எழுந்து சென்றார்.

ஷிவானியை ரம்யா சமாதானம் செய்த போது கூட, இப்படி பண்ண கூடாது. இதற்கு முன்னாடி இப்படியெல்லாம் பேசுனதே இல்லை என அழுத்தவாறே அமர்ந்திருந்தார் ஷிவானி. அதே நேரத்தில் ஷிவானியின் அம்மா பாலாஜி பக்கத்தில் இருந்தும் கூட அவர் மூஞ்சியை ஏறெடுத்து கூட பார்க்கவில்லை. இதில் இருந்து அவர் எவ்வளவு கோவமாக இருக்கிறார் என்பது தெரியுது.

திரும்பவும் ஷிவானியிடம் வந்து, உன்னால் எதாவது உன்னை நியாய படுத்த ஒரு பாயிண்ட் சொல்ல முடியுதா? ஆனால் ஒண்ணுமே செய்யாத உன்னை மக்கள் ஓட்டு போட்டு காப்பாத்தணுமா என நியாயமாக தன்னுடைய கேள்விகளை முன் வைத்தார்.

உன்னுடைய அம்மா உன்னை எப்படி பொத்தி பொத்தி வளர்த்துருக்கா... எவ்வளவு ஒடம்பு முடியல என்றாலும் ஷூட்டிங் ஸ்பாட் வந்து மணிக்கணக்கில் ஒக்காந்து இருக்கா என நினைத்து பார்த்து. உனக்கு கிடைத்த இந்த வாய்ப்பை பயன் படுத்து என்னை பெருமை படுத்தி இருக்க வேண்டும்.

ஆனால் நீ அசிங்க படுத்தி, எல்லோரிடமும் திட்டு வாங்க வச்சிருக்க என தன்னுடைய கோவத்தை வெளிப்படுத்தினார். பின்னர் அவரே தன்னுடைய மனதை சாந்த படுத்தி கொண்டு, மகளை தேற்றி விட்டு சரியாக உன்னுடைய விளையாட்டை நீ விளையாடு என கூறி விட்டு அங்கிருந்து விடைபெற்றார்.