விஷால் படத்தில் இணைந்த செல்வராகவன்... அதுவும் சூப்பர்ஸ்டார் பெயரில் நடிக்கிறாராம் - வெளியான வேறலெவல் போஸ்டர்

தமிழ் திரையுலகில் முன்னணி இயக்குனராக வலம் வந்த செல்வராகவன், தற்போது நடிகர் விஷாலின் படத்தில் நடிக்க கமிட் ஆகி இருக்கிறார்.

தமிழ் திரையுலகில் முன்னணி இயக்குனராக வலம் வந்தவர் செல்வராகவன். சமீப காலமாக இவர் நடிப்பிலும் அதிகளவில் கவனம் செலுத்தி வருகிறார். கடந்தாண்டு வெளியான விஜய்யின் பீஸ்ட் படம் மூலம் திரையுலகில் நடிகராக எண்ட்ரி கொடுத்த செல்வராகவன். அடுத்தடுத்து சாணிக்காயிதம், நானே வருவேன், பகாசூரன் போன்ற படங்களில் நடித்த செல்வராகவனுக்கு தொடர்ந்து பட வாய்ப்புகள் குவிந்து வருகின்றன.

அந்த வகையில், அவர் தற்போது நடிக்க கமிட் ஆகியுள்ள திரைப்படம் மார்க் ஆண்டனி. விஷால் நாயகனாக நடிக்கும் இப்படத்தை ஆதிக் ரவிச்சந்திரன் இயக்குகிறார். இதில் ஏற்கனவே எஸ்.ஜே.சூர்யா, புஷ்பா பட வில்லன் சுனில் ஆகியோர் இணைந்து நடித்து வரும் நிலையில், தற்போது புது வரவாக செல்வராகவனும் இணைந்துள்ளார். அவரின் கேரக்டர் போஸ்டர் உடன் படக்குழு அதிகாரப்பூர்வ அறிவிப்பை வெளியிட்டுள்ளது.

இதையும் படியுங்கள்... ஷூட்டிங்கில் விபத்து! அந்த அதிர்ச்சியில் இருந்து மீள முடியல... நூலிழையில் உயிர்தப்பிய ஏ.ஆர்.ரகுமான் மகன் அமீன்

அதன்படி இயக்குனர் செல்வராகவன், மார்க் ஆண்டனி திரைப்படத்தில் சிரஞ்சீவி என்கிற கேரக்டரில் நடிப்பதாக அறிவித்துள்ளனர். அதுமட்டுமின்றி அவர் ரெட்ரோ லுக்கில் உள்ள புகைப்படமும் அந்த போஸ்டரில் இடம்பெற்று உள்ளது. சிரஞ்சீவி என தெலுங்கு சூப்பர்ஸ்டாரின் பெயருடன் களமிறங்கியுள்ள செல்வராகவன் இப்படத்தில் வில்லனாக நடிக்கிறாரா அல்லது குணச்சித்திர வேடத்தில் வருகிறாரா என்கிற தகவலை படக்குழு வெளியிடவில்லை.

மார்க் ஆண்டனி படத்தின் ஷூட்டிங் தற்போது விறுவிறுப்பாக நடைபெற்று வருகிறது. இப்படத்தில் விஷாலுக்கு ஜோடியாக நடிகை ரித்து வர்மா நடிக்கிறார். இப்படத்திற்கு ஜிவி பிரகாஷ் குமார் இசையமைக்கிறார். தமிழில் உருவாகி வரும் இப்படத்தை பான் இந்தியா படமாக வெளியிட உள்ளனர். விரைவில் இப்படத்தின் ஷூட்டிங்கை முடிந்து ஆகஸ்ட் மாதம் இப்படத்தை திரைக்கு கொண்டுவர படக்குழு திட்டமிட்டு உள்ளதாக தகவல்கள் தெரிவிக்கின்றன.

இதையும் படியுங்கள்... கிழிந்த பேன்ட்டில்... செம்ம மாடர்னாக கணவர் விக்கியுடன் மும்பை ஹோட்டலுக்கு விசிட் அடித்த நயன்! Exclusive போட்டோ