'சரிகமப' நிகழ்ச்சியில் இதுவரை டைட்டிலை தட்டி தூக்கிய 5 பேர் யார் யார் தெரியுமா?
SaReGaMaPa Tamil Here Are the 5 Contestants: ரசிகர்களின் மனம் கவர்ந்த 'சரிகமப' நிகழ்ச்சியில், டைட்டில் வென்ற 5 போட்டியாளர்கள் யார் யார் என்பது உங்களுக்கு தெரியுமா?
சரிகமப:
தமிழ் தொலைக்காட்சிகளில் ஒளிபரப்பாகும் சங்கீத நிகழ்ச்சி என்றதும் பலருக்கு நினைவில் வரும் நிகழ்ச்சிகளில் ஒன்று ஜீ தமிழ் சேனலின் ஒளிபரபராகி ‘சரிகமப’. பல ஆண்டுகளாக இந்த நிகழ்ச்சி பிரபலமாக இருப்பதற்குக் காரணம், சாதாரண குடும்பங்களைச் சேர்ந்த உண்மையான திறமைகளை வெளிச்சத்திற்கு கொண்டு வருவதே. எந்த வகையான பின்புலமும் இல்லாமல், பாடலுக்கான ஆர்வத்தையும் உழைப்பையும் மட்டும் நம்பி வந்த பல இளம் பாடகர்கள், இந்த மேடையின் மூலம் இன்று திரையுலகிலும் மேடைகளிலும் தங்கள் இடத்தை உருவாக்கியிருக்கிறார்கள்.
இறுதிப் போட்டி:
பெரிய இசைக் கலைஞர்கள், பின்னணிப் பாடகர்கள், இசைத்துறை நிபுணர்கள் ஆகியோரின் முன்னிலையில் போட்டியாளர்கள் தங்கள் திறமையை காண்பிப்பது இந்த நிகழ்ச்சியின் சிறப்பு. ஒவ்வொரு சீசனும் வந்து போகும்போது, அந்த சீசனின் வெற்றி யார் என்பதற்கு ரசிகர்கள் ஆவலாகக் காத்திருப்பது வழக்கமான ஒன்றே. இந்த நிலையில் தான் ‘சரிகமப சீசன் 5’ன் பைனல் பிரமாண்டமாக நடந்தது. பல மாதங்களாக நடந்த கடுமையான போட்டிகளுக்குப் பிறகு இறுதிப் போட்டி தற்போது நடந்து முடிந்துள்ளது. ரசிகர்கள் அளித்த வாக்குகளின் அடிப்படையில் டைட்டில் வின்னர் யார் என்பதை நடுவர்கள் நிர்ணயித்தனர்.
சுசாந்திகா டைட்டில் வின்னராக தேர்வு:
அந்த வகையில் சுசாந்திகா டைட்டில் வின்னராக தேர்வு செய்யப்பட்டார். தொடக்கத்திலிருந்தே தனது தனிப்பட்ட குரல் தன்மை, ஸ்டேஜ் பிரசென்ஸ், பாடலை உணர்ச்சியுடன் வெளிப்படுத்தும் திறன் ஆகியவற்றால் ரசிகர்களையும் நடுவர்களையும் கவர்ந்திருந்தார். அவருக்கு டைட்டில் கிடைத்தது நியாயமான முடிவாக, உள்ளது என்பதே ரசிகர்களின் கருத்தாகவும் உள்ளது.
சபேசன் முதல் ரன்னர் அப்:
சபேசன் முதல் ரன்னர் அப் இடத்தைப் பெற்றார். மூன்றாவது இடமாக சின்னு செந்தமிழன் இரண்டாவது ரன்னர் அப் இடத்தைப் பிடித்தார். அனைவருக்குமே தற்போது வாழ்த்துக்கள் குவித்து வருகிறது. மேலும் 3 பேருக்குமே அவர்களுக்குரிய பரிசுகள் வழங்கி கௌரவிக்கப்பட்டது. ‘சரிகமப சீனியர்ஸ்’ நிகழ்ச்சி இதுவரை ஐந்து சீசன்களை கடந்துள்ளது. ஆண்டாண்டு தோறும் வந்து செல்லும் போட்டியாளர்கள் மாறினாலும், மேடை வழங்கும் மரியாதையும், அது தரும் வாய்ப்புகளும் எப்போதும் நிலைத்திருக்கின்றன. இந்த ஐந்து சீசன்களிலும் வெற்றி பெற்றவர்கள் யார் யார் என்பது பற்றி இந்த பட்டியலில் பார்ப்போம் .
சரிகமப சீசன் 1 வின்னர் - வர்ஷா
முதல் சீசனிலேயே திறமையை வெளிப்படுத்தி, பலரின் பாராட்டையும் பெற்றவர் வர்ஷா. இவருடைய குரல், குறிப்பாக மெலடிகளில் சாய்வில்லாமல் பாடும் திறன், அவருக்கு அந்த சீசனின் வெற்றியாளராக மாற்றியது.
சரிகமப சீசன் 2 வின்னர் - அஸ்லாம்
இரண்டாவது சீசனில் அஸ்லாம் தனது தனித்துவமான குரல், உயர்ந்த ஸ்கேல் மற்றும் பாடல்களை எளிதில் கையாளும் திறனால் நடுவர்களை ஆச்சரியப்படுத்தினார். இவர் தேர்வு செய்த பாடல்களும் கடினமான பாடல்களாகவே இருந்தன. ஒவ்வொரு பாடலுக்கும் இவர் எடுத்த சிரத்தை இவரை வெற்றியாளராக மாற்றியது.
சரிகமப சீசன் 3 வின்னர் - புருஷோத்தமன்
முரண்பாடுகளற்ற குரல் வளம் , klassieke பாட்டுகளையும், திரைப்பட பாட்டுகளையும் சமமாக கையாளும் திறன் போன்றவை, இவரை மூன்றாம் சீசனில் டைட்டில் வின்னராக மாற்றி அழகு பார்த்தது.
சரிகமப சீசன் 4 வின்னர் - மகிழன் பரிதி
சீசன் 4ல் தன் நம்பிக்கை, கடின உழைப்பு மற்றும் பல்வேறு பாட்டுகளில் காட்டிய மேல் தரத் திறமையால் பரிதி சாம்பியனானார்.
சரிகமப சீசன் 5 வின்னர் - சுசாந்திகா
இப்போது இந்த பட்டியலில் புதிதாக இணைந்திருக்கிறார் சுசாந்திகா. இந்த வெற்றி அவரது சினிமா மற்றும் இசைத்துறை பயணத்துக்கு புதிய கதவுகளைத் திறக்கும் என்பது உறுதி.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.