கோமாளியை திருமணம் செய்ய விரும்பும் பிரபலம்...அடுத்த சின்னத்திரை ஜோடி ரெடியா?

குக் வித் கோமாளி பிரபலமும் நடிகருமான சந்தோஷ் கோமாளியாக வரும் சுனிதாவை திருமணம் செய்துகொள்ள விரும்புவதாக பேட்டி அளித்து சர்ச்சையை கிளப்பியுள்ளார்.

cook with comali 3

குக் வித் கோமாளிக்கென தனி ரசிகர் பட்டாளமே உண்டு பிரபல விஜய் தொலைக்காட்சியில் டிஆர்பி நம்பர் ஒன்னில் இருக்கும் குக் வித் கோமாளி தற்போது 3வது சீசனாக ஒளிபரப்பாகி வருகிறது. ரக்ஷன் தொகுத்து வழங்கும் இந்நிகழ்ச்சியில்  ஷெஃப் தாமோதரன், ஷெஃப் வெங்கடேஷ் பட்  ஆகியோர் நடுவர்களாக உள்ளனர்

முதல் சீசனில் வனிதா விஜயகுமார்,  இரண்டாம் சீசனில் கனி இருவரும் கோப்பையை தட்டி சென்றனர். இந்த குக் வித் கோமாளி நிகழ்ச்சியில் கோமாளிகளாக புகழ், சிவாங்கி, சுனிதா, மணிமேகலை, முகம்மது குரைஷி, சக்தி, அதிர்ச்சி அருண், மூக்குத்தி முருகன், பாரத் கே ராஜேஷ்,  ஷித்தன் கிளாரின், சரத் ராஜ்  உள்ளநர் . இவர்களது லூட்டி மூன்று சீசன்களிலும் ரசிகர்களை வெகுவாக ஈர்த்து விட்டது.

முந்தைய இரண்டாவது சீசனில் சமீபத்தில் வெளியான 'என்ன சொல்லப் போகிறாய்' நாயகன் அஸ்வினுடன் சிவாங்கி அடித்த கூத்து ரசிகர்களை  கவர்ந்தது. இவர்கள் பட்டி தொட்டி எல்லாம் பிரபலமானது. இதையடுத்து இந்த சீசனில் அதே போக்கை கையாளும் சுனிதா சந்தோஷ் மீது க்ராஸ் இருப்பது போல நடந்து கொள்கிறார்.

இதைவைத்து ரசிகர்கள் ஏகபோகமாக யூகங்களை அவிழ்த்து விட்டு மகிழ்ச்சி அடைந்து வருகின்றனர். அண்மையில் நிகழ்ச்சியில் இருந்து சந்தோஷ் வெளியேறினார். இதையடுத்து சமீபத்தில் பேட்டியளித்த சந்தோஷிடம், ரோஷினி அல்லது சுனிதா இதில் ஒருவரை திருமணம் செய்ய வேண்டும் என்றால் யாரை செய்வீர்கள் என கேட்டுள்ளனர். அதற்கு அவர், சுனிதா எனக்கு நல்ல தோழி, அதனால் அவரை திருமணம் செய்ய ஒப்புக் கொள்வேன் என கூறியுள்ளார்.