Samantha: முழுமையாக மயோசிட்டிஸில் இருந்து மீண்டு விட்டாரா சமந்தா? உடல்நிலை பற்றி முதல் முறையாக கூறிய தகவல்!
நடிகை சமந்தா கடந்த ஆண்டு மயோசிட்டிஸ் பிரச்சனை காரணமாக, தாங்க முடியாத வலி மற்றும் வேதனைகளை அனுபவித்த நிலையில்... முதல் முறையாக தன்னுடைய உடல்நிலை குறித்துபகிர்ந்து கொண்டுள்ளார்.
தமிழ் சினிமாவில் விஜய், சூர்யா, சிவகார்த்திகேயன், என அடுத்தடுத்து டாப் நடிகர்களுக்கு ஜோடியாக நடித்து, முன்னணி நடிகைகளின் பட்டியலில் இடம் பிடித்தவர் சமந்தா. திருமணத்திற்கு பின்பும், திரை உலகில் கவனம் செலுத்தி வந்த சமந்தா அன்பான மனைவியாகவும், பொறுப்பான மருமகளாகவும் நடந்து கொண்டு திரை உலகைச் சேர்ந்த பலரையும் வியக்க வைத்தார்.
கடந்த ஏழு ஆண்டுகளாக உருகி உருகி காதலித்த நடிகர் நாகசைதன்யாவை, திருமணம் செய்த 4 வருடங்களிலேயே ,திடீரென கடந்த 2021 ஆம் ஆண்டு விவாகரத்து செய்ய உள்ளதாக இருவரும் அறிவித்தது மிகப்பெரிய அதிர்ச்சியை ஏற்படுத்தியது. இதற்கு பல்வேறு காரணங்கள் கூறப்பட்ட போதிலும், ஒரு முறை கூட சமந்தா, எதனால் தன்னுடைய கணவரை பிரிகிறேன் என வெளிப்படையாக கூறியதே இல்லை. அதேபோல் தான் நாகசைதன்யாவும்.
எனினும் இருவருமே தங்களுடைய நண்பர்களிடம் ஒருவர் மேல் ஒருவர் ஆயிரம் குற்றச்சாட்டுகளை முன்வைத்து வருவதாகவும் கூறப்பட்டன. ஒரு வழியாக விவாகரத்தில் முடிந்த இவர்களது திருமணத்திற்கு பின்னர், மிகுந்த மன உளைச்சலுக்கு ஆளான சமந்தா... தன்னுடைய பிசினஸ் மற்றும் திரைப்பட பணிகளில் பிஸியாக்கினார். அதேபோல் ஆன்மீகத்திலும் அதிக ஈடுபாடு காட்டினார்.
தென்னிந்திய திரை உலகத்தை அடுத்து பாலிவுட், ஹாலிவுட், என அகலக்கால் வைத்து பறக்க இருந்த நிலையில்... இவருடைய சிறகில் அடிபட்டது போல் பேரிடியாக இவருக்கு வந்த பிரச்சனைதான் மையோசிட்டிஸ். இதன் காரணமாக கடந்த ஆண்டு முழுவதுமே இவருக்கு மிகவும் மோசமான ஆண்டாக அமைந்தது. எழுந்து கூட நடக்க முடியாமல் அவதிப்பட்ட நடிகை சமந்தா, முழுமையாக திரையுலகத்தில் இருந்து சில மாதங்கள் விலகி, முழு ஓய்வில் இருந்து சிகிச்சை பெற்றார்.
பல மாதங்கள் இந்த தகவலை வெளியே கசியவிடாமல் இருந்த சமந்தா, யசோதா படத்தின் டப்பிங் பணியின் போது தெரிவித்தார். பின்னர் சமந்தா விரைவில் குணமடைந்து வர பலரும் தங்களுடைய வாழ்த்துக்களை தெரிவித்தனர். ரசிகர்கள் கொடுத்த ஊக்கத்தினாலும், தெய்வத்தின் பிராத்தனையினாலும் தற்போது மையோசிட்டிஸ் பிரச்சனையில் இருந்து மீண்டு வந்துள்ள சமந்தா, வழக்கம்போல் தன்னுடைய படப்பிடிப்பு பணிகளில் கவனம் செலுத்தி வருவதோடு, உடற்பயிற்சியிலும் ஆர்வம் காட்டுகிறார். அந்த வகையில் சமீபத்தில் இவர் வெளியிட்ட சிக்ஸ் பேக் புகைப்படம் ரசிகர்கள் அதிகம் கவனம் பெற்ற ஒன்றாக மாறியது.
மேலும் தொடர்ந்து பல்வேறு போட்டோ சூட்டுகளை வெளியிட்டு வருவதையும் வழக்கமாக வைத்துள்ளார். இந்நிலையில் முதல் முறையாக பேட்டி ஒன்றில், சமந்தாவிடம்... தற்போது முழுமையாக மயோசிட்டிஸ் பிரச்சனை இருந்து குணமாகி விட்டீர்களா? என எழுப்பப்பட்ட கேள்விக்கு, குணமடைந்து வருவதாக தெரிவித்துள்ளார். முன்பை விட தற்போது உடல் நிலையில் முன்னேற்றம் ஏற்பட்டுள்ளதாகவும் கூறியுள்ளார். இதில் இருந்து சமந்தா இன்னும் முழுமையாக குணடையவில்லை என்பது தெரியவந்துள்ளது.
சினிமாவில் அட்ஜஸ்ட்மெட் பிரச்சனை இருக்கு..! தன்னுடைய அனுபவம் குறித்து பேசிய பிரியா பவானி ஷங்கர்..!
சேனலை கிளிக் செய்து பின்தொடரவும்
