Sivakarthikeyan vs Arunvijay : சிவகார்த்திகேயன் - அருண் விஜய் இடையே அப்படி என்ன தான் பிரச்சனை?

நடிகர் சிவகார்த்திகேயன் மற்றும் அருண் விஜய் தான் தற்போது டுவிட்டரில் டிரெண்டிங்கில் உள்ளனர். ஏனெனில் இன்று காலை நடிகர் அருண் விஜய் தனது மகன் அர்னவ் விஜய்க்கு பிறந்தநாள் வாழ்த்து தெரிவித்திருந்தார். மேலும் அனைவரும் தனது மகனை ஆசிர்வதிக்குமாறும் கேட்டிருந்தார். 

அருண் விஜய்யின் இந்த டுவிட்டை பார்த்த நடிகர் சிவகார்த்திகேயன், “பிறந்த நாள் வாழ்த்துக்கள் தம்பி, ஓ மை டாக் படத்தில் உங்களது நடிப்பை என்ஜாய் பண்ணேன். உங்களது படிப்பும், நடிப்பும் சிறக்க வாழ்த்துக்கள்” என வாழ்த்தி பதிவிட்டிருந்தார். இந்தப் பதிவு தான் தற்போது வைரலாகி வருகிறது.

கடந்த சில ஆண்டுகளுக்கு முன்னர் நடிகர் சிவகார்த்திகேயன் நடித்த சீமராஜா திரைப்படம் ரிலீசான போது, அப்படத்திற்கு அதிகாலை காட்சிகள் திரையிடப்பட்டன. அந்த சமயத்தில் அவரை மறைமுகமாக கலாய்த்து டுவிட்டரில் பதிவிட்டிருந்த அருண் விஜய், ‘யாரெல்லாம் மாஸ் பண்றதுன்னு ஒரு வெவஸ்த இல்லாம போச்சு... உண்மையான திறமை எதுன்னு தமிழ் ரசிகர்களுக்கு தெரியும்” என பதிவிட்டிருந்தார்.

அருண் விஜய்யின் இந்த டுவிட் பெரும் சர்ச்சையை ஏற்படுத்தியது. இதையடுத்து தனது டுவிட்டர் பக்கம் ஹேக் செய்யப்பட்டதாக கூறினார் அருண் விஜய். இதையடுத்து சிவகார்த்திகேயன் நடிப்பில் வெளியான மிஸ்டர் லோக்கல் படத்தில் அருண் விஜய்யை கலாய்ப்பது போன்ற ஒரு காட்சியும் இடம்பெற்றிருந்தது. இவர்களைப் போல் இவர்களது ரசிகர்களும் டுவிட்டர் மோதலில் ஈடுபட்டு வந்தனர்.

இந்த நிலையில், தான் நடிகர் சிவகார்த்திகேயன், அருண் விஜய்யின் மகன் அர்னவ் விஜய்க்கு வாழ்த்து தெரிவித்து போட்ட டுவிட் அவர் இடையிலான பிரச்சனையை முடிவுக்கு கொண்டுவந்துள்ளது. இதனால் எந்தவித ஈகோவும் இல்லாதவர் எஸ்.கே என ரசிகர்கள் சிவகார்த்திகேயனை பாராட்டி வருகின்றனர்.

இதையும் படியுங்கள்... ‘படிப்பும், நடிப்பும் சிறக்கட்டும்’ பிரபல நடிகரின் மகனுக்கு சிவகார்த்திகேயன் சொன்ன சர்ப்ரைஸ் வாழ்த்து