Aishwarya : தனுஷுடனான பிரிவுக்கு பின் தீயாய் வேலை செய்யும் ஐஸ்வர்யா... பாலிவுட்டில் இயக்குனராக அறிமுகமாகிறார்

Aishwarya Rajinikanth : தமிழில் 3, வை ராஜா வை போன்ற படங்களை இயக்கிய ஐஸ்வர்யா ரஜினிகாந்த், அடுத்ததாக பாலிவுட் படம் ஒன்றை இயக்க உள்ளதாக அறிவித்துள்ளார்.

பிரிவதாக அறிவித்த தனுஷ் - ஐஸ்வர்யா 

நடிகர் தனுஷ் கடந்த 20014-ம் ஆண்டு ரஜினிகாந்தின் மூத்த மகள் ஐஸ்வர்யாவை காதலித்து திருமணம் செய்துகொண்டார். இவர்களது திருமணம் இருவீட்டார் சம்மதத்துடன் நடைபெற்றது. இத்தம்பதிக்கு லிங்கா, யாத்ரா என இரண்டு ஆண் வாரிசுகள் உள்ளனர். 18 ஆண்டுகள் சேர்ந்து வாழ்ந்து வந்த இத்தம்பதி கடந்த ஜனவரி மாதம் விவாகரத்து செய்யப்போவதாக திடீரென அறிவிப்பு வெளியிட்டு அதிர்ச்சி கொடுத்தனர்.

விவாகரத்துக்கு நோ

இவர்களது இந்த அறிவிப்பு தமிழ் சினிமா வட்டாரத்தில் பரபரப்பாக பேசப்பட்டது. மகளின் இந்த திடீர் முடிவால் நடிகர் ரஜினியும், அவரது மனைவி லதாவும் மனமுடைந்து போனார். தனுஷ், ஐஸ்வர்யா இருவரின் மனதை மாற்றி எப்படியாவது மீண்டும் சேர்த்து விட குடும்பத்தினரும், நண்பர்களும் முயன்றனர். அதன் பலனாக இருவரும் விவாகரத்து செய்யும் முடிவை கைவிட்டனர். இருப்பினும் சேர்ந்து வாழப்போவதில்லை என்கிற முடிவில் உறுதியாக இருந்ததாக கூறப்படுகிறது.

சினிமாவில் ரொம்ப பிசி

பிரிவுக்கு பின்னர் தனுஷும், ஐஸ்வர்யாவும், தங்களது வேலைகளில் முழு கவனத்தையும் செலுத்தி வருகின்றனர். நடிகர் தனுஷ், தெலுங்கில் வாத்தி, தமிழில் செல்வராகவன் இயக்கும் நானே வருவேன் போன்ற படங்களில் பிசியாக நடித்து வருகிறார். அதேபோல் ரஜினியின் மகள் ஐஸ்வர்யாவும் மீண்டும் இயக்குனராக ரீ-என்ட்ரி கொடுத்துள்ளார். அதன்படி அண்மையில் இவர் இயக்கத்தில் வெளியான பயணி என்கிற இசை ஆல்பம் நல்ல வரவேற்பை பெற்றது.

இந்தி படம் இயக்கும் ஐஸ்வர்யா

தமிழில் இதுவரை 3, வை ராஜா வை போன்ற படங்களை இயக்கியுள்ள ஐஸ்வர்யா, தற்போது தான் அடுத்ததாக இயக்க உள்ள படம் குறித்த அறிவிப்பை வெளியிட்டுள்ளார். அதன்படி, ‘ஓ ஷாதி சல்..’ என்கிற இந்திப் படத்தை இயக்க உள்ளார். இதன்மூலம் பாலிவுட்டில் இயக்குனராக அறிமுகமாக உள்ளார் ஐஸ்வர்யா. இப்படம் உண்மை காதல் கதையை மையமாக வைத்து உருவாக உள்ளதாக ஐஸ்வர்யா அறிவித்துள்ளார்.

இதையும் படியுங்கள்... KGF 2 : நீங்க அவன் குறுக்க போயிடாதீங்க சார்... பாடல் மூலம் விஜய்க்கு வார்னிங் கொடுக்கிறதா KGF 2 படக்குழு?