Rajinikanth: கே.பாலச்சந்தரை கட்டிப்பிடித்து கதறிய ரஜினிகாந்த்.! சூப்பர் ஸ்டாரே கண்ணீர் விட்ட கதை தெரியுமா?

“சூப்பர் ஸ்டார்” ரஜினி உலகம் கொண்டாடும் மனிதனின் பின்னால், உணர்ச்சிகள் நிறைந்த ஒரு சாதாரண மனிதன் இருக்கிறார். அந்த மனிதனை உருவாக்கியவர் K. Balachander. அவரை கட்டிப்பிடித்து ரஜினி கதறிய சம்பவம், புகழின் பின்னாலான உண்மையை வெளிப்படுத்துகிறது.

Image Credit : Instagram

உச்சம் தொட்ட உத்தமர்.!

தமிழ் சினிமாவில் “சூப்பர் ஸ்டார்” என்ற உயரத்தை அடைந்தவர் ரஜினிகாந்த். ஆனால் அந்த உயரத்திற்கு பின்னால் இருந்த மனிதனின் பயமும், மன அழுத்தமும், நெகிழ்ச்சியும் பலருக்கும் தெரியாதவை. ஒரு சாதாரண பஸ் கண்டக்டராக இருந்த சிவாஜி ராவை உலகமே வணங்கும் ரஜினியாக மாற்றியவர் இயக்குநர் கே.பலச்சந்தர். இந்த ஆசான்-சிஷ்யன் உறவில் நடந்த ஒரு உணர்ச்சிகரமான சம்பவம் இன்று வரை ரசிகர்களை நெகிழச்செய்கிறது.

Image Credit : X

மன அழுத்த்தை கொடுத்ததா புகழ்?!

சினிமாவுக்கு வந்த ஆரம்ப காலத்தில், ரஜினிகாந்தின் வாழ்க்கை ஒரு வேகமான மாற்றத்தை கண்டது. “அபூர்வ ராகங்கள்”  படத்தின் மூலம்  அறிமுகமான அவர் தனது தனித்துவமான நடிப்பு, ஸ்டைல், குரலால் ரசிகர்களை கவர்ந்தது இழுத்தார். ஆனால் அந்த வேகமான வளர்ச்சி, உள்ளுக்குள்  அவருக்கே ஒரு பயத்தையும் உருவாக்கியதாக கூறப்படுகிறது. புகழ் என்ற ஒன்று மனிதனை உயர்த்தும்; அதே நேரத்தில் அது தாங்க முடியாத அழுத்தத்தையும் கொடுக்கக்கூடும்.

Image Credit : GOOGLE

குருவை சந்தித்த சிஷ்யன்.!

அந்த நேரத்தில் தான், ஒரு நாள் ரஜினிகாந்த் தனது ஆசான் கே.பாலச்சந்தரை நேரில் சந்தித்தார். வழக்கமான சந்திப்பு அல்ல அது. மனதில் பல நாட்களாக அடக்கி வைத்திருந்த உணர்வுகள் வெடித்துக் கொண்டிருந்த தருணம். கே.பி முன்னிலையில் நின்ற ரஜினி திடீரென கட்டுப்பாட்டை இழந்தார். “நிம்மதியாக ஒரு கண்டக்டராக இருந்த என்னை, நீங்கள்தான் ரஜினிகாந்தாக ஆக்கினீர்கள். இந்த திடீர் புகழ் போதையை நான் தாங்கிக்கொள்ள முடியவில்லை சார்…” என்று சொல்லிக்கொண்டே, ஒரு குழந்தையைப் போல அழுதாராம்.

Image Credit : Instagram

மென்மையான மனம் கொண்ட ரஜினிகாந்த்.!

அந்த காட்சி ஒரு நடிகரின் பலவீனத்தை காட்டவில்லை; மாறாக, அவர் எவ்வளவு உண்மையான மனிதர் என்பதை வெளிப்படுத்தியது. கே.பாலச்சந்தர் அந்த நேரத்தில் ரஜினியை அமைதிப்படுத்தி, “புகழ் என்பது ஒரு அலை மாதிரி… அது வரும், போகும். நீ உன்னையே நம்பிக்கையுடன் வைத்துக்கொள்” என்று அறிவுரை கூறியதாக கூறப்படுகிறது. அந்த வார்த்தைகள் ரஜினியின் வாழ்க்கையில் ஒரு திருப்புமுனையாக அமைந்தது.

Image Credit : Google

புகழின் உச்சியில் இருக்க காரணம் இதுதான்.!

அந்த சம்பவத்திற்கு பிறகு, ரஜினிகாந்த் தனது மனதையும், வாழ்க்கையையும் கட்டுப்படுத்திக் கொள்ள ஆரம்பித்தார் என்கின்றனர் திரையுலகினர். தியானம், ஆன்மிகம், எளிமையான வாழ்க்கை—இவையெல்லாம் அவரை ஒரு நிலையான மனிதராக மாற்றின என்பதே அவருடைய நண்பர்களின் ஸ்டேட்மெண்ட். அதனால் தான் இன்று வரை அவர் புகழின் உச்சியில் இருந்தாலும், தாழ்மையை இழக்காமல் இருக்கிறார்.

Image Credit : Google

ரஜினிகாந்தின் வழிகாட்டி.!

இந்த சம்பவம் ஒரு விஷயத்தை தெளிவாக காட்டுகிறது: வெற்றி பெற்றவர்களுக்கும் பயம் இருக்கும். அவர்கள் கூட ஒருபோதும் உடைந்து போகலாம். ஆனால் சரியான வழிகாட்டி இருந்தால், அந்த பயத்தை வெற்றியாக மாற்ற முடியும். ரஜினிகாந்தின் வாழ்க்கையில் அந்த வழிகாட்டி கே.பாலச்சந்தர் தான்.

Image Credit : Red Giant Movies, X

எப்போதும் உயர்ந்து நிற்கும் ரஜினிகாந்த்.!

சூப்பர் ஸ்டாராக உலகம் பார்க்கும் ரஜினியின் பின்னால், ஒரு உணர்ச்சிவசப்பட்ட மனிதன் இருக்கிறார் என்பதற்கு இந்த கதை ஒரு அழகான சான்று. புகழின் உச்சியில் இருந்தாலும், “நான் மனிதன் தான்” என்று சொல்லும் அந்த கண்ணீர்—அதுவே ரஜினியை இன்னும் உயரமாக நிறுத்துகிறது.