'ராக்கா' படத்தில் அல்லு அர்ஜுன் முதல் ஜான்வி கபூர் வரை வாங்கும் சம்பளம் எவ்வளவு தெரியுமா?

Raaka Movie Salary Details: பான் வேர்ல்ட் திரைப்படமாக உருவாகி வரும் 'ராக்கா' படத்தில் நடிக்க நடிகர் நடிகைகள் மற்றும் இயக்குனர் அட்லீ ஆகியோர் வாங்கும் சம்பளம் குறித்த தகவலை பார்ப்போம்.

Image Credit : X

ராக்கா:

தென்னிந்திய சினிமாவில் மாபெரும் எதிர்பார்ப்புடன் உருவாகி வரும் படம் ‘ராக்கா’. பான்-இந்தியா படமாக உருவாகும் இந்தத் திரைப்படத்தை அல்லு அர்ஜுன் நடிப்பதும், அட்லீ இயக்குவதும் பெரும் கவனத்தை ஈர்த்துள்ளது. மாபெரும் பட்ஜெட், ஸ்டார் கதாப்பாத்திரங்கள் மற்றும் மேம்பட்ட VFX காட்சிகளுடன், இந்த படம் திரை ரசிகர்களுக்கு பெரும் ஆச்சர்யத்தை கொடுக்க உள்ளது.

Image Credit : Sun Pictures

அல்லு அர்ஜுன் சம்பளம்:

அல்லு அர்ஜுன் இந்த படத்தில் மூன்று வேறுபட்ட கதாபாத்திரங்களில் நடிக்கிறார். காவலர், ராட்சசன் மற்றும் தந்தை என்ற ரோல்கள் அவரின் திறனையும் திரையுலகில் உள்ள அவரது ஸ்டார் பவரையும் வெளிப்படுத்தும் வகையில் அமைந்துள்ளன. இதற்காக, அவர் ₹175 கோடி சம்பளமாக பெற உள்ளார் என்று சில தரப்பினர் கூறுகின்றனர். ஆனால், இன்னும் சில செய்திகள் கூறுவது, அவர் profit-sharing முறையில் கூட சம்பளம் பெறுவாராக இருக்கலாம். இதனால், அவர் உண்மையில் பெறும் தொகை இன்னும் அதிகமாக இருக்க வாய்ப்பு உள்ளது.

Image Credit : X

தீபிகா படுகோன் சம்பளம்:

இந்த படத்தில் ஹீரோயினாக நடிக்கும் தீபிகா படுகோன், ₹25 கோடி சம்பளத்தைப் பெற உள்ளார். இதுவரை பாலிவுட் படங்களில் அதிகபட்சமாக 20 கோடி சம்பளம் மட்டுமே பெற்று வந்த இவர், திருமணம் ஆகி குழந்தை பெற்ற பின்னரும் இவ்வளவு பெரிய தொகையை சம்பளமாக பெறுவது, இவரது ஸ்டார் வால்யூவை வெளிப்படுத்தி உள்ளது.

Image Credit : X

ராஷ்மிகா மந்தனா சம்பளம்

இதுவரை , முன்னணி ஹீரோக்களுக்கு கதாநாயகியாக மட்டுமே நடித்த ராஷ்மிகா மந்தனா, ‘ராக்கா’ படத்தில் வில்லியாக நடித்துள்ளாராம். அவரது சம்பளம் ₹8 கோடி வரை என தெரிய வருகிறது. இதனால் அவர், ஹீரோயின் என்பதை தாண்டி வில்லியாக மற்றொரு பரிமாணத்தில் ரசிகர்களை ஆச்சர்யப்படுத்த காத்திருக்கிறார்.

Image Credit : Instagram

மிருணாள் தாகூர் சம்பளம்:

இவரை தொடர்ந்து, இப்படத்தில் முக்கிய கதாபாத்திரத்தில் நடிக்க உள்ள மற்றொரு ஹீரோயினாக மிருணாள் தாகூர், ரூபாய் 5 கோடி சம்பளம் பெற உள்ளதாக தகவல்கள் வெளியாகி உள்ளது.

Image Credit : others

ஜான்வி சம்பளம்:

அதே போல் மூன்றாவது நாயகியாக நடிக்க இருக்கும் பிரபல நடிகை ஜான்வி கபூரும் சுமார் 5 கோடி வரை சம்பளமாக பெற உள்ளாராம். நடிகர்களின் சம்பளத்தை தவிர்த்து, தயாரிப்பு மற்றும் VFX பணிக்காக மட்டுமே படக்குழு ரூபாய் 200 முதல் 250 கோடி வரை செலவிட உள்ளது குறிப்பிடத்தக்கது.

Image Credit : Sun Pictures

அட்லீ சம்பளம்:

இறுதியாக இயக்குனர் அட்லீ 'ராக்கா ' படத்தை இயக்க ரூபாய் 25 கோடி சம்பளமாக பெற்றுள்ளார். மேலும் நடிகர் நடிகைகளின் சம்பளம், தயாரிப்பு செலவு, VFX செலவு உள்ளிட்ட அனைத்தும் சேர்த்து சுமார் 450 கோடிக்கும் மேல் இந்த படத்தின் பட்ஜெட் இருக்கும் என திரைப்பட வல்லுநர்கள் உறுதிப்படுத்தி உள்ளனர்.