அல்லு அர்ஜுனின் 'புஷ்பா தி ரூல்' ரிலீஸ் தேதி குறித்து வெளியான தகவல்!
'புஷ்பா தி ரைஸ்' படத்தைத் தொடர்ந்து, இரண்டாவது பாகமாக உருவாகி வரும் 'புஷ்பா தி ரூல்' திரைப்படத்தின் ரிலீஸ் தேதி குறித்த தகவல் தற்போது வெளியாகி உள்ளது.
தெலுங்கு திரையுலகில், முன்னணி நடிகராக இருக்கும் அல்லு அர்ஜுன் நடிப்பில் கடைசியாக வெளியான திரைப்படம் புஷ்பா தி ரைஸ். செம்மர கடத்தலையும், செம்மர கடத்தல் தொழிலாளர்களையும் மையமாக வைத்து எடுக்கப்பட்டிருந்த இந்த படம் இரண்டு பாகங்களாக எடுக்கப்பட்டுள்ளது. புஷ்பா படத்தின் முதல் பாகம் கடந்த 2021 ஆம் ஆண்டு, வெளியானது.
இந்த படத்தை இயக்குனர் சுகுமார் இயக்கியுள்ளார். அல்லு அர்ஜுன் ஜோடியாக ராஷ்மிகா மந்தனா நடித்திருந்தார். அதே போல் வில்லனாக பகத் பாசில் நடித்திருந்தார். மேலும் முதல் பாகமான புஷ்பா தி ரைஸ் படத்தில், 'ஓ சொல்றியா மாமா.. என்கிற ஐட்டம் சாங்க்கு திரையரங்கமே அதிரும் அளவுக்கு ஐட்டம் டான்ஸ் ஆடி வேற லெவல் பர்ஃபார்மன்ஸ்சை வெளிப்படுத்தினார் நடிகை சமந்தா. ஹீரோயின் ராஷ்மிகா போட்ட கவர்ச்சி ஆட்டத்தையே மறக்க செய்தது, சமந்தாலும் இந்த கிளுகிளுப்பான நடனம்.
டயலாக் வரவில்லை... 10... 12.. டேக் போய்டுச்சு! தம் அடிக்க சொன்ன சரத்பாபு! ரஜினி பகிர்ந்த நினைவுகள்!
பல்வேறு எதிர்பார்ப்புக்கு மத்தியில் வெளியான புஷ்பா திரைப்படத்தின் முதல் பாகம் வெளியாகி, பாக்ஸ் ஆபிஸில் சுமார் 350 கோடிக்கு மேல் வசூலித்து கெத்து காட்டியது. இப்படத்தின் பிரம்மாண்ட வெற்றியைத் தொடர்ந்து, அல்லு அர்ஜுன் புஷ்பா படத்தின் இரண்டாவது பாகமாக உருவாகி வரும், 'புஷ்பா தி ரைஸ்' படத்தில் முழு கவனத்தையும் செலுத்தி வருகிறார்.
மேலும் புஷ்பா 2 படத்தின் கிலிப்ஸி வீடியோவை அல்லு அர்ஜுனின் பிறந்த நாளை முன்னிட்டு அண்மையில் பட குழு வெளியிட்டது. இதில் அல்லு அர்ஜுனின் வித்யாசமான தோற்றம், இப்படத்தின் மீதான எதிர்பார்ப்பை எகிற செய்தது.
மைத்ரேயி மூவிஸ் தயாரிப்பில் உருவாகியுள்ள 'புஷ்பா 2' படம் குறித்த தகவல்கள் அவ்வப்போது வெளியாகி வரும் நிலையில், இப்படத்தின் ரிலீஸ் தேதி குறித்த தகவல் வெளியாகி உள்ளது. அந்த வகையில் 'புஷ்பா 2' திரைப்படம், இந்த ஆண்டு டிசம்பர் மாதம் 22ஆம் தேதி வெளியாகும் என அறிவிக்கப்பட்டுள்ளது. எப்படி கடந்த ஆண்டு, கிருஸ்துமஸ் தினத்தை முன்னிட்டு இப்படம் வெளியானதோ.. அதே போல் இந்த ஆண்டு கிருஸ்துமஸ் தினத்தை, புஷ்பா தி ரூல் குறிவைத்துள்ளது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.