- Home
- Cinema
- பேனர்களை தீயிட்டு எரித்து... நாடு முழுவதும் பதான் படத்திற்கு எதிராக இந்து அமைப்புகள் போராட்டம்
பேனர்களை தீயிட்டு எரித்து... நாடு முழுவதும் பதான் படத்திற்கு எதிராக இந்து அமைப்புகள் போராட்டம்
நாடு முழுவதும் பல்வேறு நகரங்களில் இந்து அமைப்பினர் போஸ்டர்களை எரித்து, பதான் படத்திற்கு எதிராக போராட்டத்தில் ஈடுபட்டுள்ளனர்.
ஷாருக்கான் நடிப்பில் மிகுந்த எதிர்பார்ப்புக்கு மத்தியில் ரிலீஸ் ஆகியுள்ள திரைப்படம் பதான். இப்படம் இன்று இந்தியாவில் சுமார் 5000-க்கும் மேற்பட்ட திரைகளிலும், வெளிநாடுகளில் 2500-க்கு மேற்பட்ட திரைகளிலும் ரிலீஸ் ஆகி உள்ளது. முன்னதாக இப்படத்தில் இடம்பெறும் பெஷரம் ரங் என்கிற பாடலில் நடிகை தீபிகா படுகோனே காவி நிற பிகினி அணிந்திருந்த காட்சிகள் இடம்பெற்று இருந்ததற்கு கடும் எதிர்ப்பு கிளம்பியது.
இதனால் அப்படத்தை புறக்கணிக்க வேண்டும் இந்து அமைப்புகள் தொடர்ந்து குரல் கொடுத்து வந்தன. அதையும் மீறி படம் இன்று ரிலீஸ் ஆகியுள்ளதால், நாடு முழுவதும் பல்வேறு நகரங்களில் இந்து அமைப்பினர் போஸ்டர்களை எரித்து போராட்டத்தில் ஈடுபட்டுள்ளனர்.
ஷாருக்கானின் பதான் படத்திற்கு எதிர்ப்பு தெரிவித்து மத்திய பிரதேச மாநிலம் பர்வானியில் உள்ள திரையரங்கின் முன் குவிந்த விஷ்வ ஹிந்து பரிஷத் மற்றும் பஜ்ரங் தள் அமைப்பினர் போராட்டம் நடத்தினர். அதுமட்டுமின்றி தியேட்டருக்கு வெளியே இருந்த படத்தின் போஸ்டர்களை கிழித்து தீ வைத்து எரித்தனர்.
இதையும் படியுங்கள்... வாரிசு படத்தின் சக்சஸ் பார்ட்டிக்கு ‘தளபதி 67’ கேங்ஸ்டர் லுக்கில் வந்த விஜய் - வைரலாகும் போட்டோஸ்
அதேபோல் இந்தூரில் உள்ள திரையரங்குகளிலும் இந்து அமைப்புகள் போராட்டம் நடத்தினர். குவாலியரில் உள்ள டிடி மாலில் பதான் படம் திரையிடப்படும் முன்பே அங்கு வந்த பஜ்ரங் தள் அமைப்பினர் ஜெய் ஸ்ரீ ராம் என்ற முழக்கங்களுடன் படத்திற்கு எதிர்ப்பு தெரிவித்தனர். பதான் படத்திற்கு எதிராக போராட்டம் நடத்தப்போவதாக பஜ்ரங் தள் அமைப்பினர் அறிவித்ததை அடுத்து மும்பையில் உள்ள தியேட்டர்களுக்கு பலத்த போலீஸ் பாதுகாப்பு போடப்பட்டு உள்ளது.
கர்நாடக மாநிலம் கலபுர்கியிலும் பதான் படத்தை திரையிட எதிர்ப்பு தெரிவித்து போராட்டம் நடந்தது. அங்குள்ள ஷெட்டி தியேட்டருக்கு வெளியே பதான் படத்திற்கு எதிராகவும், ஷாருக்கானுக்கு எதிராகவும் போராட்டக்காரர்கள் முழக்கங்களை எழுப்பினர். இதையடுத்து அங்குள்ள தியேட்டர்களுக்கு பலத்த போலீஸ் பாதுகாப்பு போடப்பட்டு உள்ளது.
இதையும் படியுங்கள்... பதான் முதல் ராங்கி வரை.. குடியரசு தின ஸ்பெஷலாக இந்தவாரம் தியேட்டர் & OTT-யில் ரிலீசாகும் படங்கள் ஒரு பார்வை
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.