மகளுக்காக நடிகையை ஸ்கெட்ச் போட்டு கடத்திய தயாரிப்பாளர்: திரையுலகில் பரபரப்பு
குடும்பத் தகராறு காரணமாக பிரிந்து வாழ்ந்த தயாரிப்பாளர் ஹர்ஷவர்தன், தனது மகளுக்காக சின்னத்திரை நடிகையான மனைவி சைத்ராவை கடத்திய சம்பவம் பெரும் பரபரப்பை ஏற்படுத்தி உள்ளது.
Producer Harshavardhan Kidnaps Actress
தயாரிப்பாளர் ஒருவர் தன் மகளுக்காக மனைவியை கடத்தியது தொடர்பாக பேட்டராயனபுரா காவல் நிலையத்தில் புகார் அளிக்கப்பட்டுள்ளது. ஹர்ஷவர்தன் 2023ல் சின்னத்திரை நடிகை சைத்ராவை காதலித்து மணந்தார்.
தம்பதிக்கு ஒரு வயது குழந்தை உள்ளது. தற்போது மகளுக்காக மனைவியை கடத்தியதாக ஹர்ஷவர்தன் மீது குற்றம் சாட்டப்பட்டுள்ளது.
வர்தன் சினிமாஸ் நிறுவனம்
வர்தன் சினிமாஸ் நிறுவனத்தின் தயாரிப்பாளரான ஹர்ஷவர்தன், 'நின்னலேனோ ஹெலபேக்கு' என்ற படத்தை தயாரித்துள்ளார். இதில் ஹர்ஷவர்தன், சைத்ரா இணைந்து நடித்துள்ளனர். மனைவியை கடத்தி, 'உன் மகள் வேண்டுமென்றால் என் மகளைக் கொடு' என மாமியாரை மிரட்டியதாகக் கூறப்படுகிறது.
குடும்பத் தகராறு
குழந்தை பிறந்த பிறகு, குடும்பத் தகராறு காரணமாக ஹர்ஷவர்தனும் சைத்ராவும் பிரிந்து வாழ்ந்தனர். மகளைப் பிரிய முடியாமல் மனைவியைக் கடத்தியுள்ளார். திட்டமிட்டு மைசூரில் மனைவியைக் கடத்தி, மாமியாருக்கு போன் செய்து மிரட்டியுள்ளார்.
பேட்டராயனபுரா காவல் நிலையத்தில் புகார்
நண்பர் கௌஷிக் மூலம் மனைவி சைத்ராவை அழைத்து, சீரியல் படப்பிடிப்புக்காக மைசூரு வருமாறு கூறியுள்ளார். முன்பணமாக 20,000 ரூபாய் கொடுக்கப்பட்டது. மைசூரு வந்தபோது மனைவியை கடத்தி மகளை அனுப்புமாறு கோரியுள்ளார். கடத்தல் பற்றி அறிந்த சைத்ராவின் சகோதரி பேட்டராயனபுரா காவல் நிலையத்தில் புகார் அளித்துள்ளார்.
போலீசார் விசாரணை
புகாரின் பேரில் எஃப்.ஐ.ஆர் பதிவு செய்த பேட்டராயனபுரா போலீசார், தயாரிப்பாளரை தொடர்பு கொண்டதும் அவர் மனைவியை விடுவித்துள்ளார். தற்போது அனைவரையும் காவல் நிலையத்திற்கு வரவழைத்து போலீசார் விசாரணை நடத்தி வருகின்றனர்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
