மகளுக்கு சமஸ்கிருத பெயர் வைத்த பிரியங்கா - நிக் ஜோனாஸ்...பெயருக்கு என்ன அர்த்தம் தெரியுமா?

வாடகை தாய் மூலம் பெற்றோரான மகிழ்ச்சியான செய்தியை பிரியங்காவும் மற்றும் நிக் ஜோனாஸும் ஜனவரி 22 அன்று இன்ஸ்டாகிராமில் அறிவித்தனர். 

பிரியங்கா மற்றும் நிக் இந்த ஆண்டின் தொடக்கத்தில் வாடகைத் தாய் மூலம் தங்கள் முதல் குழந்தையை பெற்றனர்.. அவர்களின் குழந்தை கடந்த ஜனவரி 15 அன்று சான் டியாகோ மருத்துவமனையில் பிறந்தது.

குழந்தைக்கு குறித்து தங்கள் இன்ஸ்டா பதிவில் தெரிவித்த இவர்கள், "நாங்கள் வாடகைத் தாய் மூலம் ஒரு குழந்தையை வரவேற்றோம் என்பதை உறுதி செய்வதில் மிகுந்த மகிழ்ச்சி அடைகிறோம். எங்கள் குடும்பத்தில் கவனம் செலுத்துவதால், இந்த சிறப்பு நேரத்தில் தனியுரிமைக்காக நாங்கள் மரியாதையுடன் கேட்டுக்கொள்கிறோம். மிக்க நன்றி." என குறிப்பிட்டிருந்தனர்.

தங்கள் குழந்தைக்கு மால்டி மேரி என பெயர் வைத்துள்ளனர் . 'மால்டி' என்ற பெயர் சமஸ்கிருத வம்சாவளியைச் சேர்ந்தது மற்றும் சிறிய மணம் கொண்ட மலர் அல்லது நிலவொளி என்று பொருள்.

மேரி லத்தீன் ஸ்டெல்லா மாரிஸ் என்பதிலிருந்து வந்தவர், அதாவது கடலின் நட்சத்திரம். இது இயேசுவின் தாயான மேரி என்ற பெயரின் பிரஞ்சு பதிப்பு என்பதால் இதற்கு விவிலியப் பெயரும் உள்ளது.

உலக அழகியான பிரியங்கா சோப்ரா கோலிவுட், பாலிவுட், ஹாலிவுட் வரை கலக்கி வருகிறார்.  38 வயதிலும் டாப் ஹீரோயினாக உள்ள பிரியங்கா அமெரிக்க பாடகர் நிக் ஜோனசை காதலித்துதிருமணம் செய்து கொண்டார்.

தன்னை விட வயது குறைந்த நிக் ஜோன்ஸை திருமணம் செய்து கொண்ட பிரியங்கா..அவரை விரைவில் பிரிந்து விடுவார் என்கிற கிசுகிசு அவ்வப்போது எழுந்த வண்ணம் உள்ளது.

ஆனால் இந்த தம்பதிகள் தற்போது வாடகை தாய் மூலம் குழந்தை பெற்று பெற்றோர்களாக அடுத்த கட்டத்திற்கு நகர்ந்துள்ளனர். பிரியங்கா சமீபத்திய பேட்டி ஒன்றில், "புதிய பெற்றோராக, எனது ஆசைகள், பயங்கள், வளர்ப்பு போன்றவற்றை என் குழந்தையிடம் ஒருபோதும் திணிக்க மாட்டேன் என்று நினைத்துக் கொண்டிருக்கிறேன். என கூறியுள்ளார்.