பிரியாமணியின் கவர்ச்சியில் கவிழ்ந்த 52 வயது நடிகர்... இவரே தான் வேண்டும் என ஒரே அடம்பிடிச்சாராம்...!

சமீப காலமாக இன்ஸ்டார்கம் பக்கத்தில் பிரியா காட்டும் கவர்ச்சிக்கு கை மேல் பலன் கிடைத்துள்ளது. பிரபல பாலிவுட் நடிகர், இவரது லேட்டஸ்ட் புகைப்படங்களை பார்த்து விட்டு இவரை தான் படத்தில் கமிட் செய்ய வேண்டும் என அடம் பிடித்து... அம்மணிக்கு பட வாய்ப்பை கொடுத்துள்ளாராம்.  

priyamani

தமிழ் சினிமாவில் கியூட் ஏஞ்சலாக... "கண்களால் கைது செய்" என்ற படத்தின் மூலம் அறிமுகமானவர் பிரியாமணி.

இந்த படத்திற்கு பின் வரிசையாக அடுத்தடுத்து, சில தமிழ் படங்களில் நடித்தாலும், இவருக்கு மிகப்பெரிய வெற்றிப்படமாக அமைந்தது, நடிகர் கார்த்திக்கு ஜோடியாக நடித்த 'பருத்திவீரன்' திரைப்படம் தான்.

முத்தழகியாகவே வாழ்ந்து நடித்திருந்த பிரியாமணிக்கு இப்படம் தேசிய விருதை பெற்று தந்தது. 

மீண்டும் தமிழ், தெலுங்கு படங்களில் பிஸியான பிரியாமணி சரியான கதையை தேர்வு செய்து நடிக்காததால்... மீண்டும் திரையுலகில் சரிவை சந்தித்தார். ஒரு கட்டத்தில் திரைப்பட வாய்ப்புகள் இல்லாமல் போக, முஸ்தப்பா ராஜ் என்பவரை 2017 ஆம் ஆண்டு திருமணம் செய்து கொண்டார்.

பின்னர் அவ்வப்போது சில படங்களில் தலை காட்டி வந்தாலும், நடன நிகழ்ச்சிகளில் நடுவராக பங்கேற்பதில் அதிக ஆர்வம் காட்டினார்.

நீண்ட இடைவெளிக்கு பின், சமீபத்தில் ஓடிடி தளத்தில் வெளியான அசுரன் பட ரீமேக், இவருக்கு சிறந்த படமாக அமைத்துள்ளது. இந்த படத்தில் இவரது நடிப்பை பார்த்து பலர் பாராட்டி வருகிறார்கள்.

என்னதான் இந்த படத்தின் குடும்ப பாங்கான கதாபாத்திரத்தில் நடித்தாலும், இன்ஸ்டாகிராமில் உடல் எடையை குறைத்து... செம்ம ஹாட் புகைப்படங்களை வெளியிட்டு வந்தார் பிரியாமணி.

இவர் காட்டிய கவர்ச்சிக்கு தற்போது கை மேல் பலன் கிடைத்துள்ளது.

பிரபல பாலிவுட் நடிகர் பிரியாமணியின் லேட்டஸ்ட் புகைப்படங்களை பார்த்து விட்டு, இவரை தன்னுடைய அடுத்த படத்தில் நடிக்க வைக்க வேண்டும் என அடம் பிடித்து தன்னுடைய 'மைதான்' படத்தில் கமிட்  செய்துள்ளாராம்.

மீண்டும் பிரபல பாலிவுட் ஹீரோவுடன் நடிக்க உள்ளதை நினைத்து... சந்தோஷத்தில் பூரித்து கொண்டிருக்கிறாராம் பிரியாமணி.