விஜய்கான ஸ்கிரிப்ட்டில் விக்ரம்.. சீயான் 61 படத்தின் தலைப்பு என்ன தெரியுமா?

பா.ரஞ்சித்துடன்  சியான் விக்ரம் இணையவுள்ள அடுத்த திட்டம் பற்றிய அதிகாரப்பூர்வ அறிவிப்பு இணையத்தில் வெளிவந்து பல மாதங்கள் கடந்து தற்போது டைட்டில் குறித்த தகவல் கசிந்துள்ளது. 

mahaan

மகனுடன் வந்த மகான்  :

பீட்சா படம் மூலம் பிரபலமான இயக்குனர் கார்த்திக் சுப்புராஜ் சமீபத்தில்  ‘மகான்’ படத்தை இயக்கி இருந்தார். விக்ரம் ஹீரோவாக நடித்துள்ள இப்படத்தில், அவரது மகன் துருவ் விக்ரமும் முக்கிய கதாபாத்திரத்தில் நடித்துள்ளார். மேலும் சிம்ரன், பாபி சிம்ஹா என மிகப்பெரிய நட்சத்திர பட்டாளமே இப்படத்தில் நடித்துள்ளது. இப்படத்திற்கு சந்தோஷ் நாராயணன் இசையமைத்துள்ளார். மகான் படத்தை 7 ஸ்கிரீன் ஸ்டூடியோஸ் நிறுவனம் சார்பாக லலித் குமார் தயாரித்துள்ளார். இப்படம் இன்று நேரடியாக ஓடிடி தளத்தில் வெளியாகி  நல்ல வரவேற்பை பெற்றது.

vikram 61

பா.ரஞ்சித் கூட்டணியில் விக்ரம் (vikram) :

மகான் படத்தை தொடர்ந்து விக்ரம் தற்போது செல்வராகவனின் பொன்னியின் செல்வன் படத்தில் நடித்து முடித்துள்ளார். அதோடு கோப்ரா, துருவ நட்சத்திரம் உள்ளிட்ட படங்களில் கமிட் ஆகியுள்ள விக்ரம் இதனுடன் சியான் 61 வது படத்தை பிரபல இயக்குனர் பா. ரஞ்சித் இயக்க உள்ளார்.

இளையராஜா இசையில் விக்ரம் : 

காலா, கபாலீ மூலம் பிரபலமான பா.ரஞ்சித் சியான் விக்ரமை இயக்கவுள்ளது குறித்து கடந்த ஆண்டு இறுதியில் அறிவிப்பு வெளியானது. கே.இ.ஞானவேல் ராஜாவின் ஸ்டுடியோ கிரீன் நிறுவனம் தயாரிக்கவுள்ளது. இந்த படத்திற்கு இளையராஜா இசையமைக்கவுள்ளார்.

விஜய்கான  ஸ்கிரிப்ட் :

முன்னதாக ஒரு நேர்காணலில், இயக்குனர்பா.ரஞ்சித் முதலில் விஜய்க்காக மேஜிக்கல் ரியலிசம் ஸ்கிரிப்டை எழுதியதாக கூறியிருந்தார். அதோடு இனரிட்டுவின் 'பேர்ட்மேன்' போன்ற படங்களின் பாணியில் ஒரு திரைப்படத்தை உருவாக்க விரும்புவதாக அவர் கூறினார். இதையடுத்து விஜய்க்காக உருவாக்கப்பட்ட ஸ்கிரிப்டை விக்ரமிடம் ரஞ்சித் கூறியதாகவும், அதை சீயான் உடனடியாக ஏற்றுக்கொண்டதாகவும் தகவல்கள் தெரிவிக்கின்றன.

சியான் விக்ரம் 61 பட டைட்டில் : 

இந்நிலையில் விக்ரம் நடிக்கவுள்ள புதிய படத்தின் டைட்டில் குறித்த தகவல் கசிந்துள்ளது. அதாவது இந்த படத்திற்கு 'மைதானம்' என பெயர் வைக்கப்பட்டுள்ளதாக சொல்லப்படுகிறது. இந்த படத்தை அடுத்து பா.ரஞ்சித், ராஜ் கமல் ஃபிலிம்ஸ் இன்டர்நேஷனல் மூலம் தயாரிக்கப்படும் திரைப்படத்தில் கமல்ஹாசனுடன்  இணைய வாய்ப்புள்ளது கூறப்படுகிறது.