த.வெ.க கொடி.. அது வாகை மரம் இல்லையாம்; அப்புறம் அது என்ன மரம்? இதென்னப்பா புது விளக்கம்!!

TVK Flag : இன்று காலை தளபதி விஜய் தனது தமிழக வெற்றிக் கழகம் கட்சியின் கொடியை அறிமுகம் செய்து வைத்தார். பிளிறும் இரு யானைகள் மற்றும் வாகை மர பூ கொண்ட கொடியாக அது உள்ளது.

Political Leader Vijay

தமிழ் சினிமாவில் கடந்த 35 ஆண்டுகளுக்கும் மேலாக மெகா ஹிட் நடிகராக வலம் வந்து கொண்டிருப்பவர் தளபதி விஜய். இப்போது தனது 68வது திரைப்பட பணிகளை மேற்கொண்டு வரும் அவர், விரைவில் தனது 69வது திரைப்பட பணிகளையும் துவங்கவுள்ளார். அப்பட பணிகளை முடிக்கும் அவர், தீவிர அரசியலில் ஈடுபட உள்ளது அனைவரும் அறிந்ததே. அதே நேரம் சினிமாவை விட்டும் அவர் முழுமையாக விலக இருப்பதாக அதிகாரப்பூர்வ தகவல்கள் வெளியானதும் குறிப்பிடத்தக்கது.

Thalapathy Vijay

இந்த ஆண்டு தொடக்கத்தில் தனது தமிழக வெற்றிக் கழகத்தை அறிமுகம் செய்து வைத்த தளபதி விஜய், இன்று (August 22) பனையூரில் உள்ள தனது கட்சி அலுவலகத்தில், த.வெ.க கட்சியின் கொடியை அறிமுகம் செய்து வைத்தார். அது மட்டுமல்லாமல் கட்சிக்கான பாடலும் இன்று அதிகாரப்பூர்வமாக வெளியிடப்பட்டது. இப்பாடலை பாடலாசிரியர் விவேக் எழுத, தமன் இப்பாடலுக்கு இசையமைத்தது குறிப்பிடத்தக்கது.

TVK Flag Anthem

இன்றைய தலைப்புச் செய்தியாக மாறிய தளபதி விஜயின் கட்சி கொடி சிவப்பு மற்றும் மஞ்சள் நிறத்தில் அமைந்திருந்தது. அது மட்டுமல்லாமல் இரண்டு யானைகளுக்கு மத்தியில் வாகை என்று அழைக்கப்படும் மரத்தின் பூ ஒன்று அமைந்திருப்பது போல கட்சியின் கொடி இருந்தது. காலை தொடங்கி பல கேள்விகளை இந்த கொடி எழுப்பி வந்த நிலையில், அந்த பூ குறித்த புதிய தகவல் ஒன்று வெளியாகியுள்ளது. 

Tamilaga Vettri Kazhagam

தூங்கு மூஞ்சி மரம் அல்லது பண்ணி வாகை என்று அழைக்கப்படும் இம்மரம் தென் அமெரிக்காவை பூர்வீகமாகக் கொண்டது. சிங்கப்பூரிலிருந்து இந்தியாவிற்கு வந்தது என்று நம்பப்படுகிறது, இதுதான் பிங்க் நிற மலர்களை கொடுக்கும். தளபதி விஜயின் கட்சிக் கொடியிலும் அது தான் இடம்பெற்றுள்ளது. ஆனால் உண்மையில் சங்க இலக்கியத்தில் குறிப்பிடப்படும் வாகை மரம் என்பது உண்மையில் பச்சை மற்றும் வெள்ளை நிற பூக்களையே தரும் என்று புதிய தகவல் ஒன்று வெளியாகியுள்ளது.