கன்னத்தோடு கன்னம் உரசிய வனிதா - பவர் ஸ்டார்... என்ன மட்டும் விட்டுடுங்க என கதறிய லட்சுமி ராமகிருஷ்ணன்...!

வனிதாவும், பவர்ஸ்டாரும் கன்னத்தோடு கன்னம் வைத்து சிரித்த முகமாக போஸ் கொடுத்த புகைப்படமும் சமூக வலைதளங்களில் வைரலாகி வருகிறது. 

Vanitha vijayakumar

சர்ச்சை என்ற பெயருக்கு மற்றொரு அர்த்தம் என்றாலே அது வனிதா விஜயகுமார் தான் என்பது பேச ஆரம்பித்துவிட்டனர் நெட்டிசன்கள். பிக்பாஸ் நிகழ்ச்சி மூலமாக மீண்டும் லைம் லைட்டிற்கு வந்த வனிதா விஜயகுமார், பீட்டர் பால் என்பவரை 3வது திருமணம் செய்து கொண்டது பல்வேறு விமர்சனங்களை உருவாக்கியது. அதுகுறித்து கருத்த் தெரிவித்த பலரையும் வனிதா வெளுத்து வாங்கினார். அப்படி அவரிடம் சூடு வாங்கியதில் பிரபல நடிகையான லட்சுமி ராமகிருஷ்ணனும் ஒருவர். 

அப்படியிருக்க தற்போது மீண்டும் வனிதா விஜயகுமார் விஷயத்தில் வாண்டடாக போய் சிக்க உள்ளார். சமீபத்தில் வனிதா 4வது திருமணம் செய்து கொள்ள வாய்ப்புள்ளதாக பிரபல ஜோதிடர் கூறியதை அடுத்து, சோசியல் மீடியாவில் அது பேசுபொருளாக மாறியது. அதனைத் தொடர்ந்து பவர் ஸ்டார் ஸ்ரீனிவாசனுடன் வனிதா மாலையும், கழுத்துமாக இருக்கும் போட்டோஸ் வெளியாகி வைரலானது. 

பலரும் இது சினிமா புரோமோஷன் என கேஸ் செய்திருந்தாலும், நெட்டிசன்கள் பலரும் தங்களுடைய வழக்கமான சேட்டைகளை அரங்கேற்றி வந்தனர். ஆனால் ‘பிக்கப் ட்ராப்’ என்ற படத்தில் வனிதாவும் பவர் ஸ்டாரும் இணைந்து நடிக்கின்றனர் என்ற தகவல் நேற்று வெளியானது. இதனையடுத்து 4வது திருமணம் குறித்த விமர்சனங்களுக்கு பதிலடி கொடுத்த வனிதா, 4 இல்ல 40 திருமணம் கூட செய்து கொள்வேன் அது என் சொந்த விருப்பம் என காரசாரமாக பதிலடி கொடுத்திருந்தார். 

தற்போது வனிதாவும், பவர்ஸ்டாரும் கன்னத்தோடு கன்னம் வைத்து சிரித்த முகமாக போஸ் கொடுத்த புகைப்படமும் சமூக வலைதளங்களில் வைரலாகி வருகிறது. அதனையடுத்து நெட்டிசன்களின் சேட்டை எல்லை தாண்ட ஆரம்பித்துவிட்டது.

அந்த புகைப்படத்தை  ட்விட்டரில் வெளியிட்டு நெட்டிசன் ஒருவர், வனிதா விஜயகுமார் மற்றும் நடிகையும், இயக்குநருமான லக்ஷ்மி ராமகிருஷ்ணன் ஆகியோரை மென்ஷன் டேக் செய்து, எபிக், ஒரிஜினல் கேரக்டர். அக்காவுக்கு ரொம்ப பொருத்தமாக இருக்கிறது. குடும்பங்களை எப்படி மெயின்டெய்ன் செய்ய வேண்டும் என்பதற்கு மிகச் சிறந்த உதாரணம் என்றார்.

அதற்கு கமெண்ட் செய்துள்ள லட்சுமி ராமகிருஷ்ணன் இது காமெடியாக இருக்கிறது என்பதை ஒப்புக் கொள்கிறேன். ஆனால் தயவு செய்து என்னை டேக் செய்ய வேண்டாம். நன்றாக சிரித்தேன் என கண்களில் நீர் வரும் இமோஜியை பதிவிட்டுள்ளார். வனிதா அக்காவைப் பற்றி தெரிஞ்சும் வாண்டடாக போய் சிக்குறீங்களே என லட்சுமி ராமகிருஷ்ணனை எச்சரிக்கின்றனர் நெட்டிசன்கள்.