- Home
- Cinema
- ஜெயிலர் ரிலீசுக்கு தேதி குறிச்சாச்சு...! தீபாவளிக்கு முன்னரே சரவெடியாக ரிலீஸ் ஆக உள்ள ரஜினி படம்
ஜெயிலர் ரிலீசுக்கு தேதி குறிச்சாச்சு...! தீபாவளிக்கு முன்னரே சரவெடியாக ரிலீஸ் ஆக உள்ள ரஜினி படம்
நெல்சன் திலீப்குமார் இயக்கத்தில் ரஜினிகாந்த் நாயகனாக நடித்து வரும் ஜெயிலர் படம் எப்போது ரிலீஸ் ஆகும் என்பது குறித்த மாஸான அப்டேட் கசிந்துள்ளது.
விஜய் டிவியில் பணியாற்றிய நெல்சன் நயன்தாரா நடிப்பில் வெளியாகி பிளாக்பஸ்டர் ஹிட் ஆன கோலமாவு கோகிலா படத்தின் மூலம் தமிழ் திரையுலகில் இயக்குனராக அறிமுகமானார். இதையடுத்து இவர் இயக்கிய டாக்டர் திரைப்படமும் அதிரி புதிரியான வெற்றியை ருசித்ததோடு ரூ.100 கோடிக்கு மேல் வசூலையும் வாரிக் குவித்து சாதனை படைத்தது. இதன்பின் அவருக்கு கிடைத்த ஜாக்பாட் வாய்ப்பு தான் நடிகர் விஜய்யின் பீஸ்ட். இப்படம் மூலம் ஹாட்ரிக் வெற்றியை ருசிப்பார் என எதிர்பார்க்கப்பட்ட நெல்சன், படுதோல்வியை சந்தித்தார்.
பீஸ்ட் படம் விமர்சன ரீதியாக தோற்றாலும், பாக்ஸ் ஆபிஸில் நல்ல வசூல் பார்த்தது. இதையடுத்து எப்படியாவது ஹிட் கொடுக்க வேண்டும் என்கிற கட்டாயத்தில் இருந்த நெல்சனுக்கு அடுத்ததாக கிடைத்த பிரம்மாண்ட வாய்ப்பு தான் ஜெயிலர். சன் பிக்சர்ஸ் நிறுவனம் அதிக பொருட்செலவில் தயாரித்து வரும் இப்படத்தில் ரஜினிகாந்துக்கு ஜோடியாக ரம்யா கிருஷ்ணன் நடித்து வருகிறார். இப்படத்திற்கு ராக்ஸ்டார் அனிருத் தான் இசையமைக்கிறார்.
இதையும் படியுங்கள்... எப்ப வேணாலும் ரூமுக்கு வருவோம்.. 15 நாள் அட்ஜஸ்மெண்ட் பண்ணனும்- டீல் பேசிய இயக்குனர்.. டார்டாராக கிழித்த நடிகை
ஜெயிலர் படத்தில் ரஜினி உடன் இந்தி நடிகர் ஜாக்கி ஷெராப், மலையாள சூப்பர்ஸ்டார் மோகன்லால், கன்னட சூப்பர் ஸ்டார் ஷிவ ராஜ்குமார், தெலுங்கு நடிகர் சுனில், நகைச்சுவை நடிகர் யோகிபாபு, நடிகை தமன்னா என மிகப்பெரிய நட்சத்திர பட்டாளமே நடித்து வருகிறது. பான் இந்தியா படமாக தயாராகி வரும் ஜெயிலர் படத்தின் படப்பிடிப்பு தற்போது இறுதிக்கட்டத்தை எட்டி உள்ளது. வருகிற ஏப்ரல் மாதம் இப்படத்தின் ஷூட்டிங் முழுவதுமாக நிறைவடைந்துவிடும்.
இதையடுத்து ஏப்ரல் 14-ந் தேதி இப்படத்தின் டீசரை ரிலீஸ் செய்ய படக்குழு திட்டமிட்டு உள்ளதாக தகவல் வெளியாகி உள்ளது. இப்படத்தை தீபாவளிக்கு ரிலீஸ் செய்ய திட்டமிட்டிருந்த படக்குழு, தற்போது அதற்கு முன்னதாகவே வெளியிட உள்ளதாக கூறப்படுகிறது. அதன்படி வருகிற ஆகஸ்ட் 15-ந் தேதி சுதந்திர தினத்தன்று ஜெயிலர் படத்தை பிரம்மாண்டமாக ரிலீஸ் செய்ய படக்குழு திட்டமிட்டு வருகிறதாம். இதுகுறித்த அறிவிப்பும் விரைவில் வெளியாக வாய்ப்புள்ளது.
இதையும் படியுங்கள்... விக்னேஷ் சிவன் - பிரதீப் ரங்கநாதன் கூட்டணியில் இணையும் நயன்! லவ் டுடே நாயகனுக்கு ஜோடி லேடி சூப்பர்ஸ்டாரா?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.