கம்பேக் கொடுக்க ரெடியான ரஜினி - நெல்சன் காம்போ.. மாஸான போஸ்டருடன் முக்கிய அப்டேட்டை வெளியிட்ட ஜெயிலர் படக்குழு

jailer : ஜெயிலர் படத்தில் இடம்பெறும் ரஜினியின் தோற்றம் அடங்கிய மாஸான போஸ்டரை வெளியிட்டுள்ள படக்குழு அதின்மூலம் முக்கிய அப்டேட்டையும் வெளியிட்டு இருக்கிறது.

நடிகர் ரஜினிகாந்த் நடிப்பில் கடைசியாக வெளியான அண்ணாத்த திரைப்படம் தோல்வியை தழுவியது. இதன்பின்னர் நெல்சன் இயக்கத்தில் நடிக்க கமிட் ஆனார் ரஜினி. கடந்த பிப்ரவரி மாதமே இப்படத்தின் அப்டேட் வெளியாகிவிட்டது. இதன்பின்னர் ரிலீசான நெல்சனின் பீஸ்ட் திரைப்படம் பிளாப் ஆனதால், ரஜினி தனது படத்தை இயக்கும் வாய்ப்பை வேறு இயக்குனருக்கு கொடுக்க திட்டமிட்டு உள்ளதாக கூறப்பட்டது.

பின்னர் தனது டுவிட்டர் பக்கத்தில் ஜெயிலர் பட புகைப்படத்தை பதிவிட்டு நெல்சன் இயக்கத்தில் நடிப்பதை உறுதி செய்தார் ரஜினி. இவ்வாறு ரஜினி - நெல்சன் இருவருமே அடுத்தடுத்து தோல்வி படங்களை கொடுத்துள்ளதால் ஜெயிலர் படத்தின் மூலம் மீண்டும் கம்பேக் கொடுக்க முனைப்பு காட்டி வருகின்றனர். 

இதையும் படியுங்கள்... சூர்யாவுடன் சேர்ந்து தரமான சம்பவம் செய்ய தயாரான சிறுத்தை சிவா.. சூர்யா 42 படத்தின் அடுக்கடுக்கான அப்டேட்ஸ் இதோ

ஜெயிலர் படத்தை சன்பிக்சர்ஸ் நிறுவனம் பிரம்மாண்டமாக தயாரிக்கிறது. இப்படத்தில் ரஜினிக்கு ஜோடியாக நடிகை தமன்னா நடிக்க உள்ளார். அதேபோல் நடிகை ரம்யா கிருஷ்ணன், ராக்கி பட நடிகர் வஸந்த் ரவி, யோகிபாபு, கன்னட நடிகர் ஷிவ ராஜ்குமார் என மிகப்பெரிய நட்சத்திர பட்டாளமே இப்படத்தில் நடிக்கிறது. அனிருத் இப்படத்திற்கு இசையமைக்கிறார்.

இந்நிலையில், ஜெயிலர் படத்தின் முக்கிய அப்டேட்டை படக்குழு வெளியிட்டுள்ளது. அதன்படி ஜெயிலர் படத்தில் இடம்பெறும் ரஜினியின் தோற்றம் அடங்கிய மாஸான போஸ்டரை வெளியிட்டுள்ள படக்குழு இன்று முதல் அப்படத்தின் ஷூட்டிங் தொடங்கப்பட்டு உள்ளதாக அறிவித்துள்ளார். ரஜினி ஜெயிலர் கெட் அப்பில் இருக்கும் அந்த போஸ்டர் வைரலாகி வருகிறது.

இதையும் படியுங்கள்... விக்னேஷ் சிவனை கழட்டிவிட்டு... ஸ்பெயினில் சோலோவாக போட்டோஷூட் நடத்திய நயன்தாரா - வைரலாகும் போட்டோஸ்