விடாமுயற்சியை விட சூப்பரா? தண்டேல் படம் எப்படி இருக்கு? விமர்சனம் இதோ

சந்து முண்டேட்டி இயக்கத்தில் நாக சைதன்யா ஜோடியாக சாய் பல்லவி நடித்துள்ள தண்டேல் திரைப்படம் இன்று ரிலீஸ் ஆகி உள்ள நிலையில், அதன் எக்ஸ் தள விமர்சனத்தை பார்க்கலாம்.

தண்டேல் ட்விட்டர் விமர்சனம்

நாக சைதன்யா, சாய் பல்லவி ஜோடியாக நடித்துள்ள தண்டேல் திரைப்படம் பிப்ரவரி 7 ஆம் தேதி உலகம் முழுவதும் பிரமாண்டமாக ரிலீஸ் ஆகி உள்ளது. சந்து முண்டேட்டி இயக்கத்தில் உருவாகியுள்ள இந்தப் படம் சுமார் 80 கோடி ரூபாய் பட்ஜெட்டில் இந்தப் படம் தயாரிக்கப்பட்டுள்ளது. நாக சைதன்யாவின் திரைப்பயணத்தில் இதுவே மிகப்பெரிய பட்ஜெட் படம். அல்லு அரவிந்த் இந்த படத்தின் தயாரிப்பாளராக பணியாற்றியுள்ளார். தேவிஸ்ரீ பிரசாத் இந்த படத்திற்கு இசையமைத்துள்ளார். இப்படத்தின் முதல் ஷோ பார்த்த ரசிகர்கள் தங்கள் விமர்சனங்களை எக்ஸ் தளத்தில் பதிவிட்ட வண்ணம் உள்ளனர்.

தண்டேல் எக்ஸ் விமர்சனம்

மாஸ் ஆக்‌ஷன் காட்சியுடன் நாக சைதன்யா என்ட்ரி கொடுக்கிறார். அதன் பிறகு நாக சைதன்யா, சாய் பல்லவியின் காதல் காட்சிகள், பின்னர் நாக சைதன்யா புதிய தண்டேலாக எப்படி மாறினார் என்ற காட்சிகள் வருகின்றன. முதல் பாதியில் ஓம் நமோ நம சிவாயா பாடல் சிறப்பம்சமாக இருந்தது. இந்த பாடலில் சாய் பல்லவியும் நாக சைதன்யாவும் தங்கள் நடிப்பால் அசத்தியுள்ளனர். இந்த பாடலுக்குப் பிறகு கதை உணர்ச்சிப்பூர்வமாக மாறுகிறது.

தண்டேல் படம் எப்படி இருக்கு?

முதல் பாதியில் சில நல்ல தருணங்கள், பாடல்கள், பின்னணி இசை, இடைவேளை காட்சி சிறப்பம்சமாகும். இருப்பினும், முதல் ஒரு மணி நேரம் படம் மிகவும் மெதுவாக உள்ளது. இடைவேளையிலிருந்து கதை வேகம் எடுக்கிறது.  திரைக்கதை சரியாக இல்லை. சமீப காலத்தில் தேவிஸ்ரீ பிரசாத் சிறந்த இசையை வழங்கிய படம் இது என்று சொல்லலாம். நாக சைதன்யா, சாய் பல்லவி ஜோடியைவிட தேவிஸ்ரீயின் இசை ஈர்க்கும் வகையில் இருந்தது.

இதையும் படியுங்கள்... Thandel Team Interview: தண்டேல் படக்குழுவுடன் கலகலப்பான சிறப்பு நேர்காணல்!

தண்டேல் சூப்பரா? சுமாரா?

இயக்குனர் சந்து முண்டேட்டியின் எழுத்து எதிர்பார்த்த அளவுக்கு இல்லை. 370வது பிரிவு, இந்தியா-பாகிஸ்தான் காட்சிகள் நன்றாக சித்தரிக்கப்பட்டுள்ளன. இரண்டாம் பாதியில் தேசபக்தி தொடர்பான காட்சிகள் நன்றாக உள்ளன. இருப்பினும், இரண்டாம் பாதியில் வரும் சில காட்சிகள் செயற்கையாகத் தெரிகின்றன. அவ்வளவு ஈர்க்கக்கூடியதாக இல்லை.

தண்டேல் படத்தின் பிளஸ், மைனஸ் என்ன?

இரண்டாம் பாதியில் வரும் கடைசி 20 நிமிட காட்சிகள் மிகவும் நன்றாக உள்ளன. நாக சைதன்யா, சாய் பல்லவி இருவரும் படத்தை கடைசி வரை தாங்கிச் செல்கிறார்கள். ஆனால், திரைக்கதை சரியாக இல்லாததால் பல இடங்களில் இழுத்தடிப்பது போல் தெரிகிறது. நாக சைதன்யாவின் திரைப்பயணத்தில் அதிக பட்ஜெட்டில் உருவான தண்டேல் படம், சில நல்ல தருணங்கள், கடைசி 20 நிமிட காட்சிகள், பாடல்களால் கவர்கிறது. மீதமுள்ள காட்சிகள் மந்தமாக இருப்பதால், பரவாயில்லை எனப்படும் படமாகவே நிற்கிறது.

தண்டேல் படத்தின் விமர்சனம்

படத்தின் விளம்பரப்படுத்தல் பிரமாண்டமாக செய்யப்பட்டதால், வசூல் எப்படி இருக்கும் என்பதைப் பார்க்க வேண்டும். இயக்குனர் சந்து முண்டேட்டி சில உண்மை சம்பவங்களை அடிப்படையாகக் கொண்டு, மீனவர்கள் பின்னணியில் இந்த படத்தை இயக்கியுள்ளார். நாக சைதன்யா இந்த படத்தை மிகவும் முக்கியத்துவம் வாய்ந்ததாக எடுத்துக்கொண்டு உயிரையே கொடுத்து நடித்துள்ளார்.

இதையும் படியுங்கள்... நாக சைதன்யாவின் ‘புஜ்ஜி குட்டி’யாக மாறிய சாய் பல்லவி - வைரலாகும் தண்டேல் பட பாடல்