Music: "காற்றில் எந்தன் கீதம்..." - வாலி, வைரமுத்துவுக்கு நடுவே கங்கை அமரன் படைத்த மௌனப் புரட்சி!

இசையமைப்பாளர், இயக்குனர் என்பதைத் தாண்டி, கங்கை அமரன் ஒரு தலைசிறந்த பாடலாசிரியர். இளையராஜா அல்லது வாலி எழுதியதாகக் கருதப்படும் "செந்தூரப் பூவே", "என் இனிய பொன் நிலாவே" போன்ற பல சூப்பர் ஹிட் பாடல்கள் உண்மையில் இவரால் எழுதப்பட்டவை. 

Image Credit : our own

கங்கை அமரனின் பேனா முனையில் பிறந்த பாடல்கள்.!

தமிழ் சினிமாவின் பொற்காலமான 80-களில், மெல்லிசை மற்றும் கிராமிய இசையின் சங்கமமாகத் திகழ்ந்தவர் கங்கை அமரன். இசைஞானி இளையராஜாவின் தம்பி என்ற அடையாளத்தையும் கடந்து, ஒரு சிறந்த இயக்குனர், இசையமைப்பாளர், மற்றும் பாடலாசிரியர் எனத் தனது ‘அமர்’ முத்திரையைப் பதித்தவர். பலரும் அறியாத உண்மை என்னவென்றால், இளையராஜா அல்லது வாலி எழுதியதாகக் கருதப்படும் பல சூப்பர் ஹிட் மெலடிகள் உண்மையில் கங்கை அமரனின் பேனா முனையில் பிறந்தவை.

Image Credit : our own

இயற்கையும் கிராமியமும் கலந்த இசைத் தென்றல்

கங்கை அமரனின் வரிகள் எளிமையாகவும், அதேசமயம் ஆழமான உணர்வுகளைக் கடத்துவதாகவும் இருக்கும். பாரதிராஜாவின் '16 வயதினிலே' படத்தில் இடம்பெற்ற "செந்தூரப் பூவே" பாடல், ஒரு பெண்ணின் காதலைத் தென்றலாய் வருடும் வரிகளால் இன்றும் பலரது ஃபேவரைட். அதேபோல், 'கிழக்கே போகும் ரயில்' படத்தில் வரும் "பூவரசம்பூ பூத்தாச்சு" பாடல் கிராமியக் காதலின் முகவரி.

Image Credit : our own

மறக்க முடியாத மெலடி மகுடங்கள்

இளையராஜாவின் இசையில் கங்கை அமரன் எழுதிய சில பாடல்கள் காலத்தால் அழியாதவை. ஜானி படத்தில் இடம் பெற்ற "காற்றில் எந்தன் கீதம்", "ஆசையக் காத்துல தூது விட்டு" மற்றும் "செனோரிட்டா" - ஆகியவை கங்க அமரன் மேற்கத்தியப் பாணியிலும் கவித்துவமானத் தமிழைக் கையாண்ட வித்தை அவை.

அதேபோல் பன்னீர் புஷ்பங்கள் திரைப்படங்களில் இடம்பெற்ற "கோடை காலக் காற்றே", "பூந்தளிர் ஆட" போன்ற பாடல்கள் இன்றும் இளமையின் அடையாளங்களாக ஒலிக்கின்றன. மேலும் மூடுபனி திரைப்படத்தில் இடம்பெற்ற  "என் இனிய பொன் நிலாவே" - ஒரு நவீனத் தமிழ்ப் பாடலுக்கு இலக்கணமாகத் திகழும் இப்பாடல், கங்கை அமரனின் இசை அறிவுக்குச் சான்று. சின்னத்தம்பி திரைப்படத்தில் இடம்பெறஅற "தூளியிலே ஆடவந்த" மற்றும் "அரைச்ச சந்தனம்" போன்ற பாடல்கள் பட்டிதொட்டியெங்கும் இவரைப் பேச வைத்தன.

Image Credit : our own

இயக்குனராக இமாலயச் சாதனை

வெறும் பாடலாசிரியராக மட்டுமல்லாமல், 'கோழி கூவுது' படத்தின் மூலம் இயக்குனராக அறிமுகமான இவர், 'கரகாட்டக்காரன்' என்ற மெகா ஹிட் படத்தின் மூலம் வசூல் சாதனை படைத்தார். இந்தப் படத்தில் இடம்பெற்ற "மாங்குயிலே பூங்குயிலே" மற்றும் "ஊரு விட்டு ஊரு வந்து" போன்ற பாடல்கள் இன்றும் திருவிழாக்களின் தேசிய கீதங்களாக இருக்கின்றன.

Image Credit : our own

இதுவும் புதுமைதான் போங்க

இவருடைய இயற்பெயர் அமர் சிங். 'கங்கை' என்ற இதழின் பெயரையும், அமர் சிங் என்ற பெயரையும் இணைத்து 'கங்கை அமரன்' என மாற்றிக்கொண்டார். தனது மகன் வெங்கட் பிரபுவின் படங்களான 'சென்னை 28' (ஜல்சா பண்ணுங்க) மற்றும் 'மங்காத்தா' (விளையாடு மங்காத்தா) வரை தனது பாடல் பயணத்தைத் தொடர்ந்து வருகிறார். சமீபத்தில் வெளியான 'The GOAT' படத்தில் கூட "சொர்க்கமே என்றாலும்" பாடலின் ரீமிக்ஸ் வடிவத்தில் இவரது வரிகள் மீண்டும் இளைய தலைமுறையைக் கவர்ந்துள்ளன.

Image Credit : our own

இதயங்களைத் தொட்ட கங்கை அமரன்

வாலி, வைரமுத்து போன்ற ஆளுமைகளுக்கு மத்தியில், மிக எளிமையான சொற்களைக் கொண்டு இதயங்களைத் தொட்டவர் கங்கை அமரன். தான் இயக்கிய படங்களிலும் பாடல்களைக் கதையோடு பின்னிய இவரது பாணி, இவரைத் தமிழ் சினிமாவின் 'ஆல்-ரவுண்டர்' ஆக்குகிறது. அந்தத் 'தங்கக்கம்பி'யின் பாடல்கள் தமிழ் உள்ளங்கள் உள்ளவரை ரீங்காரமிட்டு கொண்டே இருக்கும்!