ஜில் ஜங் ஜக் முதல் நாய்சேகர் வரை... பட தலைப்புகளாக மாறிய வடிவேலுவின் சூப்பர் ஹிட் டயலாக்ஸ் ஒரு பார்வை

வடிவேலு பேசிய சூப்பர் ஹிட் வசனங்களை படத் தலைப்புகளாக வைக்கப்பட்ட நிகழ்வுகள் தமிழ் சினிமாவில் ஏராளம் நடந்துள்ளன. அதன் தொகுப்பை பார்க்கலாம்.

Movie Titles based on Vadivelu Dialogues

நகைச்சுவை நடிகர் வடிவேலுவின் காமெடிக்கு சிரிக்காத ஆளே இருக்க முடியாது. அந்த அளவுக்கு தன்னுடைய நகைச்சுவையால் மக்களை வயிறுகுலுங்க சிரிக்க வைத்தவர் வைகைப்புயல் வடிவேலு. அவர் பேசிய காமெடி வசனங்கள் படத்தலைப்புகளாக மாறிய சம்பவங்களும் அரங்கேறி இருக்கின்றன. அப்படி வடிவேலு பேசிய வசனங்களை தலைப்பாக வைத்த படங்கள் பற்றி பார்க்கலாம்.

Naanum Rowdy Dhaan

நானும் ரெளடி தான்

தலைநகரம் படத்தில் போலீஸ் ஜீப்பில் ஏறிக்கொண்டு நான் ஜெயிலுக்கும் போறேன் நானும் ரெளடி தான் என்கிற வசனத்தை வடிவேலு பேசி இருப்பார். இந்த வசனம் பின்னர் படத்தலைப்பாக மாறியது. கடந்த 2015-ம் ஆண்டு விக்னேஷ் சிவன் இயக்கத்தில் வெளிவந்த படத்துக்கு நானும் ரெளடி தான் என பெயரிடப்பட்டு ரிலீஸ் ஆனது. அந்த டயலாக்கை போல் படமும் சூப்பர்ஹிட் ஆனது.

Jill Jung Juk

ஜில் ஜங் ஜக்

ஷங்கர் இயக்கத்தில் கடந்த 1994-ம் ஆண்டு ரிலீஸ் ஆன படம் காதலன். அதில் பெண்களை வர்ணிக்கும் விதமாக வடிவேலு ஜில் ஜங் ஜக் என்கிற வசனத்தை பேசி இருப்பார். அந்த வசனம் கடந்த 2012-ம் ஆண்டு தீரஜ் வைத்தி இயக்கத்தில் சித்தார்த் நடித்த டார்க் காமெடி படத்துக்கு தலைப்பாக வைக்கப்பட்டது.

Trisha Illana Nayantara

த்ரிஷா இல்லேனா நயன்தாரா

தலைநகரம் திரைப்படத்தில் வடிவேலு பேசிய காமெடி வசனங்கள் அனைத்தும் வேறலெவல் ஹிட் அடித்தன. அதில் த்ரிஷா இல்லேனா திவ்யா என்கிற வசனத்தையும் அவர் பேசி இருப்பார். அந்த வசனத்தை தழுவி தான் ஜிவி பிரகாஷ் நடிப்பில் கடந்த 2015-ம் ஆண்டு வெளிவந்த அடல்ட் காமெடி படத்துக்கு த்ரிஷா இல்லேனா நயன்தாரா என பெயரிட்டனர்.

இதையும் படியுங்கள்... லிஃப்ட் கதவு மூடியதும் என்னிடம் தவறாக நடந்து கொண்டார்.. சீனியர் நடிகருக்கு பளார் என அறைவிட்ட நடிகை உஷா

Plan Panni Pannanum

பிளான் பண்ணி பண்ணனும்

பிரபுதேவா இயக்கிய போக்கிரி படத்தில் வடிவேலு பேசிய எபிக் டயலாக் தான் பிளான் பண்ணி பண்ணனும். இந்த டயலாக்கை டைட்டிலாக வைத்து பத்ரி வெங்கடேஷ் இயக்கிய படம் தான் பிளான் பண்ணி பண்ணனும். இப்படத்தில் ரியோ ராஜ் ஹீரோவாக நடித்திருந்தார். அவருக்கு ஜோடியாக ரம்யா நம்பீசன் நடித்தார்.

Varuthapadatha Valibar Sangam

வருத்தப்படாத வாலிபர் சங்கம்

வடிவேலு பேசிய டயலாக் மட்டுமின்றி அவர் படத்தில் வரும் கதாபாத்திரங்கள் சிலவும் படத் தலைப்புகளாக மாறி இருக்கின்றன. அப்படி வின்னர் படத்தில் வடிவேலு வருத்தப்படாத வாலிபர் சங்கத் தலைவராக நடித்திருப்பார். அதனை படத்தலைப்பாக மாற்றி வருத்தப்படாத வாலிபர் சங்கம் என்கிற பெயரில் படமெடுத்தார் பொன்ராம். அதில் சிவகார்த்திகேயன் ஹீரோவாக நடித்திருந்தார்.

Naai Sekhar

நாய்சேகர்

வடிவேலுவின் மற்றுமொரு ஐகானிக் கேரக்டர் நாய்சேகர். தலைநகரம் படத்திற்காக அவர் நடித்த இந்த கேரக்டர் வேறலெவலில் பிரபலமானது. இந்த தலைப்பில் நாய்சேகர் மற்றும் நாய்சேகர் ரிட்டர்ன்ஸ் என்கிற இரு படங்கள் தயாராகின. அதில் நாய்சேகர் படத்தில் சதீஷும், நாய்சேகர் ரிட்டர்ன்ஸ் படத்தில் வடிவேலுவும் ஹீரோவாக நடித்திருந்தனர்.

இதையும் படியுங்கள்... கர்ப்பமாக இருந்த போது, வயிற்றில் எட்டி உதைத்தார்... கொடுமைப்படுத்திய நடிகர் முகேஷ் - நடிகை சரிதா கண்ணீர்!