சக கலைஞருக்கு உதவுவதற்காக திரைக்கதையை மாற்றிய மக்கள் திலகம்! 'மீனவ நண்பனில்' எம்.ஜி.ஆர் நிகழ்த்திய மனிதாபிமான மேஜிக்!

திரைப்படத்தில் மக்கள் திலகம் எம்.ஜி.ஆரின் தலையீடு, சக கலைஞர்களின் வாழ்வை உயர்த்துவதற்ககவே இருக்குமாம். 'மீனவ நண்பன்' படத்தில் கவிஞர் முத்துலிங்கத்திற்கு வாய்ப்பளிக்க அவர் திரைக்கதையையே மாற்றிய விதம், மனிதாபிமான மேஜிக்கைப் பறைசாற்றுகிறது.

Image Credit : Asianet News

வள்ளல் தன்மை கொண்ட ஹீரோ

தமிழ் திரையுலகில் ஒரு திரைப்படம் செம்மையாக உருவாக வேண்டும் என்பதற்காக நடிகர்கள் காட்டும் அதீத ஈடுபாடு சில நேரங்களில் 'தலையீடு' என்று விமர்சிக்கப்படுவதுண்டு. ஆனால், மக்கள் திலகம் எம்.ஜி.ஆர் அவர்களின் தலையீடு என்பது வெறும் நேர்த்திக்காக மட்டுமல்லாமல், சக கலைஞர்களின் வாழ்வாதாரத்தை உயர்த்துவதற்காகவும் அமைந்தது. ஒரு கவிஞனின் திறமை முடங்கிவிடக் கூடாது என்பதற்காக, 'மீனவ நண்பன்' திரைப்படத்தின் திரைக்கதையையே மாற்றிய அந்த நெகிழ்ச்சியான மனிதாபிமான மேஜிக்கைப் பற்றி இக்கட்டுரையில் காண்போம்.

Image Credit : Asianet News

கவிஞனுக்காக ஒரு 'கட்டளை'

இயக்குநர் ஸ்ரீதரின் இயக்கத்தில் 'மீனவ நண்பன்' திரைப்படம் இறுதிக்கட்டத்தை எட்டியிருந்தது. அப்போது கவிஞர் முத்துலிங்கம் இன்னும் ஒரு பாடல் கூட படத்தில் எழுதவில்லை என்பதை எம்.ஜி.ஆர் அறிந்தார். ஒரு திறமையான கலைஞனுக்குத் தன் படத்தில் வாய்ப்பு கிடைக்காமல் போகக்கூடாது என்பதில் அவர் உறுதியாக இருந்தார். உடனே இயக்குநர் ஸ்ரீதரை அழைத்து, "படத்தில் ஒரு ‘ட்ரீம் சாங்’ சேர்த்திடுங்கள், அதை முத்துலிங்கம் எழுதட்டும்" என்று அன்புக் கட்டளையிட்டார்.

Image Credit : Facebook/MGR

சூழலை மிஞ்சிய மனிதாபிமானம்

இயக்குநர் ஸ்ரீதரோ, "கதையில் அதற்கான சூழலே இல்லையே" என்று தயங்கினார். அப்போது எம்.ஜி.ஆர் சொன்ன அந்தப் பதில், அவரது திரை அறிவையும் மனிதாபிமானத்தையும் ஒருசேரக் காட்டியது: "கனவுப் பாடலுக்கு என்ன சூழல் வேண்டும்? சூழல் இல்லாமலேயே ஒரு சூழலை உருவாக்குவதுதான் கனவுப் பாடல்!" தனது அதிகாரத்தை ஒரு கலைஞனின் வளர்ச்சிக்காகப் பயன்படுத்திய எம்.ஜி.ஆர், "இந்தப் பாட்டுதான் அடுத்த ஷூட்டிங்" என்று உறுதியாகக் கூறி, தயாரிப்பாளரிடமும் பேசி அந்தப் பாடலைச் சேர்க்க வைத்தார். இது சக கலைஞர் மீது எம்ஜிஆர் கொண்டிருந்த  அன்பை காட்டுகிறது என்றால் அது மிகையல்ல.

Image Credit : Asianet News

காலத்தை வென்ற 'தங்கம்'

எம்.ஜி.ஆரின் அந்த ஆக்கப்பூர்வமான பிடிவாதத்தால் உருவான பாடல்தான், இன்றுவரை நம் காதுகளில் தேனாக ஒலிக்கும் "தங்கத்தில் முகமெடுத்து... சந்தனத்தில் உடலெடுத்து..." என்ற பாடல். முத்துலிங்கத்தின் காவிய வரிகளும், எம்.ஜி.ஆரின் அந்தப் பாசிட்டிவ் எண்ணமும் இணைந்து ஒரு மிகச்சிறந்த ஹிட் பாடலைத் தமிழ் சினிமாவுக்குப் தந்தது. 

Image Credit : Facebook/MGR

சக கலைஞர்களின் உயர்வில் இன்பம்

ஒரு தனிமனிதனின் திறமையை உலகம் அறியச் செய்ய, படத்தின் ஓட்டத்தையே மாற்றி அமைத்த அந்த 'மேஜிக்' எம்.ஜி.ஆரால் மட்டுமே சாத்தியமானது. வெறும் நடிகராக இல்லாமல், சக கலைஞர்களின் உயர்வில் இன்பம் கண்ட அந்தப் பண்புதான் அவரை இன்றும் மக்கள் மனதில் 'புரட்சித் தலைவராக' வாழ வைக்கிறது. ஒரு பாடலுக்காக அவர் எடுத்த அந்தத் துணிச்சலான முடிவு, முத்துலிங்கம் என்ற சிறந்த கவிஞனைத் திரையுலகுக்கு அடையாளம் காட்டியது.